अ‍ॅपशहर

संकटकाळी निवडणुकांचा विचार तरी कसा येतो?: उद्धव

पूरग्रस्त बांधवांसाठी आपण पूर्ण ताकदीनिशी उभे राहायला हवे, असे आवाहन शिवसेना पक्षप्रमुख उद्धव ठाकरे यांनी केले. संकटकाळी निवडणुकांचा विचार तरी कसा येतो, असा सवाल करत उद्धव यांनी मनसे अध्यक्ष राज ठाकरे यांना टोला हाणला. पुराच्या पार्श्वभूमीवर विधानसभा निवडणुका पुढे ढकला, अशी मागणी राज यांनी केली होती. त्यावर उद्धव यांनी अप्रत्यक्ष भाष्य केले.

महाराष्ट्र टाइम्स.कॉम 11 Aug 2019, 1:42 pm
मुंबई:पूरग्रस्त बांधवांसाठी आपण पूर्ण ताकदीनिशी उभे राहायला हवे, असे आवाहन शिवसेना पक्षप्रमुख उद्धव ठाकरे यांनी केले. संकटकाळी निवडणुकांचा विचार तरी कसा येतो, असा सवाल करत उद्धव यांनी मनसे अध्यक्ष राज ठाकरे यांना टोला हाणला. पुराच्या पार्श्वभूमीवर विधानसभा निवडणुका पुढे ढकला, अशी मागणी राज यांनी केली होती. त्यावर उद्धव यांनी अप्रत्यक्ष भाष्य केले. शिवसेना भवन येथे पत्रकार परिषदेत ते बोलत होते.
महाराष्ट्र टाइम्स.कॉम uddhav1


आज दुपारी शिवसाहित्य मदतीचे ट्रक , अॅम्बुलेंस शिवाजी पार्क, दादर येथून सांगली, कोल्हापूरच्या दिशेने रवाना झाल्या. पिण्याच्या पाण्याच्या बाटल्या, औषधे, खाण्याचे साहित्य अशी मदत शिवसेनेतर्फे करण्यात आली. यासंदर्भातली माहिती घेण्यासाठी उद्धव ठाकरे यांनी पत्रकार परिषदेचे आयोजन केले होते.



यावेळी त्यांना पुरासंदर्भात होत असलेल्या राजकारणाविषयी विचारले असता त्यांनी 'त्याविषयी आता काही बोलण्याची वेळ नाही,' असे म्हणत उत्तर देणे टाळले. ते म्हणाले, 'मला राजकारणात पडायचे नाही. जे जे आवश्यक आहे, ते करणं मला महत्त्वाचं वाटतं. आधी ज्यांची घरे वाहून गेली आहेत. त्यांना मदत करणं गरजेचे आहे.'

'वातावरण बदल होतोय. मुंबईतही महिनाभराचा पाऊस एका दिवसात पडला. याविषयीचा विचार, त्यावर मात करणारी यंत्रणा निर्माण करण्यासाठी तज्ञ्जांनी विचार करायला हवा,' असं मतही उद्धव यांनी व्यक्त केलं. यावेळी युवा सेनाप्रमुख आदित्य ठाकरेही उपस्थित होते.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज