म. टा. खास प्रतिनिधी, मुंबई
मेल/एक्स्प्रेसमध्ये प्रवाशांबरोबर काही कारणांमुळे होणाऱ्या वादावादीतून आरोपप्रत्यारोपाची साखळीच सुरू होते. हे सारे टाळण्यासाठी रेल्वे सुरक्षा बलाच्या (आरपीएफ) जवानांना दृश्य टिपणारे विशिष्ट प्रकारचे कॅमेरे पुरविण्यात आले आहेत.
आरपीएफ कर्मचाऱ्यांच्या गणवेशावर हा कॅमेरा बसविला जाणार असून पश्चिम रेल्वेने त्यासाठी पुढाकार घेतला आहे. सुरुवातीला अशा प्रकारे आठ कॅमेरे पश्चिम रेल्वेस उपलब्ध करून देण्यात आले आहेत.
प्रवासामध्ये काही वेळा प्रवासी आणि आरपीएफच्या जवानांप्रमाणेच अधिकाऱ्यांमध्ये वादाचे कटू प्रसंग घडतात. अशावेळी पुराव्यांअभावी नेमकी परिस्थिती समजत नसल्याने कॅमेऱ्यांचा पर्याय देण्यात आला आहे. गणवेशावर एका बाजूला हे कॅमेरे बसविण्यात आले आहेत.
मुंबई ते दिल्ली राजधानी एक्स्प्रेसमध्ये स्वर्ण प्रकल्पातंर्गत अशा प्रकारचे आठ कॅमेरे पुरविण्यात आले आहेत. सध्या अहमदाबाद ते दिल्ली मार्गावर या कॅमेऱ्यांचा वापर केला जात असल्याचे पश्चिम रेल्वेचे मुख्य जनसंपर्क अधिकारी रवींद्र भाकर यांनी स्पष्ट केले. या कॅमेऱ्यांची किंमत सुमारे ३८ हजार रुपये असून त्यामुळे आरपीएफ जवान, अधिकाऱ्यांना गाडीमध्ये गस्त घालताना सहाय्य होणार आहे. पुढील १५ दिवसांत पश्चिम रेल्वेच्या अन्य गाड्यांमध्येही ही सुविधा पुरविली जाणार असल्याचे सांगण्यात येते. त्यामुळे गाड्यांमधील चोऱ्यांसह गाड्यांमध्ये शिरणाऱ्या अनोळखी व्यक्तींवरही लक्ष ठेवण्यास सहाय्य होणार आहे. तिकीट तपासनीसांबरोबरही अनेकदा गैरवर्तन होण्याच्या तक्रारी होतात. त्यालाही आळा घालण्यास मदत मिळेल, असा दावा केला जात आहे.
मेल/एक्स्प्रेसमध्ये प्रवाशांबरोबर काही कारणांमुळे होणाऱ्या वादावादीतून आरोपप्रत्यारोपाची साखळीच सुरू होते. हे सारे टाळण्यासाठी रेल्वे सुरक्षा बलाच्या (आरपीएफ) जवानांना दृश्य टिपणारे विशिष्ट प्रकारचे कॅमेरे पुरविण्यात आले आहेत.
आरपीएफ कर्मचाऱ्यांच्या गणवेशावर हा कॅमेरा बसविला जाणार असून पश्चिम रेल्वेने त्यासाठी पुढाकार घेतला आहे. सुरुवातीला अशा प्रकारे आठ कॅमेरे पश्चिम रेल्वेस उपलब्ध करून देण्यात आले आहेत.
प्रवासामध्ये काही वेळा प्रवासी आणि आरपीएफच्या जवानांप्रमाणेच अधिकाऱ्यांमध्ये वादाचे कटू प्रसंग घडतात. अशावेळी पुराव्यांअभावी नेमकी परिस्थिती समजत नसल्याने कॅमेऱ्यांचा पर्याय देण्यात आला आहे. गणवेशावर एका बाजूला हे कॅमेरे बसविण्यात आले आहेत.
मुंबई ते दिल्ली राजधानी एक्स्प्रेसमध्ये स्वर्ण प्रकल्पातंर्गत अशा प्रकारचे आठ कॅमेरे पुरविण्यात आले आहेत. सध्या अहमदाबाद ते दिल्ली मार्गावर या कॅमेऱ्यांचा वापर केला जात असल्याचे पश्चिम रेल्वेचे मुख्य जनसंपर्क अधिकारी रवींद्र भाकर यांनी स्पष्ट केले. या कॅमेऱ्यांची किंमत सुमारे ३८ हजार रुपये असून त्यामुळे आरपीएफ जवान, अधिकाऱ्यांना गाडीमध्ये गस्त घालताना सहाय्य होणार आहे. पुढील १५ दिवसांत पश्चिम रेल्वेच्या अन्य गाड्यांमध्येही ही सुविधा पुरविली जाणार असल्याचे सांगण्यात येते. त्यामुळे गाड्यांमधील चोऱ्यांसह गाड्यांमध्ये शिरणाऱ्या अनोळखी व्यक्तींवरही लक्ष ठेवण्यास सहाय्य होणार आहे. तिकीट तपासनीसांबरोबरही अनेकदा गैरवर्तन होण्याच्या तक्रारी होतात. त्यालाही आळा घालण्यास मदत मिळेल, असा दावा केला जात आहे.