म. टा. विशेष प्रतिनिधी, मुंबई
दिग्दर्शक मधुर भांडारकर यांच्या बहुचर्चित ‘इंदू सरकार’ चित्रपटाचा वाद आता मुंबई उच्च न्यायालयात पोहोचला आहे. माजी पंतप्रधान इंदिरा गांधी यांचे पुत्र संजय गांधी यांची मुलगी असल्याचा दावा करणाऱ्या प्रिया पॉल नामक महिलेने ‘इंदू सरकार’च्या प्रदर्शनाला स्थगिती देण्याची विनंती करणारी याचिका केली आहे.
देशातील आणीबाणीच्या घटनेवर आधारित तयार करण्यात आलेल्या या चित्रपटात केवळ ३० टक्के वस्तुस्थिती आहे आणि बाकी सर्व काल्पनिक कथा आहे, असे भांडारकर यांनी काही दिवसांपूर्वी स्पष्ट केले होते. त्या पार्श्वभूमीवर, चित्रपटातील कोणत्या गोष्टी वस्तुस्थितीजन्य आहेत आणि कोणत्या काल्पनिक, हे भांडारकर यांना स्पष्ट करण्याचे निर्देश द्यावेत. तोपर्यंत चित्रपटाच्या प्रदर्शनाला स्थगिती द्यावी, अशी विनंती याचिकेत करण्यात आली आहे. हा चित्रपट २८ जुलैला प्रदर्शित होणार आहे.
दिग्दर्शक मधुर भांडारकर यांच्या बहुचर्चित ‘इंदू सरकार’ चित्रपटाचा वाद आता मुंबई उच्च न्यायालयात पोहोचला आहे. माजी पंतप्रधान इंदिरा गांधी यांचे पुत्र संजय गांधी यांची मुलगी असल्याचा दावा करणाऱ्या प्रिया पॉल नामक महिलेने ‘इंदू सरकार’च्या प्रदर्शनाला स्थगिती देण्याची विनंती करणारी याचिका केली आहे.
देशातील आणीबाणीच्या घटनेवर आधारित तयार करण्यात आलेल्या या चित्रपटात केवळ ३० टक्के वस्तुस्थिती आहे आणि बाकी सर्व काल्पनिक कथा आहे, असे भांडारकर यांनी काही दिवसांपूर्वी स्पष्ट केले होते. त्या पार्श्वभूमीवर, चित्रपटातील कोणत्या गोष्टी वस्तुस्थितीजन्य आहेत आणि कोणत्या काल्पनिक, हे भांडारकर यांना स्पष्ट करण्याचे निर्देश द्यावेत. तोपर्यंत चित्रपटाच्या प्रदर्शनाला स्थगिती द्यावी, अशी विनंती याचिकेत करण्यात आली आहे. हा चित्रपट २८ जुलैला प्रदर्शित होणार आहे.