मुंबई: गेल्या अनेक वर्षांपासून शिवसेनेची ओळख असलेला शिवाजी पार्कवरील दसरा मेळावा हायजॅक करण्याच्यादृष्टीने आता शिंदे गटाने निर्णायक पाऊल टाकले आहे. शिंदे गटाकडून शिवाजी पार्कवर दसरा मेळाव्यासाठीच्या परवानगीचा अर्ज मुंबई महानगरपालिकेकडे सादर केला आहे. उद्धव ठाकरे (Uddhav Thackeray) यांच्याकडून यापूर्वीच दसरा मेळाव्यासाठी (Dasra Melava) परवानगी मागण्यात आली होती. मात्र, मुंबई महानगरपालिकेने ही परवानगी रोखून धरली होती. त्यानंतर आता शिंदे गटानेच शिवाजी पार्कवर मेळावा घ्यायचे ठरवले आहे. पालिकेकडे अर्ज सादर करून शिंदे गटाने तशा हालचालीही सुरु केल्या आहेत. या पार्श्वभूमीवर आता शिवसेनेकडून पहिली प्रतिक्रिया आली आहे. शिवसेनेच्या नेत्या किशोरी पेडणेकर यांनी या मुद्द्यावरु शिंदे गटावर टीकास्त्र सोडले आहे. शिंदे गटाकडून बाळासाहेब ठाकरे यांचे नाव घेतले जाते आणि दुसरीकडे ढोंगीपणा केला जातो. शिवाजी पार्कवरील शिवसेनेचा दसरा मेळावा रोखणे, हा म्हणजे बाळासाहेब ठाकरे यांचा अपमान आहे. बाळासाहेबांनंतर उद्धव ठाकरे यांनी दसरा मेळाव्याची परंपरा पुढे नेली. मात्र, आता त्यामध्ये खोडा घातला जात आहे. हा कायदा-सुव्यवस्था बिघडवण्याचा प्रयत्न आहे. नुसते शाब्दिक फवारे उडवून हिंदुत्व सिद्ध होत नाही. ही शिवसेनेची ५६ वर्षांची परंपरा आहे. त्याला ब्रेक देऊ नका. मी हात जोडून विनंती करते की, असे करु नका. कारण ज्याच्या हातात सत्ता आहे, त्याचे परिणाम लोकांना दिसत आहेत, असे किशोरी पेडणेकर यांनी म्हटले.
तर दुसरीकडे शिंदे गटाच्या दसरा मेळाव्यासाठी अर्ज करणारे आमदार सदा सरवणकर यांनी आम्ही रितसर अर्ज केल्याचे स्पष्ट केले. आम्ही कोणत्याही गटासाठी हा अर्ज दाखल केलेला नाही. शिवसेनेच्या दरवर्षी होणाऱ्या दसरा मेळाव्याच्या परवानगीसाठी हा अर्ज आहे. त्यामुळे आता मुंबई महानगरपालिका कोणाला परवानगी देते, हे बघुयात, असे सदा सरवणकर यांनी म्हटले.
शिंदे गटाच्या कार्यकर्त्यांना मुंबईत येण्याच्या सूचना
शिंदे गटाने शिवाजी पार्कच्या मैदानात दसरा मेळावा घ्यायचे ठरवल्याने आता मुंबईतील वातावरण तापण्याची शक्यता आहे. दसरा मेळाव्याच्या दिवशी शिंदे गटाच्या राज्यभरातील आमदार आणि कार्यकर्त्यांना मुंबईत दाखल होण्याच्या सूचना देण्यात आल्या आहेत. त्यामुळे आता उद्धव ठाकरे या सगळ्यावर काय भूमिका घेतात, ते पाहावे लागेल.
नेमका वाद काय?
शिवसेना आणि दसरा मेळावा असे एक अतूट नाते असून, या निमित्ताने दादरच्या शिवाजी पार्क मैदानात होणाऱ्या शिवसेनेच्या सभेला राज्यातील कानाकोपऱ्यातून शिवसैनिक उपस्थिती लावतात. मात्र, आता शिंदे गटाने हा मेळावा हायजॅक करण्याची तयारी सुरु केली आहे. मुंबई महापालिकेकडून मेळाव्याला परवानगी मिळावी यासाठी शिवसेनेने अर्ज दाखल केला असताना, महापालिकेने मात्र हात आखडता घेतला होता. मात्र, आता शिंदे गटाने परवानगीचा अर्ज दाखल केल्यानंतर पालिका काय भूमिका घेते, हे पाहावे लागेल. शिंदे गटाला परवानगी मिळाल्यास या मेळाव्यातून मुख्यमंत्री एकनाथ शिंदे एकटेच मार्गदर्शन करणार का; तसेच त्यांच्यासोबत उपमुख्यमंत्री देवेंद्र फडणवीस देखील मार्गदर्शन करणार का या सर्व बाबी अद्याप गुलदस्त्यातच आहेत.
तर दुसरीकडे शिंदे गटाच्या दसरा मेळाव्यासाठी अर्ज करणारे आमदार सदा सरवणकर यांनी आम्ही रितसर अर्ज केल्याचे स्पष्ट केले. आम्ही कोणत्याही गटासाठी हा अर्ज दाखल केलेला नाही. शिवसेनेच्या दरवर्षी होणाऱ्या दसरा मेळाव्याच्या परवानगीसाठी हा अर्ज आहे. त्यामुळे आता मुंबई महानगरपालिका कोणाला परवानगी देते, हे बघुयात, असे सदा सरवणकर यांनी म्हटले.
शिंदे गटाच्या कार्यकर्त्यांना मुंबईत येण्याच्या सूचना
शिंदे गटाने शिवाजी पार्कच्या मैदानात दसरा मेळावा घ्यायचे ठरवल्याने आता मुंबईतील वातावरण तापण्याची शक्यता आहे. दसरा मेळाव्याच्या दिवशी शिंदे गटाच्या राज्यभरातील आमदार आणि कार्यकर्त्यांना मुंबईत दाखल होण्याच्या सूचना देण्यात आल्या आहेत. त्यामुळे आता उद्धव ठाकरे या सगळ्यावर काय भूमिका घेतात, ते पाहावे लागेल.
नेमका वाद काय?
शिवसेना आणि दसरा मेळावा असे एक अतूट नाते असून, या निमित्ताने दादरच्या शिवाजी पार्क मैदानात होणाऱ्या शिवसेनेच्या सभेला राज्यातील कानाकोपऱ्यातून शिवसैनिक उपस्थिती लावतात. मात्र, आता शिंदे गटाने हा मेळावा हायजॅक करण्याची तयारी सुरु केली आहे. मुंबई महापालिकेकडून मेळाव्याला परवानगी मिळावी यासाठी शिवसेनेने अर्ज दाखल केला असताना, महापालिकेने मात्र हात आखडता घेतला होता. मात्र, आता शिंदे गटाने परवानगीचा अर्ज दाखल केल्यानंतर पालिका काय भूमिका घेते, हे पाहावे लागेल. शिंदे गटाला परवानगी मिळाल्यास या मेळाव्यातून मुख्यमंत्री एकनाथ शिंदे एकटेच मार्गदर्शन करणार का; तसेच त्यांच्यासोबत उपमुख्यमंत्री देवेंद्र फडणवीस देखील मार्गदर्शन करणार का या सर्व बाबी अद्याप गुलदस्त्यातच आहेत.