वांद्रे-वरळी सागरी सेतूजवळील समुद्रात शुक्रवारी दुपारी आर्क डेक बार हे तरंगते रेस्तराँ बुडाले. या अपघाताची महाराष्ट्र मेरीटाइम बोर्डाकडून चौकशी केली जाणार असून त्यासाठी अधिकाऱ्यांचीही नियुक्ती करण्यात आली आहे. भरतीमुळे शनिवारी समुद्रात बुडालेले जहाज बाहेर काढण्यासाठी अडचणी येत होत्या. दोन दिवसांत ही बोट भाऊच्या धक्क्यावर आणण्याचा प्रयत्न असेल, अशी माहिती मेरीटाइम बोर्डाकडून देण्यात आली. मेरीटाइम बोर्डाचे मुख्य कार्यकारी अधिकारी विक्रम कुमार यांनी अपघाताच्या नेमक्या कारणांचा शोध घेण्यासाठी चौकशी करण्यात येणार असल्याचे सांगितले. त्यासाठी अधिकाऱ्यांची नियुक्तीही करण्यात आली आहे. या बोटीची दुरुस्ती होऊ शकते की नाही हे बोटीची स्थिती पाहिल्यानंतरच समजेल, असे कुमार म्हणाले.
दोन दिवसांत भाऊच्या धक्क्यावर
वांद्रे-वरळी सागरी सेतूजवळील समुद्रात शुक्रवारी दुपारी आर्क डेक बार हे तरंगते रेस्तराँ बुडाले...
Maharashtra Times 27 May 2018, 4:00 am