म. टा. खास प्रतिनिधी, मुंबई
एक तरुण एका इमारतीवरून दुसऱ्या इमारतीवर उड्या मारत असल्याची क्लिप मंगळवारी सोशल मीडियावरून व्हायरल झाली. काळजाचा ठोका चुकविणारा हा स्टंट पोलिसांपर्यत पोहोचला. चौकशीमध्ये हा स्टंट प्रभादेवी येथील एका इमारतीवर करण्यात आल्याचे उघडकीस आले असून, दादर पोलिसांनी या प्रकरणी दोन तरुणांना ताब्यात घेतले आहे.
इमारतीच्या गच्चीवर काही तरुण असून, त्यापैकी एक तरुण गच्चीच्या कठड्यावर उभा असल्याचे या क्लिपमध्ये दिसते. काही वेळेतच कठड्यावरील तरुण धावत येतो आणि दुसऱ्या इमारतीच्या गच्चीवर उडी मारतो. मंगळवारी सकाळपासून ही क्लिप सोशल मीडियावरून वायरल झाली. हा परिसर दादर पश्चिमेकडील आंबेडकरनगर येथील एसआरए योजनेत उभारलेल्या इमारतींच्या गच्चीवरील आहे, असे वाटल्याने दादर पोलिसांनी या ठिकाणी जाऊन स्थानिकांकडे विचारपूस केली. त्यावेळी याच इमारतीच्या गच्चीवर हा प्रकार घडल्याचे समोर आले. दादर पोलिसांनी याप्रकरणी मंगळवारी रात्री दोन तरुणांना चौकशीसाठी ताब्यात घेतले. हा स्टंट का केला? याबाबत पूर्वकल्पना का दिली नाही, याबाबत चौकशी करून त्यानुसार पुढील कारवाई करणार असल्याचे दादर पोलिसांनी सांगितले. या इमारती १४ मजल्यांच्या आहेत. गच्चीवर काहीजण हा सर्व प्रकार रेकॉर्ड करताना दिसत आहेत. त्यांनाही ताब्यात घेणार असल्याचे पोलिसांनी सांगितले.
एक तरुण एका इमारतीवरून दुसऱ्या इमारतीवर उड्या मारत असल्याची क्लिप मंगळवारी सोशल मीडियावरून व्हायरल झाली. काळजाचा ठोका चुकविणारा हा स्टंट पोलिसांपर्यत पोहोचला. चौकशीमध्ये हा स्टंट प्रभादेवी येथील एका इमारतीवर करण्यात आल्याचे उघडकीस आले असून, दादर पोलिसांनी या प्रकरणी दोन तरुणांना ताब्यात घेतले आहे.
इमारतीच्या गच्चीवर काही तरुण असून, त्यापैकी एक तरुण गच्चीच्या कठड्यावर उभा असल्याचे या क्लिपमध्ये दिसते. काही वेळेतच कठड्यावरील तरुण धावत येतो आणि दुसऱ्या इमारतीच्या गच्चीवर उडी मारतो. मंगळवारी सकाळपासून ही क्लिप सोशल मीडियावरून वायरल झाली. हा परिसर दादर पश्चिमेकडील आंबेडकरनगर येथील एसआरए योजनेत उभारलेल्या इमारतींच्या गच्चीवरील आहे, असे वाटल्याने दादर पोलिसांनी या ठिकाणी जाऊन स्थानिकांकडे विचारपूस केली. त्यावेळी याच इमारतीच्या गच्चीवर हा प्रकार घडल्याचे समोर आले. दादर पोलिसांनी याप्रकरणी मंगळवारी रात्री दोन तरुणांना चौकशीसाठी ताब्यात घेतले. हा स्टंट का केला? याबाबत पूर्वकल्पना का दिली नाही, याबाबत चौकशी करून त्यानुसार पुढील कारवाई करणार असल्याचे दादर पोलिसांनी सांगितले. या इमारती १४ मजल्यांच्या आहेत. गच्चीवर काहीजण हा सर्व प्रकार रेकॉर्ड करताना दिसत आहेत. त्यांनाही ताब्यात घेणार असल्याचे पोलिसांनी सांगितले.