अनुदानाचा 'खेळ'

nitin.chavan@timesgroup.com
tweet @nitinchavanMT

मुंबई : लंगडी, विटी दांडू, रस्सीखेच, लगोरी, योगा, आबादुबी या खेळांना खो खो, मल्लखांब, जिम्नॅस्टिक्स, पॉवरलिफ्टिंग, वेटलिफ्टिंग या प्रचंड मेहनतीच्या आणि घाम काढणाऱ्या खेळांच्या रांगेत बसवण्याचा प्रकार मुंबई महापालिकेने केला आहे. मुंबई पालिकेतर्फे लंगडी, विटी दांडू यासह अन्य किरकोळ स्पर्धांसाठी प्रत्येकी १ लाख ४० हजार रु.ची खिरापत वाटली जात असून, खो खो, मल्लखांब या कष्टाच्या खेळांच्या स्पर्धांना २ लाख ८० हजार रु. तर जिम्नॅस्टिक्स, पॉवरलिफ्टिंग, वेटलिफ्टिंग, बॉडीबिल्डिंग यांसारख्या आंतरराष्ट्रीय खेळांची तुलना लंगडी, लगोरीशी करून त्यांना १ लाख ४० हजार रुपये अनुदान दिले जात आहे. पालिकेच्या या खिरापतीवर क्रीडा संघटनांनी टीकेची झोड उठवली आहे.

महापालिकेतर्फे दरवर्षी महापौर चषक क्रीडा महोत्सव आयोजित केला जातो. त्यासाठी खासगी क्रीडा संस्थांची मदत घेतली जाते. संस्थांनी आपल्या पातळीवर क्रीडा महोत्सव आयोजित केल्यास त्यांना स्पर्धांच्या खर्चासाठी आगाऊ ८० टक्के रक्कम तर स्पर्धेचा हिशेब दाखवल्यानंतर उर्वरित २० टक्के रक्कम दिली जाते. पालिकेने मागीलवर्षी आयोजित केलेल्या महोत्सवात विविध प्रकारच्या ३५ क्रीडा संस्थांनी सहभाग घेतला होता. या स्पर्धेत मुंबई उपनगर खो खो संघटना, मुंबई उपनगर मल्लखांब असोसिएशन, ग्रेटर बॉम्बे बॉडी बिल्डर्स असोसिएशन, मुंबई शहर पॉवरलिफ्टिंग असोसिएशन या बड्या संस्थांसह अन्य संस्था सहभागी होतात. स्पर्धेत संस्थांना मिळणाऱ्या अनुदानावरून क्रीडा संघटनांमध्ये नाराजीचे वातावरण आहे. लगोरी, लंगडी या गल्लीतील खेळ समजल्या जाणाऱ्या खेळांना दिल्या जाणाऱ्या अनुदानाच्या तुलनेत पॉवरलिफ्टिंग, वेटलिफ्टिंग, बॉडीबिल्डिंग या आंतरराष्ट्रीय खेळांच्या आयोजनासाठी संस्थांना मिळणाऱ्या मानधनात मोठी तफावत आहे. (अज्ञात खेळ...९)