म. टा. खास प्रतिनिधी, मुंबई
दादर येथील मीनाताई ठाकरे फुलबाजारासमोर शुक्रवारी दुचाकीवरून आलेल्या दोघांनी केलेल्या गोळीबारात मनोजकुमार मौर्या (३५) या तरुणाचा मृत्यू झाला. मनोजकुमार याच्यावर हा हल्ला वैयक्तिक वादातून करण्यात आला, की यामागे अंडरवर्ल्डचा हात आहे याचा तपास करण्यासाठी आणि मारेकऱ्यांना शोधण्यासाठी स्थानिक पोलिस आणि गुन्हे शाखेची खास पथके तयार करण्यात आली आहेत.
मनोजकुमार मोर्या हा दादरमध्येच वास्तव्यास असून आधी तो फुलविक्रीचा व्यवसाय करायचा. हा व्यवसाय बंद करून तो फुलबाजारात वजन काटे पुरविण्याचे काम करू लागला. शुक्रवारी सकाळी सहाच्या सुमारास मनोजकुमार फूल मार्केटजवळ चालला असताना सेनापती बापट मार्गावरील प्रमोद महाजन गार्डनजवळ दोन इसम दुचाकीवरून आले आणि पाठीमागून त्याच्यावर गोळ्या झाडल्या. नवरात्रोत्सव असल्याने फुलबाजारात खूप गर्दी होती. गोळीबाराचा आवाज झाल्याने एकच पळापळ झाली. रक्ताच्या थारोळ्यात पडलेल्या मनोजला व्यापाऱ्यांनी आणि विक्रेत्यांनी परळच्या केईएम रुग्णालयात उपचारासाठी नेले. मात्र डॉक्टरांनी उपचारादरम्यान त्याचा मृत्यू झाल्याचे सांगितले. या प्रकरणाची माहिती मिळाल्यानंतर दादर पोलिसांनी घटनास्थळी घाव घेतली. या प्रकरणी दादर पोलिसांनी हत्या व हत्यार प्रतिबंधक कायद्याअंतर्गत गुन्हा दाखल करण्यात आला आहे. स्थानिक पोलिस आणि गुन्हे शाखेचे अधिकारी तपास करीत असून या मार्गावरील सीसीटीव्ही फुटेज पोलिसांनी घेतले आहेत. प्रत्यक्षदर्शी तसेच खबरींच्या माध्यमातून हल्लेखोरांचा शोध सुरू आहे.
तो दूरध्वनी जीवघेणा ठरला
मनोजकुमार हा दररोज सकाळी साडेसात सुमारास घराबाहेर पडायचा. मात्र आज सकाळी त्याला मोबाइलवर एक फोन आला आणि त्यामुळे तो नेहमीपेक्षा आधीच घराबाहेर पडला. हाच फोन त्याच्यासाठी जीवघेणा ठरल्याचे म्हटले जात आहे. हा फोन नेमका कोणी आणि कशासाठी केला याचा शोध पोलिस घेत आहेत.
दादर येथील मीनाताई ठाकरे फुलबाजारासमोर शुक्रवारी दुचाकीवरून आलेल्या दोघांनी केलेल्या गोळीबारात मनोजकुमार मौर्या (३५) या तरुणाचा मृत्यू झाला. मनोजकुमार याच्यावर हा हल्ला वैयक्तिक वादातून करण्यात आला, की यामागे अंडरवर्ल्डचा हात आहे याचा तपास करण्यासाठी आणि मारेकऱ्यांना शोधण्यासाठी स्थानिक पोलिस आणि गुन्हे शाखेची खास पथके तयार करण्यात आली आहेत.
मनोजकुमार मोर्या हा दादरमध्येच वास्तव्यास असून आधी तो फुलविक्रीचा व्यवसाय करायचा. हा व्यवसाय बंद करून तो फुलबाजारात वजन काटे पुरविण्याचे काम करू लागला. शुक्रवारी सकाळी सहाच्या सुमारास मनोजकुमार फूल मार्केटजवळ चालला असताना सेनापती बापट मार्गावरील प्रमोद महाजन गार्डनजवळ दोन इसम दुचाकीवरून आले आणि पाठीमागून त्याच्यावर गोळ्या झाडल्या. नवरात्रोत्सव असल्याने फुलबाजारात खूप गर्दी होती. गोळीबाराचा आवाज झाल्याने एकच पळापळ झाली. रक्ताच्या थारोळ्यात पडलेल्या मनोजला व्यापाऱ्यांनी आणि विक्रेत्यांनी परळच्या केईएम रुग्णालयात उपचारासाठी नेले. मात्र डॉक्टरांनी उपचारादरम्यान त्याचा मृत्यू झाल्याचे सांगितले. या प्रकरणाची माहिती मिळाल्यानंतर दादर पोलिसांनी घटनास्थळी घाव घेतली. या प्रकरणी दादर पोलिसांनी हत्या व हत्यार प्रतिबंधक कायद्याअंतर्गत गुन्हा दाखल करण्यात आला आहे. स्थानिक पोलिस आणि गुन्हे शाखेचे अधिकारी तपास करीत असून या मार्गावरील सीसीटीव्ही फुटेज पोलिसांनी घेतले आहेत. प्रत्यक्षदर्शी तसेच खबरींच्या माध्यमातून हल्लेखोरांचा शोध सुरू आहे.
तो दूरध्वनी जीवघेणा ठरला
मनोजकुमार हा दररोज सकाळी साडेसात सुमारास घराबाहेर पडायचा. मात्र आज सकाळी त्याला मोबाइलवर एक फोन आला आणि त्यामुळे तो नेहमीपेक्षा आधीच घराबाहेर पडला. हाच फोन त्याच्यासाठी जीवघेणा ठरल्याचे म्हटले जात आहे. हा फोन नेमका कोणी आणि कशासाठी केला याचा शोध पोलिस घेत आहेत.