गैरव्यवहार आढळल्यास कठोर कारवाई
म. टा. प्रतिनिधी, मुंबई
अवयवदानाचे प्रमाण वाढावे. तसेच, गरजू रुग्णांना किडन्या उपलब्ध व्हाव्यात. मात्र, ही प्रत्यारोपण प्रक्रिया पारदर्शकपणे पार पाडण्यासाठी सरकारतर्फे उपाययोजना करण्यात येत आहेत. प्रत्यारोपण शस्त्रक्रियेच्या प्रकियेत गैरव्यवहार करणाऱ्यांवर कठोर कारवाई करण्यात येईल, असा इशारा सार्वजनिक आरोग्य मंत्री डॉ. दीपक सावंत यांनी सोमवारी दिला.
मानवी अवयव प्रत्यारोपण कायद्याबाबत कार्यपद्धती निश्चित करण्यासाठी स्थापन करण्यात आलेल्या समितीची पहिली बैठक सावंत यांच्या अध्यक्षतेखाली मंत्रालयात झाली. त्यावेळी ते बोलत होते. मानवी अवयव प्रत्यारोपणाची प्रक्रिया कायद्याच्या चौकटींतर्गत पार पाडून याबाबत नेमकी कार्यपद्धती निश्चित करण्यासाठी या बैठकीचे आयोजन करण्यात आले असून, त्याबाबत सदस्यांनी आपल्या सूचना मांडाव्यात, असे डॉ. सावंत यांनी यावेळी सांगितले.
अवयव दाता व स्वीकारणाऱ्या रुग्णाची माहिती आधारकार्डाशी संलग्न करुन ऑनलाईन उपलब्ध करुन देणे, त्याबाबत संगणकप्रणाली निश्चित करणे, अवयवदात्यांच्या कागदपत्रांच्या तपासणी करिता कार्यपद्धती निश्चित करणे, अवयव प्रत्यारोपणानंतर दाता व स्वीकारणारा यांच्यासाठी विशेष शिष्टाचार निश्चित करणे, ज्या रुग्णालयात किडनी प्रत्यारोपण शस्त्रक्रिया केली जाणार आहे त्या रुग्णालयात स्वतंत्र कक्ष स्थापून अवयतदाता व स्वीकारणारा रुग्ण तसेच त्यांच्या नातेवाईकांना शस्त्रक्रियेबाबतच्या परिणामांची माहिती ध्वनीचित्रफितीव्दारे देणे यासह ब्रेनडेड रुग्णांच्या अवयवदानाच्या बाबतीत वाढ करण्यासाठी त्यांच्या कुटुंबीयाना महत्त्वाच्या वैद्यकीय सुविधा मोफत उपलब्ध करुन देणे, आदी विषयांवर बैठकीत चर्चा झाली.
यावेळी समिती सदस्यांची मते जाणून घेण्यात आली. समिती सदस्यांनी मांडलेल्या सूचना विचारात घेऊन याबाबतची नेमकी कार्यपद्धती लवकरच तयार करणार असल्याचे डॉ. सावंत यांनी सांगितले.
म. टा. प्रतिनिधी, मुंबई
अवयवदानाचे प्रमाण वाढावे. तसेच, गरजू रुग्णांना किडन्या उपलब्ध व्हाव्यात. मात्र, ही प्रत्यारोपण प्रक्रिया पारदर्शकपणे पार पाडण्यासाठी सरकारतर्फे उपाययोजना करण्यात येत आहेत. प्रत्यारोपण शस्त्रक्रियेच्या प्रकियेत गैरव्यवहार करणाऱ्यांवर कठोर कारवाई करण्यात येईल, असा इशारा सार्वजनिक आरोग्य मंत्री डॉ. दीपक सावंत यांनी सोमवारी दिला.
मानवी अवयव प्रत्यारोपण कायद्याबाबत कार्यपद्धती निश्चित करण्यासाठी स्थापन करण्यात आलेल्या समितीची पहिली बैठक सावंत यांच्या अध्यक्षतेखाली मंत्रालयात झाली. त्यावेळी ते बोलत होते. मानवी अवयव प्रत्यारोपणाची प्रक्रिया कायद्याच्या चौकटींतर्गत पार पाडून याबाबत नेमकी कार्यपद्धती निश्चित करण्यासाठी या बैठकीचे आयोजन करण्यात आले असून, त्याबाबत सदस्यांनी आपल्या सूचना मांडाव्यात, असे डॉ. सावंत यांनी यावेळी सांगितले.
अवयव दाता व स्वीकारणाऱ्या रुग्णाची माहिती आधारकार्डाशी संलग्न करुन ऑनलाईन उपलब्ध करुन देणे, त्याबाबत संगणकप्रणाली निश्चित करणे, अवयवदात्यांच्या कागदपत्रांच्या तपासणी करिता कार्यपद्धती निश्चित करणे, अवयव प्रत्यारोपणानंतर दाता व स्वीकारणारा यांच्यासाठी विशेष शिष्टाचार निश्चित करणे, ज्या रुग्णालयात किडनी प्रत्यारोपण शस्त्रक्रिया केली जाणार आहे त्या रुग्णालयात स्वतंत्र कक्ष स्थापून अवयतदाता व स्वीकारणारा रुग्ण तसेच त्यांच्या नातेवाईकांना शस्त्रक्रियेबाबतच्या परिणामांची माहिती ध्वनीचित्रफितीव्दारे देणे यासह ब्रेनडेड रुग्णांच्या अवयवदानाच्या बाबतीत वाढ करण्यासाठी त्यांच्या कुटुंबीयाना महत्त्वाच्या वैद्यकीय सुविधा मोफत उपलब्ध करुन देणे, आदी विषयांवर बैठकीत चर्चा झाली.
यावेळी समिती सदस्यांची मते जाणून घेण्यात आली. समिती सदस्यांनी मांडलेल्या सूचना विचारात घेऊन याबाबतची नेमकी कार्यपद्धती लवकरच तयार करणार असल्याचे डॉ. सावंत यांनी सांगितले.