दिशा महादू विशे
DISHA MAHADU VISHE
९४ टक्के
प्रकाश परांजपे, शहापूर
शहापूर तालुक्यातील कळभे हे गाव. आठ बाय सहाच्या खोलीत राहणारे सहा जण...अभ्यासाला पोषक वातावणाचा अभाव...अत्यंत प्रतिकूल परिस्थितीत जिद्दीने अभ्यास करून दिशा विशे हिने ९४ टक्के गुण मिळवले आणि परिसरातील विद्यार्थ्यांना आदर्श घालून दिला आहे. दिशाला आयटी इंजिनीअर व्हायचे आहे.
दिशाचे कुटुंब मूळचे शहापूर तालुक्यातील दुर्गम भागातील डोळखांब जवळील चांग्याचा पाडा इथले. कुटुंबात दिशा,तिच्या तीन बहिणी आणि आई-वडील. उपजीविकेचे काहीच साधन नव्हते आणि दिशाची तर शिकण्याची प्रबळ इच्छा. त्यामुळे शहापूरजवळ आपले कुटुंब हलवावे असे महादू विशे यांना वाटत होते. मात्र आर्थिक चणचण आड येत होती. आपल्या नातीची शिकायची प्रबळ इच्छा जाणून आजीने कळभे गावात असलेल्या तिच्या छोट्या घरातील एक खोली उपलब्ध करून दिली आणि विशे कुटुंब ४० किमी. अंतरावरील कळभे या गावी राहण्यासाठी आले. अभ्यासासाठी जागा नव्हती. विजेचा लपंडाव सुरू असे. दर शुक्रवारी वीज नसे आणि एरवीही वीज कधी गायब होईल याची चिंता. अशावेळी दिशा चक्क टॉर्चच्या उजेडात अभ्यास करायची. दिशाचे वैशिष्ट्य म्हणजे तिने कधीही वेळ वाया घालवला नाही. दहावीत ९४ टक्के गुण मिळविणाऱ्या दिशाने त्याआधीही प्रत्येक वर्गात वरचा क्रमांक पटकाविला असून आयटी इंजिनीअर होऊन आपल्या आई-वडिलांच्या कष्टांना न्याय देण्याचा दिशाचा निर्धार आहे.
वडील रोजंदारीवर; आई करते इतरांकडे घरकाम
दिशाचे वडील महादू विशे हे रोजंदारीची काम करतात. कधी त्यांना कामाशिवाय बसून राहावे लागते. गेले महिनाभर पायाला जखम झाल्याने ते घरीच आहेत, त्यामुळे घरात आर्थिक ओढाताण सुरू आहे. असे प्रसंग वारंवार येतात. अशा वेळी तिची आजी थोडी मदत करते. प्रसंगी तिची आई बचत गटाचे कर्ज काढून कुटुंबाचा आर्थिक गाडा पुढे नेते.
दिशाच्या अभ्यासात व्यत्यय न आणता दिशाची आई रेश्मा विशे या चार घरातील धुणी भांडी करून आपल्या संसाराचा गाडा पुढे नेण्याचा कसोशीने प्रयत्न करीत आहेत.
DISHA MAHADU VISHE
९४ टक्के
प्रकाश परांजपे, शहापूर
शहापूर तालुक्यातील कळभे हे गाव. आठ बाय सहाच्या खोलीत राहणारे सहा जण...अभ्यासाला पोषक वातावणाचा अभाव...अत्यंत प्रतिकूल परिस्थितीत जिद्दीने अभ्यास करून दिशा विशे हिने ९४ टक्के गुण मिळवले आणि परिसरातील विद्यार्थ्यांना आदर्श घालून दिला आहे. दिशाला आयटी इंजिनीअर व्हायचे आहे.
दिशाचे कुटुंब मूळचे शहापूर तालुक्यातील दुर्गम भागातील डोळखांब जवळील चांग्याचा पाडा इथले. कुटुंबात दिशा,तिच्या तीन बहिणी आणि आई-वडील. उपजीविकेचे काहीच साधन नव्हते आणि दिशाची तर शिकण्याची प्रबळ इच्छा. त्यामुळे शहापूरजवळ आपले कुटुंब हलवावे असे महादू विशे यांना वाटत होते. मात्र आर्थिक चणचण आड येत होती. आपल्या नातीची शिकायची प्रबळ इच्छा जाणून आजीने कळभे गावात असलेल्या तिच्या छोट्या घरातील एक खोली उपलब्ध करून दिली आणि विशे कुटुंब ४० किमी. अंतरावरील कळभे या गावी राहण्यासाठी आले. अभ्यासासाठी जागा नव्हती. विजेचा लपंडाव सुरू असे. दर शुक्रवारी वीज नसे आणि एरवीही वीज कधी गायब होईल याची चिंता. अशावेळी दिशा चक्क टॉर्चच्या उजेडात अभ्यास करायची. दिशाचे वैशिष्ट्य म्हणजे तिने कधीही वेळ वाया घालवला नाही. दहावीत ९४ टक्के गुण मिळविणाऱ्या दिशाने त्याआधीही प्रत्येक वर्गात वरचा क्रमांक पटकाविला असून आयटी इंजिनीअर होऊन आपल्या आई-वडिलांच्या कष्टांना न्याय देण्याचा दिशाचा निर्धार आहे.
वडील रोजंदारीवर; आई करते इतरांकडे घरकाम
दिशाचे वडील महादू विशे हे रोजंदारीची काम करतात. कधी त्यांना कामाशिवाय बसून राहावे लागते. गेले महिनाभर पायाला जखम झाल्याने ते घरीच आहेत, त्यामुळे घरात आर्थिक ओढाताण सुरू आहे. असे प्रसंग वारंवार येतात. अशा वेळी तिची आजी थोडी मदत करते. प्रसंगी तिची आई बचत गटाचे कर्ज काढून कुटुंबाचा आर्थिक गाडा पुढे नेते.
दिशाच्या अभ्यासात व्यत्यय न आणता दिशाची आई रेश्मा विशे या चार घरातील धुणी भांडी करून आपल्या संसाराचा गाडा पुढे नेण्याचा कसोशीने प्रयत्न करीत आहेत.