टोलनाक्यांवर लांबच लांब रांगा

म.टा. ऑनलाइन वृत्त । मुंबई

नोटबंदीनंतर आजपासून राज्यातील टोलनाक्यांवरील वसुली सुरू झाल्याने अनेक ठिकाणी वाहनांच्या लांबच लांब रांगा लागल्या आहेत. मुंबई-पुणे एक्स्प्रेस वेसह राज्यातील इतर प्रमुख मार्गांवर वाहनांची मोठी गर्दी झाली आहे. यातच शनिवार-रविवार विकएंड आल्याने गर्दीत भर पडली आहे.

नोटबंदीनंतर समस्यांच्या कात्रीत अडकलेल्या सर्वसामान्यांना आजपासून आणखी आव्हानांचा सामना करावा लागणार आहे. ५०० रुपयाची जुनी नोट आता पेट्रोलपंपांवर स्वीकारली जाणार नाही. दुसरीकडे टोलनाक्यांवरही वसुलीही सुरू झाली आहे. आधीच चलन तुटवडा त्यात टोल नाक्यांवरील वाहतूक कोंडीने आता नागरिकांची रखडपट्टी होणार आहे. नोटाबंदीनंतर सरकारने २ डिसेंबरपर्यंत टोलमाफीची घोषणा केली होती. यामुळे मध्यरात्रीपासून पुन्हा टोल वसुली सुरू झाली आहे.

५०० रुपयाच्या जुन्या नोटेचा व्यवहार

> बंद : पेट्रोल-डिझेल, सीएनजी गॅस खरेदी, विमान तिकीट खरेदी

> चालू : रेल्वे, एसटी तिकीट खरेदी, सार्वजनिक परिवहन सेवा