म. टा. विशेष प्रतिनिधी, मुंबई
मुंबई महापालिकेच्या हद्दीत मेट्रो, मोनो रेल्वेचे काम सुरू असून, या प्रकल्पांच्या निधीसाठी आता मुंबईतील घरखरेदीवर एक टक्का अतिरिक्त मुद्रांक शुल्क आकारण्याचा निर्णय राज्य सरकारने घेतला आहे. घरखरेदीच्या मुद्रांक शुल्कात १ टक्का वाढ करण्याबाबतचे विधेयक राज्य सरकारने विधिमंडळात मंजूर करून घेतले आहे.
मुंबई महापालिकेच्या हद्दीत घरखरेदीसाठी सध्या एकूण किमतीच्या पाच टक्के मुद्रांक शुल्क आकारले जाते. मेट्रो, मोनो रेल्वे तसेच अनेक मोठ्या पायाभूत सुविधांचे काम सध्या मुंबईत सुरू आहे. या कामांसाठी निधीची गरज आहे. त्यामुळे घरखरेदीवर एक टक्का अतिरिक्त मुद्रांक शुल्क आकारून मिळणारा निधी हा या प्रकल्पांसाठी देण्याचे राज्य सरकारने ठरवले आहे.
मराठा आरक्षणावरून विधानसभेत मंगळवारी राज्य सरकारने सात विधेयके चर्चेविना मंजूर करून घेतली. या विधेयकात घरखरेदीवरील मुद्रांक शुल्कात वाढ करण्याचे विधेयकही होते. सभागृहात गोंधळ सुरू असताना हे विधेयक सरकारने मंजूर करून घेतले. घरखरेदीवर एक टक्का मुद्रांक शुल्क वाढविण्याबाबत मुंबई महापालिका कायद्यातही सुधारणा करण्यात आली आहे. देशभरात घरखरेदीवर सर्वाधिक मुद्रांक शुल्क मुंबईत आकारले जाते. त्यात आता आणखी एक टक्क्यांनी वाढ केल्याने मुंबईतील घरे आणखी महागणार आहेत.
मुंबई महापालिकेच्या हद्दीत मेट्रो, मोनो रेल्वेचे काम सुरू असून, या प्रकल्पांच्या निधीसाठी आता मुंबईतील घरखरेदीवर एक टक्का अतिरिक्त मुद्रांक शुल्क आकारण्याचा निर्णय राज्य सरकारने घेतला आहे. घरखरेदीच्या मुद्रांक शुल्कात १ टक्का वाढ करण्याबाबतचे विधेयक राज्य सरकारने विधिमंडळात मंजूर करून घेतले आहे.
मुंबई महापालिकेच्या हद्दीत घरखरेदीसाठी सध्या एकूण किमतीच्या पाच टक्के मुद्रांक शुल्क आकारले जाते. मेट्रो, मोनो रेल्वे तसेच अनेक मोठ्या पायाभूत सुविधांचे काम सध्या मुंबईत सुरू आहे. या कामांसाठी निधीची गरज आहे. त्यामुळे घरखरेदीवर एक टक्का अतिरिक्त मुद्रांक शुल्क आकारून मिळणारा निधी हा या प्रकल्पांसाठी देण्याचे राज्य सरकारने ठरवले आहे.
मराठा आरक्षणावरून विधानसभेत मंगळवारी राज्य सरकारने सात विधेयके चर्चेविना मंजूर करून घेतली. या विधेयकात घरखरेदीवरील मुद्रांक शुल्कात वाढ करण्याचे विधेयकही होते. सभागृहात गोंधळ सुरू असताना हे विधेयक सरकारने मंजूर करून घेतले. घरखरेदीवर एक टक्का मुद्रांक शुल्क वाढविण्याबाबत मुंबई महापालिका कायद्यातही सुधारणा करण्यात आली आहे. देशभरात घरखरेदीवर सर्वाधिक मुद्रांक शुल्क मुंबईत आकारले जाते. त्यात आता आणखी एक टक्क्यांनी वाढ केल्याने मुंबईतील घरे आणखी महागणार आहेत.