म. टा. खास प्रतिनिधी, मुंबई
अकरा दिवसांच्या बाप्पांच्या विसर्जनासाठी अवघे दोन दिवस शिल्लक असताना आत्तापर्यंत गायब असलेल्या स्टिंग रे माशांनी गिरगाव चौपाटीवर दर्शन देणे सुरू केले आहे. दरवर्षी गणेशोत्सवादरम्यान स्टिंग रे किनाऱ्यावर येतात आणि त्यामुळे गणेशभक्तांमध्ये चिंतेचे वातावरण असते. यंदा पाच दिवसांच्या बाप्पांनंतर सात दिवसांच्या गणपतींचेही विसर्जन सुखरूप पार पडले आणि गुरुवारी दुपारी तीनच्या सुमारास अनेक स्टिंग रे चौपाटीवर दिसले.
सागरी परिसंस्था अभ्यासक आणि छायाचित्रकार प्रदीप पाताडे यांनी गिरगाव चौपाटीच्या किनाऱ्यावर यंदा मोठ्या प्रमाणात स्टिंग रे, जेली फिश आणि बटरफ्लाय रे मासे दिसू लागल्याची माहिती दिली. स्टिंग रेचा दंश हा अधिक वेदनादायी असतो. गेल्या काही वर्षांमध्ये स्टिंग रे दिसले होते. मात्र, त्यांचे प्रमाण कमी होते. या आधी सन २०१३मध्ये मोठ्या प्रमाणात स्टिंग रे किनाऱ्यावर आढळले होते. त्याप्रमाणे यंदाही मोठ्या संख्येने स्टिंग रे किनाऱ्यावर आले असावेत, असे पाताडे म्हणाले. त्यांच्यात स्टिंग रेच्या पिल्लांची संख्या अधिक दिसत आहे, अशी पुस्तीही त्यांनी जोडली. दरम्यान, स्टिंग रेंनी दंश करू नये यासाठी गमबूट घालणे हा उपाय ठरू शकत नाही. पाण्यात गेल्यावर गमबूटमध्ये पाणी जाते त्यामुळे हे मासे बुटांमध्ये शिरू शकतात, असेही त्यांनी स्पष्ट केले.
यासंदर्भात सागरी परिसंस्था तज्ज्ञ डॉ. दीपक आपटे यांच्याकडे विचारणा केली असता, स्टिंग रेच्या दंशामुळे अत्यंत वेदना होऊ शकतात, मात्र हा दंश जिवासाठी घातक नाही, असे त्यांनी सांगितले. एखाद्या वर्षी हे मासे मोठ्या प्रमाणात किनारपट्टीवर दिसू शकतात, तर एखाद्या वर्षी हे प्रमाण कमी असते. याबद्दल कोणतेही निश्चित अंदाज देता येत नाही, असेही ते म्हणाले.
स्टिंग रे माशांबाबत शुक्रवारी मत्स्य विभागाच्या अधिकाऱ्यांना माहिती देण्यात येईल आणि त्यांचे अधिकारी प्रत्यक्ष चौपाटीवर जाऊन पाहणी करतील, असे पालिकेच्या डी विभागाचे सहायक आयुक्त विश्वास मोटे यांनी सांगितले. परिस्थितीचे अवलोकन करून त्यानुसार गणेशभक्तांनाही आवाहन करण्यात येईल, अशीही माहिती त्यांनी दिली.
दंश झाल्यास...
-स्टिंग रेचा दंश झाल्यास किनाऱ्यावरील प्रथमोपचार केंद्रामध्ये उपचार घ्यावेत.
-गरम पाणी असेल तर त्याने दंशाची जागा धुवावी त्यामुळे वेदना कमी होतील.
-त्यानंतर जवळच्या रुग्णालयात जाऊन उपचार घ्यावेत.
-महापालिकेने चौपाटीवर प्रथमोपचार केंद्राची सोय केली आहे.
