राज्य सरकारने इंधनावर अधिभार वाढवला

मटा ऑनलाइन वृत्त । मुंबई

दोन दिवसांपूर्वी तेल कंपन्यांनी इंधन दरात कपात करून नागरिकांना दिलासा दिला होता. मात्र, राज्य सरकारने इंधनावर अधिभार वाढवत नागरिकांना धक्का दिला आहे.

तेल कंपन्यांनी रविवारी रात्री पेट्रोल २ रूपये १६ पैसे व डिझेलच्या दरात २ रूपये १० पैशांची कपात केली होती. मात्र, हा निर्णय लागू होण्यास २४ तास उलटण्यापूर्वीच राज्य सरकारने इंधनावरील अधिभार वाढवला. त्यामुळे राज्यात पेट्रोल आणि डिझेलच्या दरात केवळ एक रूपयानेच कपात झाली आहे.

इंधनावरील अधिभार वाढवण्याची राज्य सरकारची मागील दिवसांमध्ये दुसऱ्यांदा राज्य सरकारने इंधनावरील अधिभार वाढवला आहे. इंधन अधिभार दरवाढीचा निर्णय अंमलात आला असून मंगळवारी मध्यरात्रीपासून इंधनावर वाढीव अधिभार घेण्यास सुरूवात झाली आहे.