म. टा. खास प्रतिनिधी, मुंबई
पावसाळ्यासाठी जय्यत पूर्वतयारी केल्याचा मुंबई महापालिकेचा दावा शिवाजी पार्क येथे एकाच कुटुंबातील पाच जणांवर झाड कोसळण्याच्या दुर्घटनेमुळे फोल ठरला आहे. शनिवारी रात्री साडेनऊ वाजण्याच्या सुमारास घडलेल्या या दुर्घटनेत राऊत कुटुंबीयांना आघात सहन करावा लागला. कुटुंबातील श्रेया या वीस वर्षीय तरुणीच्या मणक्याला गंभीर दुखापत झाली असून, तिच्यावर हिंदुजा रुग्णालयात उपचार सुरू आहेत. इतर चार जणांना उपचार करून घरी पाठवण्यात आले. दहिसरमध्ये शनिवारी रात्री दृष्टी मुंगरा या चौदा वर्षीय मुलीचा अंगावर झाड कोसळून मृत्यू झाला असतानाच ही दुर्घटना घडली.
श्रेया राऊत ही वांद्रे येथे इंजिनीअरिंगच्या दुसऱ्या वर्षाला असून, झाड कोसळल्याने तिच्या मणक्याला मार बसला. अभिश्री या तिच्या दहा वर्षांच्या चुलत बहिणीच्या डोक्याला मार लागल्यामुळे सहा टाके घालावे लागले. अच्युतम, ज्योती, आणि कमलाकर या अन्य कुटुंबीयांना हिंदुजातून उपचार देऊन शनिवारी रात्री उशिरा घरी पाठवण्यात आले. मात्र, श्रेयाच्या मणक्याला दुखापत झाल्यामुळे तिच्यावर उपचार सुरू आहेत. गरज भासल्यास शस्त्रक्रियाही करावी लागेल, असे श्रेयाचे वडील भरत राऊत यांनी 'म.टा.'ला सांगितले. हिंदुजातील डॉ. केदार जातेगावकर यांच्या मार्गदर्शनाखाली श्रेयावर वैद्यकीय उपचार सुरू आहेत. राऊत हे माजी शिवसेना शाखाप्रमुख आहेत. झाड अंगावर कोसळल्याने कुटुंबातील सदस्यांना झालेल्या त्रासाबद्दल त्यांनी संताप व्यक्त केला. शिवाजी पार्क पोलिस ठाण्यात झाड पडल्याच्या घटनेची पोलिसांनीच केवळ नोंद करून घेतल्याचेही त्यांनी सांगितले.
यापूर्वीच्या घटना...
- मागील वर्षीच्या पावसाळ्यात 'दूरदर्शन'च्या वृत्तनिवेदिका कांचन नाथ यांचा अंगावर झाड कोसळून मृत्यू झाला होता.
- ७ डिसेंबर २०१७ रोजी चेंबूर येथील डायमंड गार्डन परिसरामध्ये बसची वाट पहात उभ्या असलेल्या शारदा घोडेस्वार यांचा अंगावर झाड कोसळून मृत्यू झाला.
- एप्रिल २०१८ मध्ये मुंबई मराठी ग्रंथसंग्रहालयासमोरील फूटपाथवरून जात असताना तेथील झाड कोसळून धारावीत राहणाऱ्या दिनेश सनगले या मुलाचा मृत्यू ओढवला.
मदतीत भेदभाव का?
मागील वर्षीच्या पावसाळ्यात 'दूरदर्शन'च्या वृत्तनिवेदिका कांचन नाथ यांचा अंगावर झाड कोसळून मृत्यू झाला होता. मात्र, हे झाड खासगी हद्दीमध्ये असल्यामुळे त्यांना कोणत्याही प्रकारची मदत मिळू शकली नाही. पालिकेच्या हद्दीतील रस्ते, फूटपाथवरील झाड अंगावर पडून मृत्यू झाल्यास तर, पालिकेकडून एक लाख रुपयांची मदत दिली जाते. मात्र, हे धोरण दुजाभाव करणारे असल्याचे सांगून पालिकेच्या सभागृहात सर्वच राजकीय पक्षांनी त्याविरोधात आवाज उठवला आहे.
आश्वासनांची पूर्तता केव्हा?
