म. टा. प्रतिनिधी, मुंबई
राज्याच्या विविध भागांना भेटी देणाऱ्या अति महत्त्वाच्या व्यक्ती, राज्य अतिथी व अन्य मान्यवरांच्या प्रवासाच्या सुविधेसाठी राज्यस्तरीय वाहन आढावा समितीने एकूण २२५ वाहने मंजूर केली आहेत. त्यापैकी ९ जिल्ह्यातील २४ नवीन टोयोटा इनोव्हा क्रिस्टा कार खरेदी करण्याचा निर्णय सरकारने हिंदू नववर्ष दिनाच्या, म्हणजे गुढीपाडव्याच्या पूर्वसंध्येला घेतला आहे. यातील पाच कार या मुख्यमंत्री देवेंद्र फडणवीस यांचे होमटाऊन असलेल्या नागपूर जिल्ह्याला मिळणार आहेत.
ही नवीन वाहने संबंधित जिल्ह्यातील राजशिष्टाचार कक्षाच्या सेवेत तैनात होतील. २४ नवीन वाहने खरेदी करण्यासाठी ४ कोटी ६६ लाख ७० हजार ०९३ रुपये इतका निधी मंजूर करण्यात आला आहे. ही वाहने मुंबईतील मे. टोयोटा किर्लोस्कर मोटार प्रायव्हेट लिमिटेडचे अधिकृत पुरवठादार असलेले लातूरचे राजयोग टोयोटा यांच्याकडून खरेदी करण्यात येणार आहेत, असे सामान्य प्रशासन विभागाने स्पष्ट केले आहे. पुरवठादारानेच ही नवीन वाहने सरकारच्या आदेशानुसार संबंधित जिल्ह्यात पोहोचवायची असून त्यासाठीचा खर्चही पुरवठादाराला देण्यात येणार आहे.
विदर्भातील नागपूर जिल्ह्यासाठी पाच, यवतमाळसाठी चार, चंद्रपूरसाठी तीन, तर गोंदिया जिल्ह्यासाठी एक टोयाटो इनोव्हा क्रिस्टा खरेदी करण्यात येणार आहेत. मराठवाड्यातील औरंगाबाद जिल्ह्यासाठी चार, बीडसाठी दोन, तर लातूरसाठी एक कार घेण्यात येणार आहे. खान्देशातील जळगाव जिल्ह्यासाठी तीन, तर पश्चिम महाराष्ट्रातील सोलापूर जिल्ह्यासाठी एक कार खरेदी करण्यात येणार असल्याची माहिती एका ज्येष्ठ अधिकाऱ्याने दिली. या नवीन २४ कार पांढऱ्या रंगाच्या असून, वाहने मिळाल्यानंतर नऊ जिल्ह्यातील संबंधित जिल्हाधिकाऱ्यांनी त्या कारची नोंदणी तेथील प्रादेशिक परिवहन कार्यालयाकडून तात्काळ करून घ्यावी असे आदेशही सामान्य प्रशासन विभागाने दिले आहेत.
राज्याच्या विविध भागांना भेटी देणाऱ्या अति महत्त्वाच्या व्यक्ती, राज्य अतिथी व अन्य मान्यवरांच्या प्रवासाच्या सुविधेसाठी राज्यस्तरीय वाहन आढावा समितीने एकूण २२५ वाहने मंजूर केली आहेत. त्यापैकी ९ जिल्ह्यातील २४ नवीन टोयोटा इनोव्हा क्रिस्टा कार खरेदी करण्याचा निर्णय सरकारने हिंदू नववर्ष दिनाच्या, म्हणजे गुढीपाडव्याच्या पूर्वसंध्येला घेतला आहे. यातील पाच कार या मुख्यमंत्री देवेंद्र फडणवीस यांचे होमटाऊन असलेल्या नागपूर जिल्ह्याला मिळणार आहेत.
ही नवीन वाहने संबंधित जिल्ह्यातील राजशिष्टाचार कक्षाच्या सेवेत तैनात होतील. २४ नवीन वाहने खरेदी करण्यासाठी ४ कोटी ६६ लाख ७० हजार ०९३ रुपये इतका निधी मंजूर करण्यात आला आहे. ही वाहने मुंबईतील मे. टोयोटा किर्लोस्कर मोटार प्रायव्हेट लिमिटेडचे अधिकृत पुरवठादार असलेले लातूरचे राजयोग टोयोटा यांच्याकडून खरेदी करण्यात येणार आहेत, असे सामान्य प्रशासन विभागाने स्पष्ट केले आहे. पुरवठादारानेच ही नवीन वाहने सरकारच्या आदेशानुसार संबंधित जिल्ह्यात पोहोचवायची असून त्यासाठीचा खर्चही पुरवठादाराला देण्यात येणार आहे.
विदर्भातील नागपूर जिल्ह्यासाठी पाच, यवतमाळसाठी चार, चंद्रपूरसाठी तीन, तर गोंदिया जिल्ह्यासाठी एक टोयाटो इनोव्हा क्रिस्टा खरेदी करण्यात येणार आहेत. मराठवाड्यातील औरंगाबाद जिल्ह्यासाठी चार, बीडसाठी दोन, तर लातूरसाठी एक कार घेण्यात येणार आहे. खान्देशातील जळगाव जिल्ह्यासाठी तीन, तर पश्चिम महाराष्ट्रातील सोलापूर जिल्ह्यासाठी एक कार खरेदी करण्यात येणार असल्याची माहिती एका ज्येष्ठ अधिकाऱ्याने दिली. या नवीन २४ कार पांढऱ्या रंगाच्या असून, वाहने मिळाल्यानंतर नऊ जिल्ह्यातील संबंधित जिल्हाधिकाऱ्यांनी त्या कारची नोंदणी तेथील प्रादेशिक परिवहन कार्यालयाकडून तात्काळ करून घ्यावी असे आदेशही सामान्य प्रशासन विभागाने दिले आहेत.