म. टा. विशेष प्रतिनिधी, मुंबई
मुंबई विद्यापीठातील गरवारे शिक्षण संस्थेशी सामंजस्य करार करून नवनवीन अभ्यासक्रम सुरू करत बक्कळ पैसा उकळायचा आणि त्यापैकी नाममात्र रक्कम विद्यापीठाला देऊन विद्यापीठाची पदवी वाटायची, असा नवा उद्योग शहरातील अनेक नामांकित संस्थांनी सुरू केला आहे. यामुळे नियमानुसार काम करणाऱ्या अनेक कॉलेजांची गळचेपी होऊ लागली असून, यामुळे काही कॉलेजांनीही विद्यापीठाकडून अभ्यासक्रमाची परवानगी घेण्याऐवजी थेट गरवारे संस्थेशी सामंजस्य करार करण्याचा पर्याय निवडला आहे. मात्र, यामुळे विद्यापीठाच्या पदवीचे महत्त्व कमी होईल, अशी भीती अधिसभा सदस्यांकडून व्यक्त होत आहे.
मुंबई विद्यापीठाच्या कलिना कॅम्पसमध्ये सुरू असलेल्या गरवारे इन्स्टिट्यूटमध्ये कौशल्यविकास अभ्यासक्रमाच्या नावाखाली खासगी संस्थेशी सामंजस्य करार करून अनेक अभ्यासक्रम चालवण्यात येत आहेत. मात्र यातील अनेक अभ्यासक्रमांना मान्यता नाही. मान्यता नसलेल्या या अभ्यासक्रमांसाठी विद्यार्थ्यांकडून अव्वाच्या सव्वा शुल्क आकारले जात आहे. त्याचबरोबर अनेक खासगी संस्था बाहेर छोट्या खोलीत अभ्यासक्रम चालवतात आणि गरवारेशी सामंजस्य करार करून विद्यापीठाची पदवी दिली जाईल, असे सांगत विद्यार्थ्यांना आकर्षित करतात. तसेच त्यांच्याकडून बक्कळ शुल्कवसुली करतात.
'गरवारे'चा अपात्र कंपनीसोबत करार
गोरेगाव येथील एका इव्हेंट मॅनेजमेंट कंपनीला विद्यापीठ अनुदान आयोगाने अपात्र घोषित केले आहे. या संस्थेसोबत गरवारे संस्थेने करार केला आहे. नवनवीन अभ्यासक्रम सुरू करत पैसा उकळण्याच्या नव्या क्लृप्तीतूनच हा प्रकार होत आहे.
संबंधित इव्हेंट मॅनेटमेंट संस्था म्हणजे खासगी कोचिंग क्लास असून मुंबई विद्यापीठाशी संलग्न असलेल्या गरवारे संस्थेने असा करार करणे बेकायदा असल्याचे सांगत काही महिन्यांपूर्वी महाराष्ट्र नवनिर्माण विद्यार्थी सेनेनेही याच्या चौकशीची मागणी केली होती. मात्र विद्यापीठ प्रशासन याकडे जाणीवपूर्वक दुर्लक्ष करत असल्याचा आरोप विद्यार्थी प्रतिनिधींकडून होत आहे. या शुल्कातील अवघी २० टक्के रक्कम विद्यापीठाला मिळते. या बदल्यात विद्यापीठ या संस्थेत शिकणाऱ्या विद्यार्थ्यांना पदवी देते. यातील एका संस्थेने तर संस्थेच्या आवारात असलेल्या संचालकांच्या निवासस्थानात आपले कार्यालय सुरू केल्याचे अधिसभा सदस्य प्रदीप सावंत यांनी विद्यापीठाच्या निदर्शनास आणून दिले आहे.
कॉलेजांवर सक्ती का?
एखाद्या कॉलेजला जर नवा अभ्यासक्रम सुरू करावयाचा असेल तर त्यांना विविध टप्पे पार करत शासकीय प्रक्रिया पूर्ण करावी लागते. त्यानंतरच त्यांना अभ्यासक्रमाला परवानगी मिळते. यात अनेकदा एक-एक वर्ष निघून जाते. तसेच मान्यता देत असताना संबंधित कॉलेजकडे सुविधा आहेत की नाही हेही पाहिले जाते. मात्र या संस्थांना कोणताही सोपस्कार न करता 'गरवारे'च्या माध्यमातून विद्यापीठाची पदवी देता येते. हा प्रकार चुकीचा असल्याची टीका सावंत यांनी केली.
विद्यापीठाची फसगत
विद्यापीठाशी संलग्न असलेल्या कॉलेजांना जागा वाढवायच्या असतील तर अनेकदा १० टक्क्यांपर्यंत परवानगी दिली जाते. मात्र या संस्थांना २० ते २५ टक्के जागा वाढवून दिल्या जातात. हा सर्व प्रकार म्हणजे विद्यापीठाची फसगत आहे. यामुळे कुलगुरू डॉ. सुहास पेडणेकर यांनी या प्रकरणात लक्ष घालावे व याची सखोल चौकशी करावी, अशी मागणीही सावंत यांनी केली आहे. दरम्यान, याप्रकरणी संस्थेच्या संचालकांशी संपर्क साधण्याचा प्रयत्न केला असता संपर्क होऊ शकला नाही.
