म. टा. विशेष प्रतिनिधी, मुंबई
नौदल गोदीमध्ये चार वर्षांपूर्वी भीषण स्फोटात गारद झालेल्या आयएनएस सिंधुरक्षक या भारतीय नौदलाच्या पाणबुडीला अखेर गेल्या महिन्यात ताफ्यातून निवृत्त करून समुद्रात ३ हजार मीटर खोल जलसमाधी देण्यात आली. या पाणबुडीवरील दुर्घटनेत १८ नौसैनिकांचे प्राण गेले होते.
रशियन बनावटीची किलो श्रेणीतील ही पाणबुडी २३०० टनांची होती. पाणबुडीत पाणतीर भरताना तिच्यावर स्फोट होऊन नौदल गोदीचा परिसर मध्यरात्री होरपळून गेला होता. पाणबुडीतील नौसैनिकांचे पार्थिवही एकसंध स्वरुपात हाती लागले नव्हते. त्यानंतर ही पाणबुडी पाण्याच्या वर उचलून काढण्यास बरेच कष्ट पडले होते. पाण्याच्या वर काढल्यानंतर सिंधुरक्षकची पुन्हा दुरुस्ती करता येईल का, याची चाचपणी करण्यात आली होती. मात्र आता सिंधुरक्षक दुरुस्तीच्या पलिकडे असून ती याचवर्षी निवृत्त करण्यात येईल, असे नौदलप्रमुखांनी आयएनएस विराटच्या निवृत्तीच्या वेळी सांगितले होते.
गेल्या महिन्यात फारसा गाजावाजा न करता सिंधुरक्षकला निरोप देण्यात आला. नौकेच्या निवृत्तीचा नेहमीसारखा समारंभही करण्यात आला नाही. संपूर्ण जगाच्या दृष्टीने ही पाणबुडी अशीही सेवेतून बादच झाली होती, त्यामुळे तिच्या निवृत्तीविषयी कोणतेच भाष्य करण्यात आले नाही, असे एका नौदल अधिकाऱ्याने सांगितले.
नौदलाच्या मार्कोस कमांडोजनी काही काळ या पाणबुडीचा वापर केला. नंतर ही पाणबुडी लक्ष्य म्हणून वापरण्यात आल्याचे एका अधिकाऱ्याने सांगितले.
नौदल गोदीमध्ये चार वर्षांपूर्वी भीषण स्फोटात गारद झालेल्या आयएनएस सिंधुरक्षक या भारतीय नौदलाच्या पाणबुडीला अखेर गेल्या महिन्यात ताफ्यातून निवृत्त करून समुद्रात ३ हजार मीटर खोल जलसमाधी देण्यात आली. या पाणबुडीवरील दुर्घटनेत १८ नौसैनिकांचे प्राण गेले होते.
रशियन बनावटीची किलो श्रेणीतील ही पाणबुडी २३०० टनांची होती. पाणबुडीत पाणतीर भरताना तिच्यावर स्फोट होऊन नौदल गोदीचा परिसर मध्यरात्री होरपळून गेला होता. पाणबुडीतील नौसैनिकांचे पार्थिवही एकसंध स्वरुपात हाती लागले नव्हते. त्यानंतर ही पाणबुडी पाण्याच्या वर उचलून काढण्यास बरेच कष्ट पडले होते. पाण्याच्या वर काढल्यानंतर सिंधुरक्षकची पुन्हा दुरुस्ती करता येईल का, याची चाचपणी करण्यात आली होती. मात्र आता सिंधुरक्षक दुरुस्तीच्या पलिकडे असून ती याचवर्षी निवृत्त करण्यात येईल, असे नौदलप्रमुखांनी आयएनएस विराटच्या निवृत्तीच्या वेळी सांगितले होते.
गेल्या महिन्यात फारसा गाजावाजा न करता सिंधुरक्षकला निरोप देण्यात आला. नौकेच्या निवृत्तीचा नेहमीसारखा समारंभही करण्यात आला नाही. संपूर्ण जगाच्या दृष्टीने ही पाणबुडी अशीही सेवेतून बादच झाली होती, त्यामुळे तिच्या निवृत्तीविषयी कोणतेच भाष्य करण्यात आले नाही, असे एका नौदल अधिकाऱ्याने सांगितले.
नौदलाच्या मार्कोस कमांडोजनी काही काळ या पाणबुडीचा वापर केला. नंतर ही पाणबुडी लक्ष्य म्हणून वापरण्यात आल्याचे एका अधिकाऱ्याने सांगितले.