म. टा. खास प्रतिनिधी, मुंबई
मुंबईमध्ये पोलिसांची ड्रग्जविरोधात धडक मोहीम सुरूच आहे. मालवणी पोलिसांनी बुधवारी कोकेनसह तीन नायजेरियन नागरिकांना अटक केली. हे तिघे मालवणीमध्ये ड्रग्ज विकण्यासाठी आले होते.
फोनवरून संपर्क करून काही अंमली पदार्थ तस्कर ते विकण्यासाठी मालवणी येथे येत असल्याची माहिती मालवणी पोलिस ठाण्याचे सहायक पोलिस निरीक्षक घनश्याम नायर यांना मिळाली. या माहितीच्या आधारे वरिष्ठ पोलिस निरीक्षक दीपक पटांगरे यांच्या मार्गदर्शनाखाली मालवणी पोलिसांचे पथक राठोडी गावात सापळा लावून होते. त्यावेळी चुकवू फिलिप्स गॉडवीन (३२), चुकावे मेका डेनियल अजाह (२४) आणि मायकल ओगवन्ना कौसी (२२) हे तिघेजण त्या परिसरात अंमली पदार्थ विकण्यासाठी आले. पोलिसांनी त्यांना ताब्यात घेऊन झडती घेतली तेव्हा त्यांच्याकडे १५ लाख रुपये मूल्याचे १५२ ग्रॅम कोकेन सापडले. हे कोकेन शहरातील उच्चभ्रू वस्तीतील तरुणांसाठी आणल्याचे त्यांनी सांगितले. हे तरुण नेमके कोण याचा शोध मालवणी पोलिस घेत आहेत.
मुंबईमध्ये पोलिसांची ड्रग्जविरोधात धडक मोहीम सुरूच आहे. मालवणी पोलिसांनी बुधवारी कोकेनसह तीन नायजेरियन नागरिकांना अटक केली. हे तिघे मालवणीमध्ये ड्रग्ज विकण्यासाठी आले होते.
फोनवरून संपर्क करून काही अंमली पदार्थ तस्कर ते विकण्यासाठी मालवणी येथे येत असल्याची माहिती मालवणी पोलिस ठाण्याचे सहायक पोलिस निरीक्षक घनश्याम नायर यांना मिळाली. या माहितीच्या आधारे वरिष्ठ पोलिस निरीक्षक दीपक पटांगरे यांच्या मार्गदर्शनाखाली मालवणी पोलिसांचे पथक राठोडी गावात सापळा लावून होते. त्यावेळी चुकवू फिलिप्स गॉडवीन (३२), चुकावे मेका डेनियल अजाह (२४) आणि मायकल ओगवन्ना कौसी (२२) हे तिघेजण त्या परिसरात अंमली पदार्थ विकण्यासाठी आले. पोलिसांनी त्यांना ताब्यात घेऊन झडती घेतली तेव्हा त्यांच्याकडे १५ लाख रुपये मूल्याचे १५२ ग्रॅम कोकेन सापडले. हे कोकेन शहरातील उच्चभ्रू वस्तीतील तरुणांसाठी आणल्याचे त्यांनी सांगितले. हे तरुण नेमके कोण याचा शोध मालवणी पोलिस घेत आहेत.