अ‍ॅपशहर

शिक्षकाकडून विद्यार्थिनीचा विनयभंग

परीक्षेतील गुण वाढवून देण्याचे आमिष दाखवून एका अकरावीच्या विद्यार्थिनीचा शिक्षकाकडूनच विनयभंग करण्याचा प्रयत्न झाल्याचा धक्कादायक प्रकार शनिवारी पतंनगर परिसरात घडला. याप्रकरणी पंतनगर पोलिसांनी आरोपी प्राध्यापकाला अटक केली आहे. तर या घटनेमुळे कॉलेज परिसरात काही काळ तणावाचे वातावरण होते.

Maharashtra Times 25 Mar 2018, 3:12 am
म. टा. प्रतिनिधी, मुंबई
महाराष्ट्र टाइम्स.कॉम girl1


परीक्षेतील गुण वाढवून देण्याचे आमिष दाखवून एका अकरावीच्या विद्यार्थिनीचा शिक्षकाकडूनच विनयभंग करण्याचा प्रयत्न झाल्याचा धक्कादायक प्रकार शनिवारी पतंनगर परिसरात घडला. याप्रकरणी पंतनगर पोलिसांनी आरोपी प्राध्यापकाला अटक केली आहे. तर या घटनेमुळे कॉलेज परिसरात काही काळ तणावाचे वातावरण होते.

घाटकोपर पंतनगर परिसरातील एका ज्युनिअर कॉलेजमध्ये अकरावीची परीक्षा सुरू होती. त्या विद्यार्थ्यांचा शनिवारी अकाऊंट्सचा पेपर होता. या परीक्षेदरम्यान एका शिक्षकाने गुण वाढवून देतो, असे सांगत एका विद्यार्थिनीचा विनयभंग करण्याचा प्रयत्न केला. घडलेला सर्व प्रकार या विद्यार्थिनीने त्वरीत इतर शिक्षकांच्या आणि विद्यार्थ्यांच्या निदर्शनास आणून दिला. त्यामुळे हे वृत्त काही क्षणांतच पालकांपर्यंत पोहोचले. त्यामुळे संतप्त पालकांनी कॉलेज परिसरात धाव घेत या प्राध्यापकाला अटक करण्याची मागणी केली.

यासंदर्भात पतंनगर पोलिसांकडे विचारणा केली असता, या शिक्षकाला अटक करण्यात आली असून त्याच्यावर विनयभंग आणि पोस्कोअंतर्गत गुन्हा दाखल करण्यात आल्याची माहिती पोलिसांकडून देण्यात आली आहे. तर याप्रकरणी अधिक तपास सुरू असल्याचे पोलिसांनी स्पष्ट केले. दरम्यान, या शिक्षकावर यापूर्वीही अशा प्रकारचे आरोप झाल्याचे तपासातून समोर आले आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज