म. टा. विशेष प्रतिनिधी, मुंबई
अनेक कठीण प्रसंगामध्ये सिंहासारखी भिडणारे पालक आपल्या लहान मुलांना इंजेक्शनची सुई टोचणार, या कल्पनेने मऊ मांजर होतात. डॉक्टरांनी इंजेक्शन हातात घेतल्या घेतल्या लहान मुलंही भोकाड पसरून रडायला सुरवात करतात. यापुढे बच्चेकंपनीची ही भीती घालवण्यासाठी एका विशेष पेडिअॅट्रिक इंजेक्शनवर हाफकिन प्रशिक्षण, संशोधन व चाचणी संस्थेमध्ये संशोधन करण्यात आले आहे. येथील तरुण संशोधकांनी 'हॅकथॉन २०१९' मध्ये सादर केलेल्या या वैद्यकीय उपकरणाचे पेटंटही मिळवण्यात येणार आहे.
हाफकिन संस्थेने आयोजित केलेल्या 'हॅकॅथॉन २०१९' मध्ये ४२ तरुणांनी संशोधन करून दहा नव्या वैद्यक उपकरणांच्या संकल्पना सादर केल्या आहेत. हाफकिन, आयआयटी, एम.जी. एम., आरोग्यसंस्था व के.जे. सोमय्या अभियांत्रिकी महाविद्यालय यांनी एकत्र येऊन हा संशोधन महोत्सव आयोजित केला होता. यात डॉक्टर, इंजिनीअर, डिझायनर, पीएचडीसंशोधक यांनी सहभाग घेतला होता. यातील एका गटाने न दुखणाऱ्या इंजेक्शनच्या संकल्पनेवर काम केले. चाचणीमध्ये अशा प्रकारे इंजेक्शन दिल्यास ते दुखत नसल्याचे दिसून आले.
हे एक घड्याळासारखे छोटे उपकरणासारखे असून ते इंजेक्शन देण्यापूर्वी त्या जागी ठेवून त्यानंतर इंजेक्शन दिले तर वेदनेची जाणीव होत नाही. ही पूर्ण प्रक्रिया अवघ्या अर्धा ते एक मिनिटामध्ये पूर्ण होणारी आहे. इंजेक्शनची सुई टोचल्यावर होणारी वेदना जाणवू नये, हे या उपकरणाचे प्रयोजन आहे.
मुलांना इंजेक्शन देण्यापूर्वी दहा ते पंधरा मिनिटांचा डॉक्टरांचा वेळ जातो. मुलांची रडारडी सुरू असताना इंजेक्शन दिले तर त्यामुळे सुई लागण्याचीही शक्यता असते, त्यामुळे असे उपकरण निश्चितपणे उपयुक्त ठरेल, असा विश्वास बालरोगतज्ज्ञ डॉ. मालती पाटील यांनी व्यक्त केला.
हॅकॅथॉनमध्ये सहभागी झालेल्या संशोधकांनी व्यवहार्य वैद्यकीय संकल्पना प्रत्यक्षात उतरवण्याचा केला आहे. त्यामध्ये रक्तातील शर्करा तपासणी, शस्त्रक्रिया विभागातील लाइट, प्राणवायूची तपासणी यासारख्या आरोग्यतपासण्यांसाठी वैद्यकीय उपकरणांच्या संकल्पना शोधल्या आहेत. त्यावर लवकर पेटंटसाठीही प्रयत्न करण्यात येईल.
डॉ. निशिगंधा नाईक, संचालक, हाफकिन.
अनेक कठीण प्रसंगामध्ये सिंहासारखी भिडणारे पालक आपल्या लहान मुलांना इंजेक्शनची सुई टोचणार, या कल्पनेने मऊ मांजर होतात. डॉक्टरांनी इंजेक्शन हातात घेतल्या घेतल्या लहान मुलंही भोकाड पसरून रडायला सुरवात करतात. यापुढे बच्चेकंपनीची ही भीती घालवण्यासाठी एका विशेष पेडिअॅट्रिक इंजेक्शनवर हाफकिन प्रशिक्षण, संशोधन व चाचणी संस्थेमध्ये संशोधन करण्यात आले आहे. येथील तरुण संशोधकांनी 'हॅकथॉन २०१९' मध्ये सादर केलेल्या या वैद्यकीय उपकरणाचे पेटंटही मिळवण्यात येणार आहे.
हाफकिन संस्थेने आयोजित केलेल्या 'हॅकॅथॉन २०१९' मध्ये ४२ तरुणांनी संशोधन करून दहा नव्या वैद्यक उपकरणांच्या संकल्पना सादर केल्या आहेत. हाफकिन, आयआयटी, एम.जी. एम., आरोग्यसंस्था व के.जे. सोमय्या अभियांत्रिकी महाविद्यालय यांनी एकत्र येऊन हा संशोधन महोत्सव आयोजित केला होता. यात डॉक्टर, इंजिनीअर, डिझायनर, पीएचडीसंशोधक यांनी सहभाग घेतला होता. यातील एका गटाने न दुखणाऱ्या इंजेक्शनच्या संकल्पनेवर काम केले. चाचणीमध्ये अशा प्रकारे इंजेक्शन दिल्यास ते दुखत नसल्याचे दिसून आले.
हे एक घड्याळासारखे छोटे उपकरणासारखे असून ते इंजेक्शन देण्यापूर्वी त्या जागी ठेवून त्यानंतर इंजेक्शन दिले तर वेदनेची जाणीव होत नाही. ही पूर्ण प्रक्रिया अवघ्या अर्धा ते एक मिनिटामध्ये पूर्ण होणारी आहे. इंजेक्शनची सुई टोचल्यावर होणारी वेदना जाणवू नये, हे या उपकरणाचे प्रयोजन आहे.
मुलांना इंजेक्शन देण्यापूर्वी दहा ते पंधरा मिनिटांचा डॉक्टरांचा वेळ जातो. मुलांची रडारडी सुरू असताना इंजेक्शन दिले तर त्यामुळे सुई लागण्याचीही शक्यता असते, त्यामुळे असे उपकरण निश्चितपणे उपयुक्त ठरेल, असा विश्वास बालरोगतज्ज्ञ डॉ. मालती पाटील यांनी व्यक्त केला.
हॅकॅथॉनमध्ये सहभागी झालेल्या संशोधकांनी व्यवहार्य वैद्यकीय संकल्पना प्रत्यक्षात उतरवण्याचा केला आहे. त्यामध्ये रक्तातील शर्करा तपासणी, शस्त्रक्रिया विभागातील लाइट, प्राणवायूची तपासणी यासारख्या आरोग्यतपासण्यांसाठी वैद्यकीय उपकरणांच्या संकल्पना शोधल्या आहेत. त्यावर लवकर पेटंटसाठीही प्रयत्न करण्यात येईल.
डॉ. निशिगंधा नाईक, संचालक, हाफकिन.