म. टा. खास प्रतिनिधी, मुंबई
पश्चिम रेल्वेवर सायंकाळी ऐन गर्दीच्या वेळेस विविध सिग्नलमध्ये बिघाड झाल्याने बोरिवलीपर्यंत येणाऱ्या आणि त्यापुढे जाणाऱ्या सेवाही विस्कळीत झाल्या. बोरिवली येथे अप आणि डाऊन फास्ट मार्गावर सायंकाळी ७.५० पासून रात्री ९ वाजेपर्यंत सिग्नलमध्ये वारंवार बिघाड झाल्याने वाहतुकीचा खोळंबा झाला. ऐन गर्दीच्या वेळेस वाहतूक सुमारे एक तास विस्कळीत झाली. सिग्नलमधील बिघाड दुरुस्त झाल्यानंतर लोकल वाहतूक हळूहळू सुरळीत झाली.
बोरिवली स्थानकाकडील अप आणि डाऊन फास्ट मार्गांवरील सिग्नलमध्ये पहिल्यांदा सायं. ७.५० वाजता बिघाड झाला. हा बिघाड रात्री ८.०३ वाजता दुरुस्त झाला. त्यानंतर रा. ८.३० वाजता आणि रा. ९.०७ वाजता पुन्हा बिघाड झाले. ते दुरुस्त होईपर्यंत सेवेवर विपरित परिणाम झाला. बोरिवलीकडे येणाऱ्या सर्व लोकल उशिराने धावत असल्याने प्रवाशांची गैरसोय झाली. स्लो आणि फास्ट मार्गावरील वेळापत्रक बिघडले. या बिघाडामुळे ऐन गर्दीच्या वेळेस प्रवाशांचे हाल झाले. अंधेरी ते बोरिवलीपर्यंतच्या प्रवासासाठी पाउण ते एक तास लागल्याच्या प्रवाशांच्या तक्रारी होत्या.
पश्चिम रेल्वेवर सायंकाळी ऐन गर्दीच्या वेळेस विविध सिग्नलमध्ये बिघाड झाल्याने बोरिवलीपर्यंत येणाऱ्या आणि त्यापुढे जाणाऱ्या सेवाही विस्कळीत झाल्या. बोरिवली येथे अप आणि डाऊन फास्ट मार्गावर सायंकाळी ७.५० पासून रात्री ९ वाजेपर्यंत सिग्नलमध्ये वारंवार बिघाड झाल्याने वाहतुकीचा खोळंबा झाला. ऐन गर्दीच्या वेळेस वाहतूक सुमारे एक तास विस्कळीत झाली. सिग्नलमधील बिघाड दुरुस्त झाल्यानंतर लोकल वाहतूक हळूहळू सुरळीत झाली.
बोरिवली स्थानकाकडील अप आणि डाऊन फास्ट मार्गांवरील सिग्नलमध्ये पहिल्यांदा सायं. ७.५० वाजता बिघाड झाला. हा बिघाड रात्री ८.०३ वाजता दुरुस्त झाला. त्यानंतर रा. ८.३० वाजता आणि रा. ९.०७ वाजता पुन्हा बिघाड झाले. ते दुरुस्त होईपर्यंत सेवेवर विपरित परिणाम झाला. बोरिवलीकडे येणाऱ्या सर्व लोकल उशिराने धावत असल्याने प्रवाशांची गैरसोय झाली. स्लो आणि फास्ट मार्गावरील वेळापत्रक बिघडले. या बिघाडामुळे ऐन गर्दीच्या वेळेस प्रवाशांचे हाल झाले. अंधेरी ते बोरिवलीपर्यंतच्या प्रवासासाठी पाउण ते एक तास लागल्याच्या प्रवाशांच्या तक्रारी होत्या.