म. टा. विशेष प्रतिनिधी, मुंबई
मुंबईत सध्या तीन मेट्रो प्रकल्पांची कामे सुरू असताना पुढील महिन्यांपासून आणखी दोन प्रकल्पांच्या प्रत्यक्ष बांधकामांना सुरुवात होणार आहे. त्यापैकी एक प्रकल्प ठाण्याला जोडणारा असल्याने ठाण्यातही आता मेट्रो कामाचा धडाका उडेल. वडाळा- घाटकोपर- ठाणे - कासारवडवली मेट्रो ४ व डी.एन. नगर ते मानखुर्द मेट्रो २-ब, या असे हे दोन प्रकल्प असून, लोखंडवाला जोगेश्वरी कांजुरमार्ग या मेट्रो ६ प्रकल्पाच्या बांधकामाला डिसेंबर महिन्यात सुरुवात होणार आहे.
सध्या कुलाबा-वांद्रे-सीप्झ मेट्रो ३, अंधेरी पूर्व ते दहिसर पूर्व तसेच डी.एन.नगर ते अंधेरी या तीन प्रकल्पांची कामे प्रगतीपथावर आहेत. त्यापैकी मेट्रो ३ हा प्रकल्प भूमिगत आहे. तर, इतर दोन प्रकल्प हे एलिव्हेटेड आहेत. या प्रकल्पांसाठी उभारण्यात आलेले अनेक ठिकाणचे बॅरिकेड्स काढण्यात आले आहेत. बॅरिकेड्स काढण्यात आलेल्या भागात मेट्रोसाठी पिलर उभारण्याची कामेही बऱ्यापैकी पूर्ण झाली आहेत. काही भागात पिलरवर गर्डरही टाकण्यात आले आहेत. मेट्रो ३ या प्रकल्पानेही गती घेतली आहे. मुंबईच्या विविध भागात या प्रकल्पाची कामे जोरात सुरू असून लवकरच दक्षिण मुंबईतही प्रत्यक्ष खोदकामाला सुरूवात होणार आहे.
वडाळा ते कासारवडवली हा मार्ग मुंबई व ठाणे जिल्ह्याला जोडणार असल्याने तो महत्त्वाचा आहे. या प्रकल्पाचे काम एकाच वेळी मुंबई व ठाण्यातून सुरू होईल. त्यामुळे ठाणेही मुंबईप्रमाणे मेट्रोमय होईल. हा मार्ग प्रामुख्याने अत्यंत गजबजलेल्या एलबीएस मार्गवरून जात आहे. विक्रोळी, भांडुप, मुलुंड व ठाणे तीन हात नाका येथे जेव्हा या प्रकल्याचे काम सुरू होईल, तेव्हा येथील वाहतुकीवर मोठ्या प्रमाणावर परिणाम होण्याची शक्यता असून वाहतूक पोलिस व एमएमआरडीए त्यासाठी कोणता तोडगा काढणार याविषयी उत्सुकता आहे.
डी.एन.नगर ते मानखुर्द हा मार्ग पश्चिम उपनगरे व हार्बरवरील विभाग जोडणारा आहे. पश्चिम उपनगर, पूर्व उपनगर व हार्बरवरील विभाग असा मोठा प्रवास या प्रकल्पाचा आहे. त्यामुळे या भागातही कमालीची गजबज वाढणार आहे. या दोन्ही प्रकल्पांच्या बांधकामासाठी बॅरिकेडस उभारण्याची कामे सुरू झाली आहेत. लोखंडवाला ते कांजुरमार्ग या प्रकल्पामुळे जोगेश्वरी विक्रोळी लिंक रोडवर कामाचा धडाका उडेल. लिंक रोड आधीच वाहतुकीने गजबजलेला असतो. त्यामुळे या भागातून मेट्रोची कामे मार्गी लावणे हे आव्हानच असेल.
मुंबईत सध्या तीन मेट्रो प्रकल्पांची कामे सुरू असताना पुढील महिन्यांपासून आणखी दोन प्रकल्पांच्या प्रत्यक्ष बांधकामांना सुरुवात होणार आहे. त्यापैकी एक प्रकल्प ठाण्याला जोडणारा असल्याने ठाण्यातही आता मेट्रो कामाचा धडाका उडेल. वडाळा- घाटकोपर- ठाणे - कासारवडवली मेट्रो ४ व डी.एन. नगर ते मानखुर्द मेट्रो २-ब, या असे हे दोन प्रकल्प असून, लोखंडवाला जोगेश्वरी कांजुरमार्ग या मेट्रो ६ प्रकल्पाच्या बांधकामाला डिसेंबर महिन्यात सुरुवात होणार आहे.
सध्या कुलाबा-वांद्रे-सीप्झ मेट्रो ३, अंधेरी पूर्व ते दहिसर पूर्व तसेच डी.एन.नगर ते अंधेरी या तीन प्रकल्पांची कामे प्रगतीपथावर आहेत. त्यापैकी मेट्रो ३ हा प्रकल्प भूमिगत आहे. तर, इतर दोन प्रकल्प हे एलिव्हेटेड आहेत. या प्रकल्पांसाठी उभारण्यात आलेले अनेक ठिकाणचे बॅरिकेड्स काढण्यात आले आहेत. बॅरिकेड्स काढण्यात आलेल्या भागात मेट्रोसाठी पिलर उभारण्याची कामेही बऱ्यापैकी पूर्ण झाली आहेत. काही भागात पिलरवर गर्डरही टाकण्यात आले आहेत. मेट्रो ३ या प्रकल्पानेही गती घेतली आहे. मुंबईच्या विविध भागात या प्रकल्पाची कामे जोरात सुरू असून लवकरच दक्षिण मुंबईतही प्रत्यक्ष खोदकामाला सुरूवात होणार आहे.
वडाळा ते कासारवडवली हा मार्ग मुंबई व ठाणे जिल्ह्याला जोडणार असल्याने तो महत्त्वाचा आहे. या प्रकल्पाचे काम एकाच वेळी मुंबई व ठाण्यातून सुरू होईल. त्यामुळे ठाणेही मुंबईप्रमाणे मेट्रोमय होईल. हा मार्ग प्रामुख्याने अत्यंत गजबजलेल्या एलबीएस मार्गवरून जात आहे. विक्रोळी, भांडुप, मुलुंड व ठाणे तीन हात नाका येथे जेव्हा या प्रकल्याचे काम सुरू होईल, तेव्हा येथील वाहतुकीवर मोठ्या प्रमाणावर परिणाम होण्याची शक्यता असून वाहतूक पोलिस व एमएमआरडीए त्यासाठी कोणता तोडगा काढणार याविषयी उत्सुकता आहे.
डी.एन.नगर ते मानखुर्द हा मार्ग पश्चिम उपनगरे व हार्बरवरील विभाग जोडणारा आहे. पश्चिम उपनगर, पूर्व उपनगर व हार्बरवरील विभाग असा मोठा प्रवास या प्रकल्पाचा आहे. त्यामुळे या भागातही कमालीची गजबज वाढणार आहे. या दोन्ही प्रकल्पांच्या बांधकामासाठी बॅरिकेडस उभारण्याची कामे सुरू झाली आहेत. लोखंडवाला ते कांजुरमार्ग या प्रकल्पामुळे जोगेश्वरी विक्रोळी लिंक रोडवर कामाचा धडाका उडेल. लिंक रोड आधीच वाहतुकीने गजबजलेला असतो. त्यामुळे या भागातून मेट्रोची कामे मार्गी लावणे हे आव्हानच असेल.