म. टा. प्रतिनिधी, मुंबई
जातीय तेढ निर्माण करणारी आक्षेपार्ह पोस्ट ‘फेसबुक’वर टाकल्याने दोन गटांमध्ये हाणामारी झाल्याचा प्रकार शनिवारी रात्री मानखुर्दच्या चिता कॅम्प परिसरात घडला. संतप्त जमावाने दगडफेक करत पोलिसांची गाडीही जाळली. या दंगलीत ११ पोलिस जखमी झाले असून, पोलिसांनी झाडलेल्या प्लास्टिक गोळ्यांमुळे दोघे जण जखमी झाले आहेत. १७ दंगेखोरांना अटक करण्यात आली आहे.
चिता कॅम्प, ई सेक्टर, सी लाइन येथे राहणाऱ्या एका व्यक्तीने ‘फेसबुक’वर आक्षेपार्ह पोस्ट टाकल्यानंतर एका गटाचे १५ ते २० जण निषेधार्थ रस्त्यावर उतरले. पोस्ट टाकणाऱ्या व्यक्तीला पोलिसांनी अटक केली. मात्र, त्याने समाधान न झालेल्या संतप्त जमावाने पोलिसांवरच दगडफेक सुरू केली. पोलिसांची एक गाडीही जाळण्यात आली. त्यावेळी १० ते १२ दंगेखोरांना ताब्यात घेण्यात आले. नंतर दुसरा गटही घटनास्थळी आल्याने दोन्ही गटांमध्ये काचेच्या बाटल्या, पेव्हर ब्लॉक, बांबू, आगीच्या पेटत्या बोळ्यांचा मारा सुरू झाला. परिस्थिती हाताबाहेर जात असल्याने पोलिसांनी राज्य राखीव पोलिस दलाची कुमक मागवली. जमावाच्या हल्यात राज्य राखीव पोलिस दलाचे ८ अंमलदार आणि ट्रॅाम्बे पोलिस ठाण्याचे ३ अंमलदार गंभीर जखमी झाले आहेत. पोलिस फायरिंगमध्ये जखमी झालेल्या दोघा मुलांना सरकारी रुग्णालयात दाखल करण्यात आले आहे.
या प्रकरणी पोलिसांनी अटक केलेल्या १७ जणांमध्ये स्थानिक नगरसेवकाचाही समावेश आहे. १२५ जण फरार असून, परिसरातील सीसीटीव्हीच्या माध्यमातून पोलिस आरोपींची ओळख पटवून त्यांच्यावर गुन्हे नोंदवत आहेत. कायदा व सुव्यवस्था राखण्यासाठी मोठ्या प्रमाणात पोलिस बंदोबस्त तैनात करण्यात आल्याने परिसराला छावणीचे स्वरूप प्राप्त झाले आहे.
जातीय तेढ निर्माण करणारी आक्षेपार्ह पोस्ट ‘फेसबुक’वर टाकल्याने दोन गटांमध्ये हाणामारी झाल्याचा प्रकार शनिवारी रात्री मानखुर्दच्या चिता कॅम्प परिसरात घडला. संतप्त जमावाने दगडफेक करत पोलिसांची गाडीही जाळली. या दंगलीत ११ पोलिस जखमी झाले असून, पोलिसांनी झाडलेल्या प्लास्टिक गोळ्यांमुळे दोघे जण जखमी झाले आहेत. १७ दंगेखोरांना अटक करण्यात आली आहे.
चिता कॅम्प, ई सेक्टर, सी लाइन येथे राहणाऱ्या एका व्यक्तीने ‘फेसबुक’वर आक्षेपार्ह पोस्ट टाकल्यानंतर एका गटाचे १५ ते २० जण निषेधार्थ रस्त्यावर उतरले. पोस्ट टाकणाऱ्या व्यक्तीला पोलिसांनी अटक केली. मात्र, त्याने समाधान न झालेल्या संतप्त जमावाने पोलिसांवरच दगडफेक सुरू केली. पोलिसांची एक गाडीही जाळण्यात आली. त्यावेळी १० ते १२ दंगेखोरांना ताब्यात घेण्यात आले. नंतर दुसरा गटही घटनास्थळी आल्याने दोन्ही गटांमध्ये काचेच्या बाटल्या, पेव्हर ब्लॉक, बांबू, आगीच्या पेटत्या बोळ्यांचा मारा सुरू झाला. परिस्थिती हाताबाहेर जात असल्याने पोलिसांनी राज्य राखीव पोलिस दलाची कुमक मागवली. जमावाच्या हल्यात राज्य राखीव पोलिस दलाचे ८ अंमलदार आणि ट्रॅाम्बे पोलिस ठाण्याचे ३ अंमलदार गंभीर जखमी झाले आहेत. पोलिस फायरिंगमध्ये जखमी झालेल्या दोघा मुलांना सरकारी रुग्णालयात दाखल करण्यात आले आहे.
या प्रकरणी पोलिसांनी अटक केलेल्या १७ जणांमध्ये स्थानिक नगरसेवकाचाही समावेश आहे. १२५ जण फरार असून, परिसरातील सीसीटीव्हीच्या माध्यमातून पोलिस आरोपींची ओळख पटवून त्यांच्यावर गुन्हे नोंदवत आहेत. कायदा व सुव्यवस्था राखण्यासाठी मोठ्या प्रमाणात पोलिस बंदोबस्त तैनात करण्यात आल्याने परिसराला छावणीचे स्वरूप प्राप्त झाले आहे.