म. टा. खास प्रतिनिधी, मुंबई
मुंबईसह देशभरात सायबर गुन्हे वाढले असून याचा फटका पोलिसांनाही बसत आहे. सायबर चोरांनी एका पोलिसाच्या बँक खात्यामधून तब्बल एक लाख रुपये लंपास केले आहेत. याप्रकरणी ओशिवरा पोलिस ठाण्यात गुन्हा दाखल करण्यात आला असून पोलिस आरोपींचा शोध घेत आहेत.
ओशिवरा पोलिस ठाण्यामध्ये नेमणुकीला असलेले पोलिस कॉन्स्टेबल गोकुळ देवरे तीन नोव्हेंबर रोजी घरी जेवायला बसले असताना बँक खात्यामधून १०० रुपये काढले गेल्याचा मेसेज मोबाइलवर आला. काही वेळातच १९, ४०० रुपये काढण्यात आल्याचा दुसरा मेसेज आला. एटीएम कार्ड सोबत असताना हे कसे झाले? समजत नसल्याने जोगेश्वरी पश्चिम येथे राहणाऱ्या देवरे यांनी अॅक्सिस बँकेची जवळची शाखा गाठली. बँकेत पोहोचेपर्यंत त्यांच्या मोबाइलवर एका पाठोपाठ एक असे चार ते पाच मेसेज आले. थोडे थोडे करून एक लाख रुपये त्यांच्या बँक खात्यामधून गायब झाले होते. बँकेत गेल्यावर बँक अधिकाऱ्यांनी शेजारीच असलेल्या एटीएम सेंटरमध्ये देवरे यांना त्यांचे एटीएम कार्ड टाकण्यास सांगितले. त्यावेळी एटीएम कार्ड ब्लॉक केल्याचे लक्षात आले. उरलेले पैसेही जातील म्हणून बँकेच्या अधिकाऱ्यांच्या सल्ल्यानुसार देवरे यांनी चेकच्या माध्यमातून खात्यामधील १४ हजार रुपये काढून घेतले. देवरे यांनी याबाबत बँक तसेच ओशिवरा पोलिस ठाण्यात तक्रार केली. नेमके पैसे कसे आणि कुठून काढण्यात आले हे पाहण्यासाठी ओशिवरा पोलिस तांत्रिक पुराव्यांचा आधार घेत आहेत.
पोलिस याआधीही लक्ष्य
पोलिसांच्या खात्यातून परस्पर पैसे जाण्याची ही पहिली वेळ नाही. याआधीही अनेकदा पोलिसांना लक्ष्य करण्यात आले आहे. सण २०१३मध्ये पोलिस महासंचालक कार्यालयाबाहेर एटीएम सेंटरमध्ये कार्ड क्लोनिंग करून पैसे काढण्यात आले होते. पैसे जाणाऱ्यांमध्ये अनेक पोलिसांचा समावेश होता. गेल्या वर्षी नोव्हेंबर महिन्यात पगार झाल्यानंतर काही तासांत दोन पोलिसांच्या खात्यामधून पैसे काढण्यात आले होते.
मुंबईसह देशभरात सायबर गुन्हे वाढले असून याचा फटका पोलिसांनाही बसत आहे. सायबर चोरांनी एका पोलिसाच्या बँक खात्यामधून तब्बल एक लाख रुपये लंपास केले आहेत. याप्रकरणी ओशिवरा पोलिस ठाण्यात गुन्हा दाखल करण्यात आला असून पोलिस आरोपींचा शोध घेत आहेत.
ओशिवरा पोलिस ठाण्यामध्ये नेमणुकीला असलेले पोलिस कॉन्स्टेबल गोकुळ देवरे तीन नोव्हेंबर रोजी घरी जेवायला बसले असताना बँक खात्यामधून १०० रुपये काढले गेल्याचा मेसेज मोबाइलवर आला. काही वेळातच १९, ४०० रुपये काढण्यात आल्याचा दुसरा मेसेज आला. एटीएम कार्ड सोबत असताना हे कसे झाले? समजत नसल्याने जोगेश्वरी पश्चिम येथे राहणाऱ्या देवरे यांनी अॅक्सिस बँकेची जवळची शाखा गाठली. बँकेत पोहोचेपर्यंत त्यांच्या मोबाइलवर एका पाठोपाठ एक असे चार ते पाच मेसेज आले. थोडे थोडे करून एक लाख रुपये त्यांच्या बँक खात्यामधून गायब झाले होते. बँकेत गेल्यावर बँक अधिकाऱ्यांनी शेजारीच असलेल्या एटीएम सेंटरमध्ये देवरे यांना त्यांचे एटीएम कार्ड टाकण्यास सांगितले. त्यावेळी एटीएम कार्ड ब्लॉक केल्याचे लक्षात आले. उरलेले पैसेही जातील म्हणून बँकेच्या अधिकाऱ्यांच्या सल्ल्यानुसार देवरे यांनी चेकच्या माध्यमातून खात्यामधील १४ हजार रुपये काढून घेतले. देवरे यांनी याबाबत बँक तसेच ओशिवरा पोलिस ठाण्यात तक्रार केली. नेमके पैसे कसे आणि कुठून काढण्यात आले हे पाहण्यासाठी ओशिवरा पोलिस तांत्रिक पुराव्यांचा आधार घेत आहेत.
पोलिस याआधीही लक्ष्य
पोलिसांच्या खात्यातून परस्पर पैसे जाण्याची ही पहिली वेळ नाही. याआधीही अनेकदा पोलिसांना लक्ष्य करण्यात आले आहे. सण २०१३मध्ये पोलिस महासंचालक कार्यालयाबाहेर एटीएम सेंटरमध्ये कार्ड क्लोनिंग करून पैसे काढण्यात आले होते. पैसे जाणाऱ्यांमध्ये अनेक पोलिसांचा समावेश होता. गेल्या वर्षी नोव्हेंबर महिन्यात पगार झाल्यानंतर काही तासांत दोन पोलिसांच्या खात्यामधून पैसे काढण्यात आले होते.