म. टा. प्रतिनिधी, मुंबई
मुंबईसह राज्यातील विद्यार्थ्यांना संशोधनाची आवड निर्माण करण्यासाठी राज्य सरकारने विविध प्रयत्न सुरू केले आहेत. त्याच अनुषंगाने आता राज्य सरकारने थेट सातासमुद्रापार संशोधन करण्याची संधी राज्यातील विद्यार्थ्यांना उपलब्ध करून दिली आहे. या निर्णयानुसार वीस विद्यार्थ्यांना थेट सिडनी येथे संशोधन करण्याची सुवर्णसंधी मिळणार आहे. राज्य उच्च शिक्षण संचालनालयाने विद्यापीठांतील विद्यार्थ्यांकडून अर्ज मागविले आहेत.
उच्च व तंत्र शिक्षण विभागाकडून सिडनी येथील युनिव्हर्सिटी ऑफ न्यू साऊथ वेल्स या विद्यापीठाबरोबर काही दिवसांपूर्वी सामंजस्य करार करण्यात आला होता. त्यानुसार राज्यातील विद्यार्थ्यांना सिडनी येथे शिक्षणाची कवाडे खुली करून देण्यात आली होती. आता राज्यातील २० विद्यार्थ्यांना तेथील विद्यापीठात संशोधनाची संधी उपलब्ध करून देण्यात आली आहे. या विद्यापीठात कोणकोणत्या विषयावर संशोधन करता येईल याची माहिती युनिव्हर्सिटी ऑफ न्यू साऊथ वेल्सच्या वेबसाइटवर देण्यात आली आहे. संचालनालयाने जाहीर केलेल्या परिपत्रकानुसार यासाठी इच्छुक विद्यार्थ्यांना २० जानेवारीपर्यंत अर्ज करता येणार असून प्रत्येक विद्यापीठातून जास्तीत जास्त १० अर्ज स्वीकारले जाणार आहेत. अर्ज केलेल्या विद्यार्थ्यांना त्यांच्या विषयाचे एक सादरीकरण सादर करावे लागणार असून त्यानंतर अंतिम २० जणांची यादी जाहीर केली जाणार
आहे. यासाठी पदव्युत्तर आणि पदवी अभ्यासक्रमात ६० टक्के गुण असणे आवश्यक आहे. यामुळे दोन देशांतील संबंध सुधारण्यास तसेच विद्यार्थ्यांना नवीन गोष्टी शिकण्याची संधी मिळते, असे विद्यापीठातर्फे सांगण्यात आले. राज्यात दरवर्षी सर्वसाधारणपणे ७० लाख विद्यार्थी उच्च शिक्षण घेतात. तरीही पदव्युत्तर शिक्षण घेऊन संशोधन करणाऱ्यांची संख्या कमी आहे.
मुंबईसह राज्यातील विद्यार्थ्यांना संशोधनाची आवड निर्माण करण्यासाठी राज्य सरकारने विविध प्रयत्न सुरू केले आहेत. त्याच अनुषंगाने आता राज्य सरकारने थेट सातासमुद्रापार संशोधन करण्याची संधी राज्यातील विद्यार्थ्यांना उपलब्ध करून दिली आहे. या निर्णयानुसार वीस विद्यार्थ्यांना थेट सिडनी येथे संशोधन करण्याची सुवर्णसंधी मिळणार आहे. राज्य उच्च शिक्षण संचालनालयाने विद्यापीठांतील विद्यार्थ्यांकडून अर्ज मागविले आहेत.
उच्च व तंत्र शिक्षण विभागाकडून सिडनी येथील युनिव्हर्सिटी ऑफ न्यू साऊथ वेल्स या विद्यापीठाबरोबर काही दिवसांपूर्वी सामंजस्य करार करण्यात आला होता. त्यानुसार राज्यातील विद्यार्थ्यांना सिडनी येथे शिक्षणाची कवाडे खुली करून देण्यात आली होती. आता राज्यातील २० विद्यार्थ्यांना तेथील विद्यापीठात संशोधनाची संधी उपलब्ध करून देण्यात आली आहे. या विद्यापीठात कोणकोणत्या विषयावर संशोधन करता येईल याची माहिती युनिव्हर्सिटी ऑफ न्यू साऊथ वेल्सच्या वेबसाइटवर देण्यात आली आहे. संचालनालयाने जाहीर केलेल्या परिपत्रकानुसार यासाठी इच्छुक विद्यार्थ्यांना २० जानेवारीपर्यंत अर्ज करता येणार असून प्रत्येक विद्यापीठातून जास्तीत जास्त १० अर्ज स्वीकारले जाणार आहेत. अर्ज केलेल्या विद्यार्थ्यांना त्यांच्या विषयाचे एक सादरीकरण सादर करावे लागणार असून त्यानंतर अंतिम २० जणांची यादी जाहीर केली जाणार
आहे. यासाठी पदव्युत्तर आणि पदवी अभ्यासक्रमात ६० टक्के गुण असणे आवश्यक आहे. यामुळे दोन देशांतील संबंध सुधारण्यास तसेच विद्यार्थ्यांना नवीन गोष्टी शिकण्याची संधी मिळते, असे विद्यापीठातर्फे सांगण्यात आले. राज्यात दरवर्षी सर्वसाधारणपणे ७० लाख विद्यार्थी उच्च शिक्षण घेतात. तरीही पदव्युत्तर शिक्षण घेऊन संशोधन करणाऱ्यांची संख्या कमी आहे.