शिक्षकांचा पगार जिल्हा बँकेतून

मुंबईः बृहन्मुंबईतील खाजगी अनुदानित, प्राथमिक, माध्यमिक व उच्च माध्यमिक शाळांतील शिक्षक, शिक्षकेतर कर्मचाऱ्यांचे वेतन युनियन बँक ऑफ इंडियाऐवजी पुन्हा मुंबई जिल्हा मध्यवर्ती बँकेमार्फत अदा करण्याचा निर्णय शिक्षण विभागाने जाहीर केला आहे.

राज्य शिक्षण विभागाने जाहीर केलेला या निर्णयाला शिक्षक भारतीचे अध्यक्ष अशोक बेलसरे यांनी तीव्र विरोध केला आहे. राज्यभर जिल्हा बँका अडचणीत येत असताना केवळ मुंबई जिल्हा सहकारी बँकेला संजीवनी देण्यासाठी मुंबईतील शिक्षक, शिक्षकेतरांचा बळी देण्यात आला आहे. शिक्षक भारती याचा तीव्र निषेध करत आहे, असे शिक्षक भारतीचे कार्याध्यक्ष सुभाष मोरे यांनी केली आहे. शिक्षक परिषदेचे शिवनाथ दराडे यांनी मात्र या निर्णयाचे स्वागत केले आहे.