७ डिसेंबर २०१७ रोजी चेंबूर येथील डायमंड गार्डन परिसरामध्ये बसची वाट पहात उभ्या असलेल्या शारदा घोडेस्वार यांचाही अंगावर झाड कोसळून मृत्यू झाला. त्यावेळी पालिकेने त्यांना एक लाख रुपयांची आर्थिक मदत दिली. त्यांचा मुलगा सुमीत घोडेस्वार हा बारावी उत्तीर्ण आहे. या दुर्घटनेनंतर सुमीतला आ. तुकाराम काते यांनी सरकारकडून पाच लाख रुपयांची आर्थिक मदत व पालिकेमध्ये नोकरी मिळवून देण्याचे आश्वासन दिले होते. त्यादृष्टीने सुमीतनेही तयारी करून पालिकेमध्ये ड वर्गासाठी असलेली परीक्षा देऊन ७२ टक्के गुण मिळवले. मात्र, आर्थिक मदत आणि पालिकेत नोकरी या दोन्ही आश्वासनांची अद्याप पूर्तता झाली नसल्याचे सुमीत घोडेस्वार याने 'म.टा.'ला सांगितले. यासंदर्भात आ. तुकाराम काते यांच्याकडे विचारणा केली असता, राज्य सरकारकडून एक लाख रुपये लवकरच मिळतील, असे आश्वासन देत, सुमीतच्या पालिकेतील नोकरीसाठी प्रयत्न सुरू असल्याचे त्यांनी स्पष्ट केले.
झाडे कापण्यासाठी परवानगी
-पावसाळ्यापूर्वी पालिका झाडांच्या फांद्याच्या छाटणीचे काम करते. मात्र, शहराचा विस्तार पाहता सगळीकडे पोहचू शकत नाही, या कारणास्तव सरकारी यंत्रणांना तीन वर्षांसाठी त्यांच्या हद्दीतील झाडांच्या फांद्या छाटून टाकण्याची मुभा देण्यात आली आहे. त्यासाठी पालिकेची परवानगी घेण्याची आवश्यकता नाही, असे पालिकेने स्पष्ट केले आहे.
-सोसायटीच्या आवारातील फांद्या कापायच्या असतील तर पालिकेच्या विभाग कार्यालयात तक्रार करता येईल किंवा १९१६ या हेल्पलाइन क्रमांकावर तक्रार करता येईल, असेही पालिकेने स्पष्ट केले आहे.
पावसाळ्यासाठी जय्यत पूर्वतयारी केल्याचा मुंबई महापालिकेचा दावा शिवाजी पार्क येथे एकाच कुटुंबातील पाच जणांवर झाड कोसळण्याच्या दुर्घटनेमुळे फोल ठरला आहे. शनिवारी रात्री साडेनऊ वाजण्याच्या सुमारास घडलेल्या या दुर्घटनेत राऊत कुटुंबीयांना आघात सहन करावा लागला. कुटुंबातील श्रेया या वीस वर्षीय तरुणीच्या मणक्याला गंभीर दुखापत झाली असून, तिच्यावर हिंदुजा रुग्णालयात उपचार सुरू आहेत. इतर चार जणांना उपचार करून घरी पाठवण्यात आले. दहिसरमध्ये शनिवारी रात्री दृष्टी मुंगरा या चौदा वर्षीय मुलीचा अंगावर झाड कोसळून मृत्यू झाला असतानाच ही दुर्घटना घडली.
श्रेया राऊत ही वांद्रे येथे इंजिनीअरिंगच्या दुसऱ्या वर्षाला असून, झाड कोसळल्याने तिच्या मणक्याला मार बसला. अभिश्री या तिच्या दहा वर्षांच्या चुलत बहिणीच्या डोक्याला मार लागल्यामुळे सहा टाके घालावे लागले. अच्युतम, ज्योती, आणि कमलाकर या अन्य कुटुंबीयांना हिंदुजातून उपचार देऊन शनिवारी रात्री उशिरा घरी पाठवण्यात आले. मात्र, श्रेयाच्या मणक्याला दुखापत झाल्यामुळे तिच्यावर उपचार सुरू आहेत. गरज भासल्यास शस्त्रक्रियाही करावी लागेल, असे श्रेयाचे वडील भरत राऊत यांनी 'म.टा.'ला सांगितले. हिंदुजातील डॉ. केदार जातेगावकर यांच्या मार्गदर्शनाखाली श्रेयावर वैद्यकीय उपचार सुरू आहेत. राऊत हे माजी शिवसेना शाखाप्रमुख आहेत. झाड अंगावर कोसळल्याने कुटुंबातील सदस्यांना झालेल्या त्रासाबद्दल त्यांनी संताप व्यक्त केला. शिवाजी पार्क पोलिस ठाण्यात झाड पडल्याच्या घटनेची पोलिसांनीच केवळ नोंद करून घेतल्याचेही त्यांनी सांगितले.
