चांदिवलीत इमारचीचा भाग कोसळला, काही अडकले

मटा ऑनलाइन वृत्त। मुंबई

चांदिवलीतील संघर्ष नगर बसस्टॉप परिसरातील कृष्णा बिझनेस पार्क इमारतीचे पाडकाम सुरू असताना इमारतीचा भाग कोसळल्याने ४ ते ५ जण अडकल्याची भीती व्यक्त करण्यात येत आहे. ढिगाऱ्याखाली सापडलेल्या एकाची सुटका करून त्यास उपचारासाठी हॉस्पिटलमध्ये दाखल करण्यात आले आहे. शिवाय कोसळलेल्या ढिगाऱ्याखाली २ जेसीबी आणि १ पोक्लेन गाडल्या गेल्याचीही माहिती हाती आली आहे.

कृष्णा बिझनेस पार्क या सहा मजली इमारतीचा मधला भाग पाडकाम सुरू असताना कोसळला. इमारतीचा मधलाच भाग कोसळल्याने आजूबाजूचा भाग मात्र लटकता राहिलेला आहे. इमारतीचा काही भाग कोसळल्यानंतर तातडीने अग्निशमन दलाचे ८ बंब, १ बचाव पथक आणि रुग्णवाहिका घटनास्थळी दाखल झाल्या आहेत.