कल्पेशराज कुबल, साठ्ये कॉलेज
मुंबई : तंत्रवेड्यांची पंढरी समजल्या जाणाऱ्या आयआयटी, मुंबईच्या ‘टेकफेस्ट’ची चर्चा आता जागतिक स्तरावर होऊ लागली आहे. केवळ भारतातीलच नव्हे तर, जगभरातील विद्यार्थ्यांना टेकफेस्ट खुणावू लागला आहे. यंदा टेकफेस्टला अधिक व्यापक स्वरूप देण्यात आले असून विशेष जागतिक स्पर्धा टेकफेस्टदरम्यान रंगणार आहेत. येत्या २९ ते ३१ डिसेंबर दरम्यान पवई कॅम्पसमध्ये मोठ्या दिमाखात ‘टेकफेस्ट २०१७’ रंगेल. भारताचे माजी राष्ट्रपती प्रणव मुखर्जी आणि अफगाणिस्तानचे माजी राष्ट्रपती हामिद करजई यांच्याशी विद्यार्थ्यांना ‘लीडरशिप समिट’मध्ये संवाद साधता येईल.
टेकफेस्टच्या इतिहासात पहिल्यांदाच फेस्टच्या तीन वेगवगेळ्या दिवशी तीन वेगवेगळ्या संकल्पना निश्चित करण्यात आल्या आहेत. ‘डिजिटायझेशन’, ‘सस्टेनेब्लिटी’ आणि ‘बायोटेक्नॉलॉजी’ अशा तीन महत्त्वाच्या बाबींवर ‘टेकफेस्ट २०१७’ बेतला आहे. तंत्रज्ञानाचा कलाविष्कार घडवणाऱ्या टेकफेस्टचा ‘महाराष्ट्र टाइम्स’ मीडिया पार्टनर आहे.
भारताचे माजी राष्ट्रपती प्रणव मुखर्जी ‘डिजिटल इंडिया’ याविषयी विद्यार्थांना मार्गदर्शन करतील. भारताला डिजिटल अर्थव्यवस्था बनण्यासाठी कोणत्या महत्त्वाच्या उपाययोजना करणे आवश्यक आहे, तसेच चालू घडामोडींविषयी या सत्रामध्ये चर्चा होईल. त्याचप्रमाणे भारताचे माजी संरक्षण मंत्री आणि गोव्याचे मुख्यमंत्री मनोहर पर्रीकर ‘इंडिया इन डिफेन्स सेक्टर’ या विषयावर भाष्य करतील. ‘भारतीय अर्थव्यवस्थेतील तरुणांसाठी संधी आणि आव्हाने’ याविषयी नागरी उड्डाणमंत्री जयंत सिन्हा विद्यार्थ्यांशी संवाद साधतील. #AskTheLeader हा हॅशटॅग ट्विटरवर वापरून तुम्हा विद्यार्थ्यांनाही तज्ञांना थेट प्रश्न विचारता येईल.
‘इंटरनॅशनल रोबोवॉर’ची धूम
‘टेकफेस्ट’मध्ये दरवर्षी नवनव्या कार्यक्रमांची चंगळ पाहायला मिळते. यंदाचे वर्ष देखील याला अपवाद नाही. भन्नाट टेक्नो स्पर्धांबरोबर अनोख्या प्रदर्शन शृंखलेचे आयोजन टेकफेस्टमध्ये करण्यात आले आहे. यंदाचे मुख्य आकर्षण असणार आहे ते ‘इंटरनॅशनल रोबोवॉर’. जगभरातील विद्यार्थ्यांनी बनवलेले फायटर रोबोज यंदा आयआयटीच्या कॅम्पसमध्ये एकमेकांशी भिडतील. रोबोवॉरसह ‘इंटरनॅशनल कोडिंग’ आणि ‘इंटरनॅशनल रोबोटिक्स’ या मानाच्या स्पर्धाही होतील. टेकफेस्टमध्ये सहभागी होण्यासाठी स्पर्धकांना www.techfest.org या वेबसाइटवर नावनोंदणी करता येईल.