यापूर्वीच्या घटना...
- मागील वर्षीच्या पावसाळ्यात 'दूरदर्शन'च्या वृत्तनिवेदिका कांचन नाथ यांचा अंगावर झाड कोसळून मृत्यू झाला होता.
- ७ डिसेंबर २०१७ रोजी चेंबूर येथील डायमंड गार्डन परिसरामध्ये बसची वाट पहात उभ्या असलेल्या शारदा घोडेस्वार यांचा अंगावर झाड कोसळून मृत्यू झाला.
- एप्रिल २०१८ मध्ये मुंबई मराठी ग्रंथसंग्रहालयासमोरील फूटपाथवरून जात असताना तेथील झाड कोसळून धारावीत राहणाऱ्या दिनेश सनगले या मुलाचा मृत्यू ओढवला.
मदतीत भेदभाव का?
मागील वर्षीच्या पावसाळ्यात 'दूरदर्शन'च्या वृत्तनिवेदिका कांचन नाथ यांचा अंगावर झाड कोसळून मृत्यू झाला होता. मात्र, हे झाड खासगी हद्दीमध्ये असल्यामुळे त्यांना कोणत्याही प्रकारची मदत मिळू शकली नाही. पालिकेच्या हद्दीतील रस्ते, फूटपाथवरील झाड अंगावर पडून मृत्यू झाल्यास तर, पालिकेकडून एक लाख रुपयांची मदत दिली जाते. मात्र, हे धोरण दुजाभाव करणारे असल्याचे सांगून पालिकेच्या सभागृहात सर्वच राजकीय पक्षांनी त्याविरोधात आवाज उठवला आहे.
आश्वासनांची पूर्तता केव्हा?
७ डिसेंबर २०१७ रोजी चेंबूर येथील डायमंड गार्डन परिसरामध्ये बसची वाट पहात उभ्या असलेल्या शारदा घोडेस्वार यांचाही अंगावर झाड कोसळून मृत्यू झाला. त्यावेळी पालिकेने त्यांना एक लाख रुपयांची आर्थिक मदत दिली. त्यांचा मुलगा सुमीत घोडेस्वार हा बारावी उत्तीर्ण आहे. या दुर्घटनेनंतर सुमीतला आ. तुकाराम काते यांनी सरकारकडून पाच लाख रुपयांची आर्थिक मदत व पालिकेमध्ये नोकरी मिळवून देण्याचे आश्वासन दिले होते. त्यादृष्टीने सुमीतनेही तयारी करून पालिकेमध्ये ड वर्गासाठी असलेली परीक्षा देऊन ७२ टक्के गुण मिळवले. मात्र, आर्थिक मदत आणि पालिकेत नोकरी या दोन्ही आश्वासनांची अद्याप पूर्तता झाली नसल्याचे सुमीत घोडेस्वार याने 'म.टा.'ला सांगितले. यासंदर्भात आ. तुकाराम काते यांच्याकडे विचारणा केली असता, राज्य सरकारकडून एक लाख रुपये लवकरच मिळतील, असे आश्वासन देत, सुमीतच्या पालिकेतील नोकरीसाठी प्रयत्न सुरू असल्याचे त्यांनी स्पष्ट केले.
झाडे कापण्यासाठी परवानगी
-पावसाळ्यापूर्वी पालिका झाडांच्या फांद्याच्या छाटणीचे काम करते. मात्र, शहराचा विस्तार पाहता सगळीकडे पोहचू शकत नाही, या कारणास्तव सरकारी यंत्रणांना तीन वर्षांसाठी त्यांच्या हद्दीतील झाडांच्या फांद्या छाटून टाकण्याची मुभा देण्यात आली आहे. त्यासाठी पालिकेची परवानगी घेण्याची आवश्यकता नाही, असे पालिकेने स्पष्ट केले आहे.
-सोसायटीच्या आवारातील फांद्या कापायच्या असतील तर पालिकेच्या विभाग कार्यालयात तक्रार करता येईल किंवा १९१६ या हेल्पलाइन क्रमांकावर तक्रार करता येईल, असेही पालिकेने स्पष्ट केले आहे.