प्रवीण दरेकर यांचे प्रत्युत्तर
म. टा. विशेष प्रतिनिधी, मुंबई
मुंबईतून पाचशे कोटी रुपये राजस्थानसाठी जमा केले जात असल्याचा काँग्रेसचे प्रवक्ते सचिन सावंत यांनी केलेला आरोप 'बिनबुडाचा आणि तथ्यहीन' आहे. मुंबईत करोनाचा वाढता संसर्ग रोखण्यात महाविकास आघाडीला अपयश आले असून यापासून जनतेचे लक्ष विचलित करण्यासाठी असे आरोप केले जात असल्याचे प्रत्युत्तर विधान परिषदेचे विरोधी पक्षनेते प्रवीण दरेकर यांनी दिले.
राजस्थानचे सरकार कधी पडणार आहे, सरकार पाडण्यासाठी कोण मदत करत आहे, याबाबत वक्तव्य करण्यात काँग्रेसमध्ये स्पर्धा लागली आहे. काँग्रेसचे प्रवक्ते आरोप करत असतील तर, 'राज्य तुमचे आहे, गृहमंत्री तुमच्या महाविकास आघाडी सरकारचे आहेत, त्यामुळे याबाबत वस्तुस्थिती गृहमंत्री यांनी जनतेसमोर आणावी. तशी वस्तुस्थिती नसेल तर प्रवक्ते सचिन सावंत यांनी जनतेची माफी मागावी', असे आव्हान दरेकर यांनी दिले आहे. राजकीय स्पर्धेत काही मिळविण्यासाठी सचिन सावंत असे बिनबुडाचे आरोप करत आहेत. वरिष्ठ नेत्यांना खुश करून आमदारकी पदरी पाडून घेण्यासाठी सावंत यांचा हा खटाटोप आहे. पण त्यासाठी खोटे आरोप करू नका, असा सल्लाही दरेकर यांनी दिला.
म. टा. विशेष प्रतिनिधी, मुंबई
मुंबईतून पाचशे कोटी रुपये राजस्थानसाठी जमा केले जात असल्याचा काँग्रेसचे प्रवक्ते सचिन सावंत यांनी केलेला आरोप 'बिनबुडाचा आणि तथ्यहीन' आहे. मुंबईत करोनाचा वाढता संसर्ग रोखण्यात महाविकास आघाडीला अपयश आले असून यापासून जनतेचे लक्ष विचलित करण्यासाठी असे आरोप केले जात असल्याचे प्रत्युत्तर विधान परिषदेचे विरोधी पक्षनेते प्रवीण दरेकर यांनी दिले.
राजस्थानचे सरकार कधी पडणार आहे, सरकार पाडण्यासाठी कोण मदत करत आहे, याबाबत वक्तव्य करण्यात काँग्रेसमध्ये स्पर्धा लागली आहे. काँग्रेसचे प्रवक्ते आरोप करत असतील तर, 'राज्य तुमचे आहे, गृहमंत्री तुमच्या महाविकास आघाडी सरकारचे आहेत, त्यामुळे याबाबत वस्तुस्थिती गृहमंत्री यांनी जनतेसमोर आणावी. तशी वस्तुस्थिती नसेल तर प्रवक्ते सचिन सावंत यांनी जनतेची माफी मागावी', असे आव्हान दरेकर यांनी दिले आहे. राजकीय स्पर्धेत काही मिळविण्यासाठी सचिन सावंत असे बिनबुडाचे आरोप करत आहेत. वरिष्ठ नेत्यांना खुश करून आमदारकी पदरी पाडून घेण्यासाठी सावंत यांचा हा खटाटोप आहे. पण त्यासाठी खोटे आरोप करू नका, असा सल्लाही दरेकर यांनी दिला.