म. टा. खास प्रतिनिधी, मुंबई
पश्चिम रेल्वेवरील चर्चगेट स्थानक बॉम्बने उडवून देण्याचा निनावी दूरध्वनी गुरुवारी सकाळी येताच लगोलग संपूर्ण रेल्वेमार्गावर कडेकोट तपासणी करण्यात आली. चर्चगेट स्थानकाच्या तपासणीनंतर नियंत्रण कक्षास आलेला हा दूरध्वनी अफवेचा असल्याचे निष्पन्न झाल्याने सर्वांनीच सुटकेचा निश्वास सोडला.
मुंबईतील लोकलमध्ये झालेल्या साखळी बॉम्बस्फोटास सहा वर्ष पूर्ण झाल्याच्या पार्श्वभूमीवर गुरुवारी सकाळी १०.४४च्या सुमारास रेल्वे सुरक्षा बलाच्या (आरपीएफ) १८२ या हेल्पलाइन क्रमांकावर चर्चगेट स्थानक बॉम्बने उडवून देण्याचा दूरध्वनी आला. त्यानंतर सुरक्षा यंत्रणा तातडीने कामाला लागल्या. रेल्वे पोलिस, आरपीएफ, श्वान पथक, बॉम्बशोधक आणि नाशक पथक (बीडीडीएस) आदी चर्चगेट स्थानकात दाखल झाली. या सर्व पथकांनी चर्चगेट स्थानकाची तसेच गाड्यांचीही कसून तपासणी केली. मात्र काहीही संशयित वस्तू आढळली नाही.
लोकल मार्गावरील स्थानकांवर पोलिस पथकांनी पाहणी केली. निनानी दूरध्वनी येताच सुरक्षेचे सर्व उपाय योजण्यात आल्याचे रेल्वे पोलिस आयुक्त निकेत कौशिक यांनी सांगितले.
पश्चिम रेल्वेवरील चर्चगेट स्थानक बॉम्बने उडवून देण्याचा निनावी दूरध्वनी गुरुवारी सकाळी येताच लगोलग संपूर्ण रेल्वेमार्गावर कडेकोट तपासणी करण्यात आली. चर्चगेट स्थानकाच्या तपासणीनंतर नियंत्रण कक्षास आलेला हा दूरध्वनी अफवेचा असल्याचे निष्पन्न झाल्याने सर्वांनीच सुटकेचा निश्वास सोडला.
मुंबईतील लोकलमध्ये झालेल्या साखळी बॉम्बस्फोटास सहा वर्ष पूर्ण झाल्याच्या पार्श्वभूमीवर गुरुवारी सकाळी १०.४४च्या सुमारास रेल्वे सुरक्षा बलाच्या (आरपीएफ) १८२ या हेल्पलाइन क्रमांकावर चर्चगेट स्थानक बॉम्बने उडवून देण्याचा दूरध्वनी आला. त्यानंतर सुरक्षा यंत्रणा तातडीने कामाला लागल्या. रेल्वे पोलिस, आरपीएफ, श्वान पथक, बॉम्बशोधक आणि नाशक पथक (बीडीडीएस) आदी चर्चगेट स्थानकात दाखल झाली. या सर्व पथकांनी चर्चगेट स्थानकाची तसेच गाड्यांचीही कसून तपासणी केली. मात्र काहीही संशयित वस्तू आढळली नाही.
लोकल मार्गावरील स्थानकांवर पोलिस पथकांनी पाहणी केली. निनानी दूरध्वनी येताच सुरक्षेचे सर्व उपाय योजण्यात आल्याचे रेल्वे पोलिस आयुक्त निकेत कौशिक यांनी सांगितले.