दादर स्थानकात मोठा तांत्रिक बिघाड; मध्य रेल्वेची वाहतूक उशिराने, वाचा अपडेट

मुंबई: गुरुवारची सकाळ मध्य रेल्वेवरून प्रवास करणाऱ्या मुंबईकरांसाठी त्रासदायक ठरली. मध्य रेल्वेची वाहतुक विस्कळीत झाल्याने प्रवाशांना कार्यालयात पोहोचण्यास उशिर झाला.

मध्य रेल्वेच्या दादर रेल्वे स्थानकावर तांत्रिक बिघाड झाल्याने छत्रपती शिवाजी महाराज रेल्वे स्थानकाकडे येणारी वाहतूक विस्कळीत झाली आहे. लोकल सेवे सोबत एक्स्प्रेस गाड्या देखील खोळंबळ्या आहेत.

वाचा- जसप्रीत बुमराह कधी खेळणार? ऑस्ट्रेलियाविरुद्धच्या पराभवानंतर आली मोठी अपडेट


गुरुवारी सकाळी ऐन गर्दीच्या वेळी मध्य रेल्वेच्या दादर रेल्वे स्थानकाच्या सिग्नल यंंत्रणेत बिघाड झाल्याची माहिती समोर येत आहे. यामुळे CSTM स्थानकाकडे येणाऱ्या जलद मार्गावरील वाहतूक सर्वाधिक विस्कळीत झाली आहे. याचा परिणाम धीम्या मार्गावरील वाहतूकीवर देखील झाला आहे. CSTMकडे येणाऱ्या गाड्या २० ते २५ मिनिटे उशिराने धावत आहेत. दादर स्थानकाच्या पुढे एका पाठोपाठ एक लोकल गाड्या थांबल्या आहेत.

वाचा- पराभवानंतर हताश रोहित शर्माने दिला गंभीर इशारा; टी-२० वर्ल्डकपच्या आधी सुधारा नाही...

सिग्नल यंत्रणेतील या बिघाडाचा परिणाम एक्स्प्रेस गाड्यांवर देखील झाला आहे. CSTM ते दादर या मार्गावर अनेक एक्स्प्रेस थांबल्या आहेत. मध्य रेल्वेचे जनसंपर्क अधिकारी शिवाजी सुतार यांनी दिलेल्या माहितीनुसार सिग्नल यंत्रणेत तांत्रिक बिघाड झाल्याने गाड्या उशिराने धावत आहेत. संबंधित बिघाड लवकरच दुरुस्त केला जाईल.