मुंबई:
नागपूर येथील धम्मचक्र परिवर्तन दिनानिमित्त मध्य रेल्वेतर्फे लोकमान्य टिळक टर्मिनस (एलटीटी) ते नागपूर, पुणे ते नागपूर या मार्गांवर विशेष लोकल चालवण्यात येणार आहेत. यातील काही गाड्या आरक्षित आणि काही गाड्या अनारक्षित आहेत. तसेच या गाड्यांचे तिकीटदर विशेष गाड्यांप्रमाणे असणार आहेत.
नाशिक-नागपूर-एलटीटी या मार्गावर दोन सुपरफास्ट विशेष गाड्या चालवण्यात येणार आहेत. गाडी क्र.०१०१७ ही विशेष गाडी १८ ऑक्टोबर रोजी पहाटे पावणेपाच वाजता नाशिक रोडहून सुटणार असून ती नागपूरला दुपारी सव्वापाच वाजता पोहोचेल. गाडी क्र.०१०१८ ही विशेष गाडी नागपूरहून १९ ऑक्टोबर रोजी दुपारी सव्वाबारा वाजता सुटून एलटीटीस दुसऱ्या दिवशी पहाटे ३.१० वाजता पोहोचेल.
मुंबई ते अजनी या मार्गावरही दोन विशेष गाड्या चालवण्यात येणार आहेत. गाडी क्र.०१०११ ही सीएसएमटी ते अजनी विशेष गाडी १८ ऑक्टोबर रोजी रात्री १२.२० वाजता सुटणार असून अजनीला दुपारी सव्वादोन वाजता पोहोचेल. परतीच्या प्रवासासाठी गाडी क्र.०१०१२ ही अजनी ते सीएसएमटी विशेष गाडी १९ ऑक्टोबर रोजी रात्री ९.०५ मिनिटांनी सुटून सीएसएमटी येथे दुसऱ्या दिवशी दुपारी २.४० मिनिटांनी पोहोचेल. या गाडीला दादर, ठाणे, कल्याण, इगतपुरी, नाशिक, मनमाड, मलकापूर, शेगाव, अकोला, बडनेरा, चंदूर, धामणगाव, फुलगाव, वर्धा, सेवाग्राम आणि अजनी या स्थानकांवर थांबे देण्यात येणार आहेत. या दोन्ही गाड्या आरक्षित असतील. नागपूर ते पुणे या मार्गावर एक अनारक्षित गाडी चालवण्यात येईल. गाडी क्र.०१०३० ही नागपूर ते पुणे अनारक्षित गाडी १८ ऑक्टोबरला रात्री ११ वाजता सुटणार असून ती पुण्याला दुसऱ्या दिवशी सायंकाळी ७.१० मिनिटांनी पोहोचेल.
नागपूर येथील धम्मचक्र परिवर्तन दिनानिमित्त मध्य रेल्वेतर्फे लोकमान्य टिळक टर्मिनस (एलटीटी) ते नागपूर, पुणे ते नागपूर या मार्गांवर विशेष लोकल चालवण्यात येणार आहेत. यातील काही गाड्या आरक्षित आणि काही गाड्या अनारक्षित आहेत. तसेच या गाड्यांचे तिकीटदर विशेष गाड्यांप्रमाणे असणार आहेत.
नाशिक-नागपूर-एलटीटी या मार्गावर दोन सुपरफास्ट विशेष गाड्या चालवण्यात येणार आहेत. गाडी क्र.०१०१७ ही विशेष गाडी १८ ऑक्टोबर रोजी पहाटे पावणेपाच वाजता नाशिक रोडहून सुटणार असून ती नागपूरला दुपारी सव्वापाच वाजता पोहोचेल. गाडी क्र.०१०१८ ही विशेष गाडी नागपूरहून १९ ऑक्टोबर रोजी दुपारी सव्वाबारा वाजता सुटून एलटीटीस दुसऱ्या दिवशी पहाटे ३.१० वाजता पोहोचेल.
मुंबई ते अजनी या मार्गावरही दोन विशेष गाड्या चालवण्यात येणार आहेत. गाडी क्र.०१०११ ही सीएसएमटी ते अजनी विशेष गाडी १८ ऑक्टोबर रोजी रात्री १२.२० वाजता सुटणार असून अजनीला दुपारी सव्वादोन वाजता पोहोचेल. परतीच्या प्रवासासाठी गाडी क्र.०१०१२ ही अजनी ते सीएसएमटी विशेष गाडी १९ ऑक्टोबर रोजी रात्री ९.०५ मिनिटांनी सुटून सीएसएमटी येथे दुसऱ्या दिवशी दुपारी २.४० मिनिटांनी पोहोचेल. या गाडीला दादर, ठाणे, कल्याण, इगतपुरी, नाशिक, मनमाड, मलकापूर, शेगाव, अकोला, बडनेरा, चंदूर, धामणगाव, फुलगाव, वर्धा, सेवाग्राम आणि अजनी या स्थानकांवर थांबे देण्यात येणार आहेत. या दोन्ही गाड्या आरक्षित असतील. नागपूर ते पुणे या मार्गावर एक अनारक्षित गाडी चालवण्यात येईल. गाडी क्र.०१०३० ही नागपूर ते पुणे अनारक्षित गाडी १८ ऑक्टोबरला रात्री ११ वाजता सुटणार असून ती पुण्याला दुसऱ्या दिवशी सायंकाळी ७.१० मिनिटांनी पोहोचेल.