मुंबई
ऑनलाइन रेल्वे तिकीट काढण्यासाठी परदेशातून बुकिंग केले जाते असे कोणी म्हटंल तर तुम्हाला विश्वास वाटणार नाही, पण असे घडत आहे. रेल्वे तिकिट ऑनलाइन आरक्षित करण्यासाठी थेट परदेशी आयपी अॅड्रेसची मदत घेण्यात येत असल्याचे उघड झाले आहे.
मध्य रेल्वेच्या रेल्वे सुरक्षा दलाने 'काउंटर वी२' या सॉफ्टवेअरच्या सर्व्हरद्वारे रेल्वे तिकिट ऑनलाइन आरक्षित होत असल्याचे उघड केले आहे. रेल्वे तिकिटांचा काळाबाजार करणारे दलाल हे सॉफ्टवेअर वापरत असून त्यामुळे अनेकांना ऑनलाइन तिकिट मिळणे दुरापस्त झाले आहे. झिम्बाब्वे आणि अमेरिकेतील आयपी अॅड्रेस वापरुन तिकिट आरक्षित करण्यात आल्याची माहिती समोर आली आहे. परदेशातील आयपी अॅड्रेसचा वापर करणे सोपं आहे. यासाठी फक्त १०० रुपयांचा खर्च येत असल्याची माहिती तपास करणाऱ्या आरपीएफ अधिकाऱ्याने दिली. एका प्रॉक्सी आयपी अॅड्रेसच्या माध्यमातून ६० तिकिटे आरक्षित करता येतात. काउंटर सॉफ्टवेअरच्या माध्यमातून एकाच वेळी कॉम्प्युटरवर अनेक विंडोज सुरू होतात. तिकिट आरक्षित करण्याआधी सगळ्या विंडोजमध्ये माहिती भरली जाते. या सॉफ्टवेअरचा वापर केल्यानंतर 'आयआरसीटीसी'द्वारे मागण्यात येणाऱ्या कॅप्चा आणि ओटीपीची आवश्यकता लागत नाही. एखाद्या सामान्य व्यक्तीला एक तिकिट ऑनलाइन आरक्षित करण्यास एक ते दीड मिनिटांचा कालावधी लागतो. मात्र, या सॉफ्टवेअरच्या माध्यमातून अवघा ५ सेंकदाचा वेळ लागतो.
आयआरसीटीसीने आपल्या सर्व्हरमध्ये बदल केल्यास आणि सॉफ्टवेअर कोडिंगमध्ये वेळोवेळी बदल केल्यास असे प्रकार थांबवता येणे शक्य असल्याचे सॉफ्टवेअर एक्सपर्ट विक्की शाह यांनी सांगितले. मध्य रेल्वे आरपीएफने या प्रकरणी एकाला ताब्यात घेतले आहे. अशा प्रकारच्या गुन्ह्यात कठोर शिक्षेची तरतूद असणे आवश्यक असल्याचे मत आरपीएफ अधिकाऱ्यांनी व्यक्त केले. सध्या अशा प्रकारच्या गुन्ह्यात ३ वर्षापर्यंतच्या शिक्षेची तरतूद आहे. मात्र, फारच कमी प्रकरणात तुरुंगवासाची शिक्षा होत असल्याचे अधिकाऱ्याने नमूद केले.
ऑनलाइन रेल्वे तिकीट काढण्यासाठी परदेशातून बुकिंग केले जाते असे कोणी म्हटंल तर तुम्हाला विश्वास वाटणार नाही, पण असे घडत आहे. रेल्वे तिकिट ऑनलाइन आरक्षित करण्यासाठी थेट परदेशी आयपी अॅड्रेसची मदत घेण्यात येत असल्याचे उघड झाले आहे.
मध्य रेल्वेच्या रेल्वे सुरक्षा दलाने 'काउंटर वी२' या सॉफ्टवेअरच्या सर्व्हरद्वारे रेल्वे तिकिट ऑनलाइन आरक्षित होत असल्याचे उघड केले आहे. रेल्वे तिकिटांचा काळाबाजार करणारे दलाल हे सॉफ्टवेअर वापरत असून त्यामुळे अनेकांना ऑनलाइन तिकिट मिळणे दुरापस्त झाले आहे. झिम्बाब्वे आणि अमेरिकेतील आयपी अॅड्रेस वापरुन तिकिट आरक्षित करण्यात आल्याची माहिती समोर आली आहे. परदेशातील आयपी अॅड्रेसचा वापर करणे सोपं आहे. यासाठी फक्त १०० रुपयांचा खर्च येत असल्याची माहिती तपास करणाऱ्या आरपीएफ अधिकाऱ्याने दिली. एका प्रॉक्सी आयपी अॅड्रेसच्या माध्यमातून ६० तिकिटे आरक्षित करता येतात. काउंटर सॉफ्टवेअरच्या माध्यमातून एकाच वेळी कॉम्प्युटरवर अनेक विंडोज सुरू होतात. तिकिट आरक्षित करण्याआधी सगळ्या विंडोजमध्ये माहिती भरली जाते. या सॉफ्टवेअरचा वापर केल्यानंतर 'आयआरसीटीसी'द्वारे मागण्यात येणाऱ्या कॅप्चा आणि ओटीपीची आवश्यकता लागत नाही. एखाद्या सामान्य व्यक्तीला एक तिकिट ऑनलाइन आरक्षित करण्यास एक ते दीड मिनिटांचा कालावधी लागतो. मात्र, या सॉफ्टवेअरच्या माध्यमातून अवघा ५ सेंकदाचा वेळ लागतो.
आयआरसीटीसीने आपल्या सर्व्हरमध्ये बदल केल्यास आणि सॉफ्टवेअर कोडिंगमध्ये वेळोवेळी बदल केल्यास असे प्रकार थांबवता येणे शक्य असल्याचे सॉफ्टवेअर एक्सपर्ट विक्की शाह यांनी सांगितले. मध्य रेल्वे आरपीएफने या प्रकरणी एकाला ताब्यात घेतले आहे. अशा प्रकारच्या गुन्ह्यात कठोर शिक्षेची तरतूद असणे आवश्यक असल्याचे मत आरपीएफ अधिकाऱ्यांनी व्यक्त केले. सध्या अशा प्रकारच्या गुन्ह्यात ३ वर्षापर्यंतच्या शिक्षेची तरतूद आहे. मात्र, फारच कमी प्रकरणात तुरुंगवासाची शिक्षा होत असल्याचे अधिकाऱ्याने नमूद केले.