मटा ऑनलाइन वृत्त । मुंबई
बिहारचे सिंघम अशी ओळख असलेले मराठमोळे पोलीस अधिक्षक शिवदीप लांडे यांची मुंबईत बदली करण्यात आली आहे. मुंबईच्या अंमली पदार्थ विरोधी पथकाचे पोलीस उपायुक्त म्हणून त्यांची बदली करण्यात आली आहे.
शिवदीप लांडे यांनी वैयक्तिक कारणासाठी महाराष्ट्रात बदली करण्याची विनंती केली होती. त्यानुसार त्यांची मागणी मान्य करत ही बदली करण्यात आली असून तीन वर्षासाठी त्यांना महाराष्ट्रात पाठवण्यात आले आहे. बिहारच्या स्पेशल टास्क फोर्सचे पोलीस अधीक्षक म्हणून ते कार्यरत होते. या पदावर असताना त्यांनी बिहारच्या खाण माफीयांचं कंबरडं मोडलं होतं. खाण माफियांबरोबरच गुंड आणि रोड रोमियोंनाही त्यांनी अस्मान दाखवले होते. त्यामुळे तरुणींमध्येही त्यांची लोकप्रियता वाढली होती. लांडे आता महाराष्ट्रात येणार असल्याने आपल्या धडाकेबाज कामगिरीनं येथील गुंडांनाही ते घाम फोडतील अशी चर्चा आहे.
बिहारचे सिंघम अशी ओळख असलेले मराठमोळे पोलीस अधिक्षक शिवदीप लांडे यांची मुंबईत बदली करण्यात आली आहे. मुंबईच्या अंमली पदार्थ विरोधी पथकाचे पोलीस उपायुक्त म्हणून त्यांची बदली करण्यात आली आहे.
शिवदीप लांडे यांनी वैयक्तिक कारणासाठी महाराष्ट्रात बदली करण्याची विनंती केली होती. त्यानुसार त्यांची मागणी मान्य करत ही बदली करण्यात आली असून तीन वर्षासाठी त्यांना महाराष्ट्रात पाठवण्यात आले आहे. बिहारच्या स्पेशल टास्क फोर्सचे पोलीस अधीक्षक म्हणून ते कार्यरत होते. या पदावर असताना त्यांनी बिहारच्या खाण माफीयांचं कंबरडं मोडलं होतं. खाण माफियांबरोबरच गुंड आणि रोड रोमियोंनाही त्यांनी अस्मान दाखवले होते. त्यामुळे तरुणींमध्येही त्यांची लोकप्रियता वाढली होती. लांडे आता महाराष्ट्रात येणार असल्याने आपल्या धडाकेबाज कामगिरीनं येथील गुंडांनाही ते घाम फोडतील अशी चर्चा आहे.