आदित्य ठाकरेंसह उद्धव ठाकरेंची संयुक्त पत्रकार परिषद, अंधेरीच्या निकालापूर्वीच मोठी घोषणा करणार

मुंबई : शिवसेना पक्षप्रमुख उद्धव ठाकरे आणि आदित्य ठाकरे राज्यातील राजकीय स्थितीसंदर्भात भूमिका स्पष्ट करण्यासाठी संयुक्त पत्रकार परिषद घेणार आहेत. आदित्य ठाकरे आणि उद्धव ठाकरे पत्रकार परिषदेत महत्त्वाच्या विषयांवर भाष्य करतील, अशी माहिती आहे. ही पत्रकार परिषद ५ नोव्हेंबरला आयोजित केली जाणार आहे. राज्यातील राजकीय घडामोडींच्या पार्श्वभूमीवर उद्धव ठाकरे आणि आदित्य ठाकरे काय बोलणार याकडे लक्ष लागलं आहे.

शिवसेनाप्रमुख बाळासाहेब ठाकरे यांच्या स्मृतीदिनाच्या अनुषंगाने मोठी घोषणा या पत्रकार परिषदेत केली जाण्याची शक्यता आहे. बाळासाहेब ठाकरे यांचा स्मृती दिन १७ नोव्हेंबरला आहे याच पार्श्वभूमीवर मोठी उद्धव ठाकरे करतील,अशी शक्यता आहे.

नवऱ्याला जाऊन वर्षही झालं नाही आणि... परदेशात गेलेल्या मराठी अभिनेत्रीला ट्रोल करण्याचा प्रयत्न

शिवसेनेच्या इतिहासात पहिल्यांदा पिता-पुत्र एका पत्रकार परिषदेत संबोधित करणार आहेत. राज्यातील मविआ सरकार पडल्यानंतर शिवसेनेतील आमदार आणि खासदारांचं बंड या शिवाय राज्यातील विविध प्रश्नांवर बंडखोरीनंतर पिता-पुत्र माध्यमांशी एकत्र संवाद साधतील, अशी माहिती आहे.

उद्धव ठाकरे यांनी मुख्यमंत्रिपदाचा राजीनामा दिल्यानंतर राज्यात येणारे वेदांता फॉक्सकॉन, टाटा एअरबस, बल्क ड्रग्ज पार्क गुजरातला गेल्यानंतर शिंदे सरकारविरोधात आदित्य ठाकरेंनी आक्रमकपणे बाजूल लावून धरली आहे. आदित्य ठाकरेंनी या प्रकरणी सलग पत्रकार परिषद घेत शिंदे सरकारवर हल्लाबोल केला आहे. उद्धव ठाकरेही शेतकऱ्यांचे प्रश्न आणि राज्यात येणाऱ्या उद्योगांवर भाष्य करण्याची शक्यता आहे.


बांगलादेशविरुद्ध सूर्यकुमारने केला पाकिस्तानचा गेम, पाहा सामना सुरु असताना घडलं तरी काय...

उद्धव ठाकरेंचा पोहरादेवी दर्शनाचा दौरा ठरला

शिवसेना पक्ष प्रमुख उद्धव ठाकरे 3 डिसेंबर रोजी पोहरादेवीच्या दर्शनाला जाणार आहेत. मंत्री संजय राठोड यांच्या मतदार संघातील अनेकांनी शिवसेनेला पाठिंबा दिल्या नंतर उद्धव ठाकरेंनी पोहरादेवीला जाणार असल्याची घोषणा केली होती. अखेर 3 डिसेंबरला उद्धव ठाकरेला पोहरादेवीच्या दर्शनाला उद्धव ठाकरे जाणार आहेत. संजय राठोड यांच्या मतदारसंघातील दिग्गज नेते संजय देशमुख यांनी देखील ठाकरे गटात प्रवेश केला आहे.

Andheri Bypoll: अंधेरी पोटनिवडणुकीत 'नोटा'ला ४३ हजार मतं मिळणार? ती पोस्ट व्हायरल