म. टा. खास प्रतिनिधी, मुंबई
जेवणाची थाळी ऑनलाइन घरपोच मागविणे गिरगावमधील एका व्यापाऱ्याला फार महागात पडले. जेवणाची थाळी देण्याऐवजी ऑनलाइन ऑर्डर घेणाऱ्याने या व्यापाराची एक लाख रुपयांची फसवणूक केली. याप्रकरणी व्ही. पी. रोड पोलिस ठाण्यात गुन्हा दाखल करण्यात आला आहे.
गिरगावमध्ये राहणाऱ्या धरमेन सुतारीया या व्यापाऱ्याने रविवारी काळबादेवी येथील श्री ठक्कर भोजनालयाचा संपर्क क्रमांक गुगलवर शोधला. गुगलवर मिळालेल्या क्रमांकावर सुतारीया यांनी संपर्क केला आणि जेवणाची ऑर्डर दिली. जेवण घरपोच झाल्यानंतर पैसे देण्यात येतील, असे सुतारीया यांनी सांगितले. मात्र ऑर्डर घेणाऱ्या व्यक्तीने वेगळाच पवित्रा घेतला. तुम्हीच जेवण मागविले हे कशावरून, अनेकजण खोट्या ऑर्डर देतात. त्यामुळे जेवणाचे पैसे नंतर द्या, परंतु मी पाठविलेल्या लिंकवर जाऊन केवळ अमूक रक्कम पाठवा, म्हणजे तुमची ऑर्डर कन्फर्म होईल, असे सुतारीया यांना सांगण्यात आले.
सुतारीया यांनी मोबाइलवर आलेल्या लिंकवर जाऊन नेट बँकिंग आणि त्याचा युजर आयडी टाकला. मात्र ओटीपी न आल्याने सुतारीया यांनी ऑर्डर घेणाऱ्या व्यक्तीला पुन्हा फोन केला. त्याने मोबाइल बंद करून पुन्हा सुरू करण्यास सांगितले. सुतारीया यांनी मोबाइल बंद करून पुन्हा सुरू केला असता एकामागून एक अनेक संदेश आले आणि आपल्या बँक खात्यातून सुमारे एक लाख रुपये कापले गेल्याचे त्यांच्या लक्षात आले.
आपली फसवणूक झाल्याचे लक्षात येताच सुतारीया यांनी व्ही. पी. रोड पोलिस ठाण्यात तक्रार केली. मोबाइल क्रमांक, बँक तपशील तसेच इतर तांत्रिक पुराव्यांच्या आधारे या ऑनलाइन भामट्याचा पोलिस शोध घेत आहेत.
जेवणाची थाळी ऑनलाइन घरपोच मागविणे गिरगावमधील एका व्यापाऱ्याला फार महागात पडले. जेवणाची थाळी देण्याऐवजी ऑनलाइन ऑर्डर घेणाऱ्याने या व्यापाराची एक लाख रुपयांची फसवणूक केली. याप्रकरणी व्ही. पी. रोड पोलिस ठाण्यात गुन्हा दाखल करण्यात आला आहे.
गिरगावमध्ये राहणाऱ्या धरमेन सुतारीया या व्यापाऱ्याने रविवारी काळबादेवी येथील श्री ठक्कर भोजनालयाचा संपर्क क्रमांक गुगलवर शोधला. गुगलवर मिळालेल्या क्रमांकावर सुतारीया यांनी संपर्क केला आणि जेवणाची ऑर्डर दिली. जेवण घरपोच झाल्यानंतर पैसे देण्यात येतील, असे सुतारीया यांनी सांगितले. मात्र ऑर्डर घेणाऱ्या व्यक्तीने वेगळाच पवित्रा घेतला. तुम्हीच जेवण मागविले हे कशावरून, अनेकजण खोट्या ऑर्डर देतात. त्यामुळे जेवणाचे पैसे नंतर द्या, परंतु मी पाठविलेल्या लिंकवर जाऊन केवळ अमूक रक्कम पाठवा, म्हणजे तुमची ऑर्डर कन्फर्म होईल, असे सुतारीया यांना सांगण्यात आले.
सुतारीया यांनी मोबाइलवर आलेल्या लिंकवर जाऊन नेट बँकिंग आणि त्याचा युजर आयडी टाकला. मात्र ओटीपी न आल्याने सुतारीया यांनी ऑर्डर घेणाऱ्या व्यक्तीला पुन्हा फोन केला. त्याने मोबाइल बंद करून पुन्हा सुरू करण्यास सांगितले. सुतारीया यांनी मोबाइल बंद करून पुन्हा सुरू केला असता एकामागून एक अनेक संदेश आले आणि आपल्या बँक खात्यातून सुमारे एक लाख रुपये कापले गेल्याचे त्यांच्या लक्षात आले.
आपली फसवणूक झाल्याचे लक्षात येताच सुतारीया यांनी व्ही. पी. रोड पोलिस ठाण्यात तक्रार केली. मोबाइल क्रमांक, बँक तपशील तसेच इतर तांत्रिक पुराव्यांच्या आधारे या ऑनलाइन भामट्याचा पोलिस शोध घेत आहेत.