मुंबई विद्यापीठातील गरवारे शिक्षण संस्थेशी सामंजस्य करार करून नवनवीन अभ्यासक्रम सुरू करत बक्कळ पैसा उकळायचा आणि त्यापैकी नाममात्र रक्कम विद्यापीठाला देऊन विद्यापीठाची पदवी वाटायची, असा नवा उद्योग शहरातील अनेक नामांकित संस्थांनी सुरू केला आहे. यामुळे नियमानुसार काम करणाऱ्या अनेक कॉलेजांची गळचेपी होऊ लागली असून, यामुळे काही कॉलेजांनीही विद्यापीठाकडून अभ्यासक्रमाची परवानगी घेण्याऐवजी थेट गरवारे संस्थेशी सामंजस्य करार करण्याचा पर्याय निवडला आहे. मात्र, यामुळे विद्यापीठाच्या पदवीचे महत्त्व कमी होईल, अशी भीती अधिसभा सदस्यांकडून व्यक्त होत आहे.
मुंबई विद्यापीठाच्या कलिना कॅम्पसमध्ये सुरू असलेल्या गरवारे इन्स्टिट्यूटमध्ये कौशल्यविकास अभ्यासक्रमाच्या नावाखाली खासगी संस्थेशी सामंजस्य करार करून अनेक अभ्यासक्रम चालवण्यात येत आहेत. मात्र यातील अनेक अभ्यासक्रमांना मान्यता नाही. मान्यता नसलेल्या या अभ्यासक्रमांसाठी विद्यार्थ्यांकडून अव्वाच्या सव्वा शुल्क आकारले जात आहे. त्याचबरोबर अनेक खासगी संस्था बाहेर छोट्या खोलीत अभ्यासक्रम चालवतात आणि गरवारेशी सामंजस्य करार करून विद्यापीठाची पदवी दिली जाईल, असे सांगत विद्यार्थ्यांना आकर्षित करतात. तसेच त्यांच्याकडून बक्कळ शुल्कवसुली करतात.
'गरवारे'चा अपात्र कंपनीसोबत करार
गोरेगाव येथील एका इव्हेंट मॅनेजमेंट कंपनीला विद्यापीठ अनुदान आयोगाने अपात्र घोषित केले आहे. या संस्थेसोबत गरवारे संस्थेने करार केला आहे. नवनवीन अभ्यासक्रम सुरू करत पैसा उकळण्याच्या नव्या क्लृप्तीतूनच हा प्रकार होत आहे.
संबंधित इव्हेंट मॅनेटमेंट संस्था म्हणजे खासगी कोचिंग क्लास असून मुंबई विद्यापीठाशी संलग्न असलेल्या गरवारे संस्थेने असा करार करणे बेकायदा असल्याचे सांगत काही महिन्यांपूर्वी महाराष्ट्र नवनिर्माण विद्यार्थी सेनेनेही याच्या चौकशीची मागणी केली होती. मात्र विद्यापीठ प्रशासन याकडे जाणीवपूर्वक दुर्लक्ष करत असल्याचा आरोप विद्यार्थी प्रतिनिधींकडून होत आहे. या शुल्कातील अवघी २० टक्के रक्कम विद्यापीठाला मिळते. या बदल्यात विद्यापीठ या संस्थेत शिकणाऱ्या विद्यार्थ्यांना पदवी देते. यातील एका संस्थेने तर संस्थेच्या आवारात असलेल्या संचालकांच्या निवासस्थानात आपले कार्यालय सुरू केल्याचे अधिसभा सदस्य प्रदीप सावंत यांनी विद्यापीठाच्या निदर्शनास आणून दिले आहे.
कॉलेजांवर सक्ती का?
एखाद्या कॉलेजला जर नवा अभ्यासक्रम सुरू करावयाचा असेल तर त्यांना विविध टप्पे पार करत शासकीय प्रक्रिया पूर्ण करावी लागते. त्यानंतरच त्यांना अभ्यासक्रमाला परवानगी मिळते. यात अनेकदा एक-एक वर्ष निघून जाते. तसेच मान्यता देत असताना संबंधित कॉलेजकडे सुविधा आहेत की नाही हेही पाहिले जाते. मात्र या संस्थांना कोणताही सोपस्कार न करता 'गरवारे'च्या माध्यमातून विद्यापीठाची पदवी देता येते. हा प्रकार चुकीचा असल्याची टीका सावंत यांनी केली.
विद्यापीठाची फसगत
विद्यापीठाशी संलग्न असलेल्या कॉलेजांना जागा वाढवायच्या असतील तर अनेकदा १० टक्क्यांपर्यंत परवानगी दिली जाते. मात्र या संस्थांना २० ते २५ टक्के जागा वाढवून दिल्या जातात. हा सर्व प्रकार म्हणजे विद्यापीठाची फसगत आहे. यामुळे कुलगुरू डॉ. सुहास पेडणेकर यांनी या प्रकरणात लक्ष घालावे व याची सखोल चौकशी करावी, अशी मागणीही सावंत यांनी केली आहे. दरम्यान, याप्रकरणी संस्थेच्या संचालकांशी संपर्क साधण्याचा प्रयत्न केला असता संपर्क होऊ शकला नाही.