म. टा. खास प्रतिनिधी, मुंबई
गोवंडीतील म्हाडा कॉलनीतील कचऱ्याच्या डब्यात ३० वर्षीय महिलेचा मृतदेह आढळल्याने खळबळ माजली आहे. तिच्या डोक्याप्रमाणेच चेहऱ्यावर गंभीर जखमा आहेत. या महिलेची हत्या करून मृतदेह कचऱ्याच्या डब्यात ठेवला असण्याची शक्यता वर्तवली जाते. तिचा चेहरा ठेचण्यात आला आहे. शिवाजीनगर पोलिसांनी या हत्येचा तपास सुरू केला ओह.पोलिसांनी मृतदेह ताब्यात घेउन तो राजावाडी रुग्णालयात शवविच्छेदनासाठी पाठवला आहे. तिची ओळख अजून पटलेली नसून ते शोधण्याचे काम सुरू करण्यात आले आहे.