अकरा दिवसांच्या बाप्पांच्या विसर्जनासाठी अवघे दोन दिवस शिल्लक असताना आत्तापर्यंत गायब असलेल्या स्टिंग रे माशांनी गिरगाव चौपाटीवर दर्शन देणे सुरू केले आहे. दरवर्षी गणेशोत्सवादरम्यान स्टिंग रे किनाऱ्यावर येतात आणि त्यामुळे गणेशभक्तांमध्ये चिंतेचे वातावरण असते. यंदा पाच दिवसांच्या बाप्पांनंतर सात दिवसांच्या गणपतींचेही विसर्जन सुखरूप पार पडले आणि गुरुवारी दुपारी तीनच्या सुमारास अनेक स्टिंग रे चौपाटीवर दिसले.
सागरी परिसंस्था अभ्यासक आणि छायाचित्रकार प्रदीप पाताडे यांनी गिरगाव चौपाटीच्या किनाऱ्यावर यंदा मोठ्या प्रमाणात स्टिंग रे, जेली फिश आणि बटरफ्लाय रे मासे दिसू लागल्याची माहिती दिली. स्टिंग रेचा दंश हा अधिक वेदनादायी असतो. गेल्या काही वर्षांमध्ये स्टिंग रे दिसले होते. मात्र, त्यांचे प्रमाण कमी होते. या आधी सन २०१३मध्ये मोठ्या प्रमाणात स्टिंग रे किनाऱ्यावर आढळले होते. त्याप्रमाणे यंदाही मोठ्या संख्येने स्टिंग रे किनाऱ्यावर आले असावेत, असे पाताडे म्हणाले. त्यांच्यात स्टिंग रेच्या पिल्लांची संख्या अधिक दिसत आहे, अशी पुस्तीही त्यांनी जोडली. दरम्यान, स्टिंग रेंनी दंश करू नये यासाठी गमबूट घालणे हा उपाय ठरू शकत नाही. पाण्यात गेल्यावर गमबूटमध्ये पाणी जाते त्यामुळे हे मासे बुटांमध्ये शिरू शकतात, असेही त्यांनी स्पष्ट केले.
यासंदर्भात सागरी परिसंस्था तज्ज्ञ डॉ. दीपक आपटे यांच्याकडे विचारणा केली असता, स्टिंग रेच्या दंशामुळे अत्यंत वेदना होऊ शकतात, मात्र हा दंश जिवासाठी घातक नाही, असे त्यांनी सांगितले. एखाद्या वर्षी हे मासे मोठ्या प्रमाणात किनारपट्टीवर दिसू शकतात, तर एखाद्या वर्षी हे प्रमाण कमी असते. याबद्दल कोणतेही निश्चित अंदाज देता येत नाही, असेही ते म्हणाले.
स्टिंग रे माशांबाबत शुक्रवारी मत्स्य विभागाच्या अधिकाऱ्यांना माहिती देण्यात येईल आणि त्यांचे अधिकारी प्रत्यक्ष चौपाटीवर जाऊन पाहणी करतील, असे पालिकेच्या डी विभागाचे सहायक आयुक्त विश्वास मोटे यांनी सांगितले. परिस्थितीचे अवलोकन करून त्यानुसार गणेशभक्तांनाही आवाहन करण्यात येईल, अशीही माहिती त्यांनी दिली.
दंश झाल्यास...
-स्टिंग रेचा दंश झाल्यास किनाऱ्यावरील प्रथमोपचार केंद्रामध्ये उपचार घ्यावेत.
-गरम पाणी असेल तर त्याने दंशाची जागा धुवावी त्यामुळे वेदना कमी होतील.
-त्यानंतर जवळच्या रुग्णालयात जाऊन उपचार घ्यावेत.
-महापालिकेने चौपाटीवर प्रथमोपचार केंद्राची सोय केली आहे.