म. टा. खास प्रतिनिधी, मुंबई
जे जे रुग्णालयातील प्रा. डॉ. राजश्री कटके यांच्यावर निवासी डॉक्टरचा छळ केल्याचा आरोप असल्याने त्याची चौकशी करण्यासाठी रुग्णालयाने समिती गठित केली होती. या समितीने दिलेल्या अहवालामध्ये डॉ. कटके यांच्यावर ठोस कारवाई करण्याचे कोणतेही स्पष्ट निर्देश दिलेले नाहीत. त्यामुळे मार्ड या संघटनेने निवासी डॉक्टरांची पिळवणूक थांबवण्यासाठी केलेल्या महत्त्वाच्या मागण्यांचा विचार समितीने सादर केलेल्या अहवालात झालेला नाही. कोणताही सबळ पुरावा नसल्यामुळे डॉ. कटके यांच्याविरोधात चौकशी समितीने केवळ दोन मुद्द्यांवर मतप्रदर्शन केले आहे.
डॉ. कटके यांना पदव्युत्तर गाईड म्हणून मार्गदर्शन करण्यासाठी विद्यार्थी देण्यात येऊ नयेत तसेच संबधित तक्रारदार निवासी डॉक्टरला दुसरे परीक्षाकेंद्र देण्यात यावे, असे चौकशी समितीने अहवालात नमूद केले आहे. डॉ. कटकेंची दुसऱ्या रुग्णालयांमध्ये रवानगी, वैद्यकीय विद्यापीठाच्या परीक्षेतून परीक्षक म्हणून मान्यता काढून घ्यावी तसेच या प्रकरणाची निष्पक्ष चौकशी व्हावी, अशी मागणी मार्डने केली होती. या मागण्यांबद्दल अहवालात भाष्य करण्यात आलेले नाही. डॉ. कटके यांनी स्वतःच गाईड म्हणून काम करण्यासाठी अनिच्छा दर्शवली होती. त्यामुळे समितीने यासंदर्भात दिलेले निर्देश हे त्यांना पूरक असल्याचे मत संबधित चौकशी समितीमधील एका डॉक्टरांनी व्यक्त केले.
शुक्रवारी हा अहवाल अधिष्ठाता कार्यालयाकडे सुपूर्द करण्यात आला. मात्र डॉ. चंदनवाले हे कामानिमित्त पुण्यात असल्याने यासंदर्भात अंतिम निर्णय सोमवारी होण्याची शक्यता आहे. जे. जे. मार्डने चौकशी समितीचा अहवाल सादर करण्यासंदर्भात चार दिवसांची मुदत दिली होती. तसेच डॉ. कटकेंकडून वेळोवेळी विद्यार्थ्यांना होणाऱ्या मानसिक, शारीरिक व शाब्दिक त्रासांसंदर्भात दाद मागितली होती. चौकशी समितीने दिलेल्या अहवालासंदर्भात डॉ. चंदनवाले यांची प्रतिक्रिया महत्त्वाची असेल व त्यानंतर मार्डची भूमिका ठरेल असे डॉ. उमंग यांनी स्पष्ट केले.
सोशल मीडियावर मोहीम
निवासी डॉक्टरांवर होणारा अन्याय थांबावा तसेच राज्यासह देशाच्या इतर भागांमध्ये अशा प्रकारे विद्यार्थ्यांवर अन्याय होत असेल तर त्यांनी मोकळेपणाने नाव न देताही याबद्दल आवाज उठवता यावा, यासाठी सोशल मीडियावर जेजे मार्डने ऑनलाइन मोहीम सुरू केली आहे. या मोहीम सुरू झाल्यानंतर दुसऱ्या दिवशी डॉ. नकेया देवासवाला यांनी सीएमओ म्हणून डॉ. कटकेंसोबत काम करताना आलेल्या कटू अनुभवांबद्दल लिहिले आहे. ही पोस्ट लिहिल्यानंतर त्यांचे अनेक वर्षांपासून खोळंबलेले अनुभव प्रमाणपत्र त्यांना मिळणारच नाही, याचीही तयारी त्यांनी ठेवली असल्याचे म्हटले आहे. रुग्णालयातील सहकारी, कर्मचारी, तसेच विद्यार्थी यांच्याकडून सतत विविध भेटवस्तूंची अपेक्षा करणे, तसे न केल्यास शेरेबाजी करणे, हिणवणे, अपमानास्पद वागणूक देण्याचे प्रकार त्या करत असल्याचे म्हटले आहे.
