‘त्यांच्या’ अंगावरील दाग‌निेही चोरले

सोशल मीडियावर चोरीची छायाचित्र व्हायरल

म. टा. खास प्रतिनिधी, मुंबई

परळ-एल्फिन्स्टन पुलावर शुक्रवारी झालेल्या चेंगराचेंगरीनंतर मदतीसाठी आलेल्यांची संख्याही मोठी होती. मात्र यामध्ये काहींनी माणुसकीला काळीमा फासत चक्क मृतांच्या अंगावरचे सोन्याचे दागिने चोरण्याचे कृत्य केले. याबाबत रेल्वे प्रशासनाने रेल्वे सुरक्षा बलास (आरपीएफ) चौकशीचे आदेश द‌लिे आहेत.

एल्फिन्स्टन पुलावर शुक्रवारच्या दुर्घटनेनंतर प्रवाशांचे आक्रोश ऐकून अनेकांनी मदतीसाठी धाव घेतली. अकडलेल्या, जखमी प्रवाशांना रुग्णालयात दाखल करण्यासाठी धावपळ सुरू केली. अशावेळी काही चोरट्यांनी संधी साधत काही जखमींकडील मौल्यवान वस्तू चोरल्याचे समोर आले आहे.

याबाबत सोशल मीडियावरील एका छायाचित्रातून अशाप्रकारच्या चोरीचे प्रकार समोर आले आहेत. या दुर्घटनेत मृत्यूमुखी पडलेल्या कांजुरमार्ग येथे राहणाऱ्या सुभलता शेट्टी यांच्या मृतदेहावरून सोन्याचे दागिने चोरले गेले. नातेवाईकांनी शेट्टी यांचा मृतदेह ताब्यात घेतल्यावर त्यांच्या हातातील सोन्याच्या बांगड्या गायब झाल्याचे स्पष्ट झाले. सोशल मीडियात व्हायरल झालेल्या छायाचित्रात एक चोरटा सुमलता यांच्या हातातील बांगड्या काढून घेताना दिसत आहेत. हा फोटो त्यांचे शेजारी गणेश शेट्टी यांनी रेल्वेमंत्री पीयूष गोयल, मुंबई पोलिस आयुक्त दत्ता पडसलगीकर आणि मुख्यमंत्री देवेंद्र फडवणीस यांना ट्वीट केला. त्याची दखल घेत रेल्वे मंत्रालयाने आरपीएफला तपास करण्याचे आदेश दिले आहेत.