म. टा. विशेष प्रतिनिधी, मुंबई
अभिनेता सुशांतसिंह राजपूतसाठी अल्प कालावधीसाठी मॅनेजर म्हणून काम केलेली दिशा सालियन (२८) हिच्या संशयास्पद मृत्यूचा तपासही सीबीआयकडे सोपवण्याची मागणी करणारी याचिका सुशांतच्या एका मित्राने मुंबई उच्च न्यायालयात केली आहे.
दिशाचा ८ जूनला मालाडमधील निवासी इमारतीमध्ये १४व्या मजल्यावरून पडून मृत्यू झाला होता. त्यानंतर सहा दिवसांनी १४ जूनला सुशांतचा मृतदेह त्याच्या वांद्रे येथील निवासस्थानी लटकलेल्या अवस्थेत आढळला. सुशांतच्या मृत्यूचा तपास सीबीआय करत आहे.
'सुशांतप्रमाणेच दिशाचा मृत्यूही संशयास्पद परिस्थितीत झाला आहे. मुंबई पोलिसांनी तिच्या मृत्यूविषयीच्या अनेक मुद्द्यांचा विचार केल्याचे दिसत नाही. सुशांत व दिशा हे दोघे मार्च व एप्रिल महिन्यात संपर्कात होते, हे दाखवणारे ठोस पुरावे आहेत. दोन्ही मृत्यूंच्या घटनांचा परस्परांशी संबंध असू शकतो. त्यामुळे सुशांतच्या मृत्यूचा तपास करत असलेल्या सीबीआयकडेच दिशाच्या मृत्यूचा तपासही सोपवण्यात यावा', अशी विनंती सुशांतचा मित्र व जिममधील सहकारी सुनील शुक्ला याने याचिकेद्वारे केली आहे.
अभिनेता सुशांतसिंह राजपूतसाठी अल्प कालावधीसाठी मॅनेजर म्हणून काम केलेली दिशा सालियन (२८) हिच्या संशयास्पद मृत्यूचा तपासही सीबीआयकडे सोपवण्याची मागणी करणारी याचिका सुशांतच्या एका मित्राने मुंबई उच्च न्यायालयात केली आहे.
दिशाचा ८ जूनला मालाडमधील निवासी इमारतीमध्ये १४व्या मजल्यावरून पडून मृत्यू झाला होता. त्यानंतर सहा दिवसांनी १४ जूनला सुशांतचा मृतदेह त्याच्या वांद्रे येथील निवासस्थानी लटकलेल्या अवस्थेत आढळला. सुशांतच्या मृत्यूचा तपास सीबीआय करत आहे.
'सुशांतप्रमाणेच दिशाचा मृत्यूही संशयास्पद परिस्थितीत झाला आहे. मुंबई पोलिसांनी तिच्या मृत्यूविषयीच्या अनेक मुद्द्यांचा विचार केल्याचे दिसत नाही. सुशांत व दिशा हे दोघे मार्च व एप्रिल महिन्यात संपर्कात होते, हे दाखवणारे ठोस पुरावे आहेत. दोन्ही मृत्यूंच्या घटनांचा परस्परांशी संबंध असू शकतो. त्यामुळे सुशांतच्या मृत्यूचा तपास करत असलेल्या सीबीआयकडेच दिशाच्या मृत्यूचा तपासही सोपवण्यात यावा', अशी विनंती सुशांतचा मित्र व जिममधील सहकारी सुनील शुक्ला याने याचिकेद्वारे केली आहे.