मुंबई : तंत्रवेड्यांची पंढरी समजल्या जाणाऱ्या आयआयटी, मुंबईच्या ‘टेकफेस्ट’ची चर्चा आता जागतिक स्तरावर होऊ लागली आहे. केवळ भारतातीलच नव्हे तर, जगभरातील विद्यार्थ्यांना टेकफेस्ट खुणावू लागला आहे. यंदा टेकफेस्टला अधिक व्यापक स्वरूप देण्यात आले असून विशेष जागतिक स्पर्धा टेकफेस्टदरम्यान रंगणार आहेत. येत्या २९ ते ३१ डिसेंबर दरम्यान पवई कॅम्पसमध्ये मोठ्या दिमाखात ‘टेकफेस्ट २०१७’ रंगेल. भारताचे माजी राष्ट्रपती प्रणव मुखर्जी आणि अफगाणिस्तानचे माजी राष्ट्रपती हामिद करजई यांच्याशी विद्यार्थ्यांना ‘लीडरशिप समिट’मध्ये संवाद साधता येईल.
टेकफेस्टच्या इतिहासात पहिल्यांदाच फेस्टच्या तीन वेगवगेळ्या दिवशी तीन वेगवेगळ्या संकल्पना निश्चित करण्यात आल्या आहेत. ‘डिजिटायझेशन’, ‘सस्टेनेब्लिटी’ आणि ‘बायोटेक्नॉलॉजी’ अशा तीन महत्त्वाच्या बाबींवर ‘टेकफेस्ट २०१७’ बेतला आहे. तंत्रज्ञानाचा कलाविष्कार घडवणाऱ्या टेकफेस्टचा ‘महाराष्ट्र टाइम्स’ मीडिया पार्टनर आहे.
भारताचे माजी राष्ट्रपती प्रणव मुखर्जी ‘डिजिटल इंडिया’ याविषयी विद्यार्थांना मार्गदर्शन करतील. भारताला डिजिटल अर्थव्यवस्था बनण्यासाठी कोणत्या महत्त्वाच्या उपाययोजना करणे आवश्यक आहे, तसेच चालू घडामोडींविषयी या सत्रामध्ये चर्चा होईल. त्याचप्रमाणे भारताचे माजी संरक्षण मंत्री आणि गोव्याचे मुख्यमंत्री मनोहर पर्रीकर ‘इंडिया इन डिफेन्स सेक्टर’ या विषयावर भाष्य करतील. ‘भारतीय अर्थव्यवस्थेतील तरुणांसाठी संधी आणि आव्हाने’ याविषयी नागरी उड्डाणमंत्री जयंत सिन्हा विद्यार्थ्यांशी संवाद साधतील. #AskTheLeader हा हॅशटॅग ट्विटरवर वापरून तुम्हा विद्यार्थ्यांनाही तज्ञांना थेट प्रश्न विचारता येईल.
‘इंटरनॅशनल रोबोवॉर’ची धूम
‘टेकफेस्ट’मध्ये दरवर्षी नवनव्या कार्यक्रमांची चंगळ पाहायला मिळते. यंदाचे वर्ष देखील याला अपवाद नाही. भन्नाट टेक्नो स्पर्धांबरोबर अनोख्या प्रदर्शन शृंखलेचे आयोजन टेकफेस्टमध्ये करण्यात आले आहे. यंदाचे मुख्य आकर्षण असणार आहे ते ‘इंटरनॅशनल रोबोवॉर’. जगभरातील विद्यार्थ्यांनी बनवलेले फायटर रोबोज यंदा आयआयटीच्या कॅम्पसमध्ये एकमेकांशी भिडतील. रोबोवॉरसह ‘इंटरनॅशनल कोडिंग’ आणि ‘इंटरनॅशनल रोबोटिक्स’ या मानाच्या स्पर्धाही होतील. टेकफेस्टमध्ये सहभागी होण्यासाठी स्पर्धकांना www.techfest.org या वेबसाइटवर नावनोंदणी करता येईल.