जे जे रुग्णालयातील प्रा. डॉ. राजश्री कटके यांच्यावर निवासी डॉक्टरचा छळ केल्याचा आरोप असल्याने त्याची चौकशी करण्यासाठी रुग्णालयाने समिती गठित केली होती. या समितीने दिलेल्या अहवालामध्ये डॉ. कटके यांच्यावर ठोस कारवाई करण्याचे कोणतेही स्पष्ट निर्देश दिलेले नाहीत. त्यामुळे मार्ड या संघटनेने निवासी डॉक्टरांची पिळवणूक थांबवण्यासाठी केलेल्या महत्त्वाच्या मागण्यांचा विचार समितीने सादर केलेल्या अहवालात झालेला नाही. कोणताही सबळ पुरावा नसल्यामुळे डॉ. कटके यांच्याविरोधात चौकशी समितीने केवळ दोन मुद्द्यांवर मतप्रदर्शन केले आहे.
डॉ. कटके यांना पदव्युत्तर गाईड म्हणून मार्गदर्शन करण्यासाठी विद्यार्थी देण्यात येऊ नयेत तसेच संबधित तक्रारदार निवासी डॉक्टरला दुसरे परीक्षाकेंद्र देण्यात यावे, असे चौकशी समितीने अहवालात नमूद केले आहे. डॉ. कटकेंची दुसऱ्या रुग्णालयांमध्ये रवानगी, वैद्यकीय विद्यापीठाच्या परीक्षेतून परीक्षक म्हणून मान्यता काढून घ्यावी तसेच या प्रकरणाची निष्पक्ष चौकशी व्हावी, अशी मागणी मार्डने केली होती. या मागण्यांबद्दल अहवालात भाष्य करण्यात आलेले नाही. डॉ. कटके यांनी स्वतःच गाईड म्हणून काम करण्यासाठी अनिच्छा दर्शवली होती. त्यामुळे समितीने यासंदर्भात दिलेले निर्देश हे त्यांना पूरक असल्याचे मत संबधित चौकशी समितीमधील एका डॉक्टरांनी व्यक्त केले.
शुक्रवारी हा अहवाल अधिष्ठाता कार्यालयाकडे सुपूर्द करण्यात आला. मात्र डॉ. चंदनवाले हे कामानिमित्त पुण्यात असल्याने यासंदर्भात अंतिम निर्णय सोमवारी होण्याची शक्यता आहे. जे. जे. मार्डने चौकशी समितीचा अहवाल सादर करण्यासंदर्भात चार दिवसांची मुदत दिली होती. तसेच डॉ. कटकेंकडून वेळोवेळी विद्यार्थ्यांना होणाऱ्या मानसिक, शारीरिक व शाब्दिक त्रासांसंदर्भात दाद मागितली होती. चौकशी समितीने दिलेल्या अहवालासंदर्भात डॉ. चंदनवाले यांची प्रतिक्रिया महत्त्वाची असेल व त्यानंतर मार्डची भूमिका ठरेल असे डॉ. उमंग यांनी स्पष्ट केले.
सोशल मीडियावर मोहीम
निवासी डॉक्टरांवर होणारा अन्याय थांबावा तसेच राज्यासह देशाच्या इतर भागांमध्ये अशा प्रकारे विद्यार्थ्यांवर अन्याय होत असेल तर त्यांनी मोकळेपणाने नाव न देताही याबद्दल आवाज उठवता यावा, यासाठी सोशल मीडियावर जेजे मार्डने ऑनलाइन मोहीम सुरू केली आहे. या मोहीम सुरू झाल्यानंतर दुसऱ्या दिवशी डॉ. नकेया देवासवाला यांनी सीएमओ म्हणून डॉ. कटकेंसोबत काम करताना आलेल्या कटू अनुभवांबद्दल लिहिले आहे. ही पोस्ट लिहिल्यानंतर त्यांचे अनेक वर्षांपासून खोळंबलेले अनुभव प्रमाणपत्र त्यांना मिळणारच नाही, याचीही तयारी त्यांनी ठेवली असल्याचे म्हटले आहे. रुग्णालयातील सहकारी, कर्मचारी, तसेच विद्यार्थी यांच्याकडून सतत विविध भेटवस्तूंची अपेक्षा करणे, तसे न केल्यास शेरेबाजी करणे, हिणवणे, अपमानास्पद वागणूक देण्याचे प्रकार त्या करत असल्याचे म्हटले आहे.