मटा ऑनलाइन वृत्त । मुंबई
'स्टार्टअप' नावाची जादू एखाद्याच्या आयुष्याचा कसा कायापालट करू शकते याचं जिवंत उदाहरण मुंबईतील दोन बंधूंच्या रूपानं समोर आलं आहे. दिव्यांक आणि भाविन तुराखिया हे सख्खे भाऊ स्वत:ची स्टार्टअप कंपनी विकून एका रात्रीत अब्जाधीश झाले आहेत. अॅडव्हर्टायजिंग टेक्नोलॉजी क्षेत्रातील 'मीडिया डॉट नेट' ही स्टार्टअप कंपनी तुराखिया बंधूंनी एका चिनी गुंतवणूकदारांना ९०० मिलियन डॉलर म्हणजेच, ६० अब्ज रुपयांना विकली आहे. गुगलनं ७५० मिलियन डॉलरला खरेदी केलेल्या 'अॅडमोब' आणि ट्विटवरनं ३५० मिलियन डॉलरला विकत घेतलेल्या 'मोपब'च्या व्यवहारापेक्षा हा व्यवहार मोठा आहे.
मुंबईतील जुहू व अंधेरी भागात दिव्यांक आणि भाविन हे दोघे लहानाचे मोठे झाले. लहानपणापासूनच वेब आंथ्रप्रेनर बनवण्याचा दोघांचाही विचार होता. त्यातूनच त्यांनी 'मीडिया डॉट नेट'ची स्थापना केली. आज जगभरातील अॅड टेक कंपन्या नाजूक स्थितीमध्ये असताना मीडिया डॉट नेट चांगली कामगिरी करत होती. हेच हेरून चीनच्या शेअर मार्केटमध्ये लिस्टेड असणाऱ्या पेइचिंग मिटेनो कम्युनिकेशन टेक्नॉलॉजीनं मीडिया डॉट नेट विकत घेतली.
दिव्यांक आणि भाविननं वांद्रयातील आर्य विद्या मंदिर शाळेतून शिक्षण पूर्ण केलं आहे. सहा वर्षापूर्वी मीडिया डॉट नेट सुरू केल्यानंतर या दोघांनी भारतीय कंपन्यांना वेबसाईट बनवण्यात मदत करण्यास सुरुवात केली. दिव्यांकने नरसी मोनजी कॉलेजमधून तर, भाविनने सिडनॅम कॉलेजमधून पदवीचे शिक्षण पूर्ण केले. ही कंपनी मुंबईबरोबरच दुबई तसेच न्यूयॉर्कमध्येही कार्यरत आहे. याहू तसेच मायक्रोसॉफ्टसारख्या मोठ्या कंपन्यांच्या वेबसाइटवरील फ्लॅश जाहिराती बनवण्यात मीडिया डॉट नेटचा मोठा वाटा आहे. मागील वर्षी या कंपनीचे उत्पन्न २३० मिलियन डॉलर इतके होते.
तुराखिया बंधूंच्या मीडिया नेट कंपनीच्या कमाईतील ९० टक्के उत्पन्न हे अमेरिकन बाजारातून मिळते. तर कॅनडा आणि ब्रिटनमधील उद्योगातून १० टक्के उत्पन्न मिळते. चीन जगातील दुसरी सर्वात मोठी ऑनलाइन अॅडव्हर्टायजिंगची बाजारपेठ असल्याने पेइचिंग मिटेनोने इतकी मोठी रक्कम देऊन ही कंपनी विकत घेतल्याचं बोललं जात आहे.
'स्टार्टअप' नावाची जादू एखाद्याच्या आयुष्याचा कसा कायापालट करू शकते याचं जिवंत उदाहरण मुंबईतील दोन बंधूंच्या रूपानं समोर आलं आहे. दिव्यांक आणि भाविन तुराखिया हे सख्खे भाऊ स्वत:ची स्टार्टअप कंपनी विकून एका रात्रीत अब्जाधीश झाले आहेत. अॅडव्हर्टायजिंग टेक्नोलॉजी क्षेत्रातील 'मीडिया डॉट नेट' ही स्टार्टअप कंपनी तुराखिया बंधूंनी एका चिनी गुंतवणूकदारांना ९०० मिलियन डॉलर म्हणजेच, ६० अब्ज रुपयांना विकली आहे. गुगलनं ७५० मिलियन डॉलरला खरेदी केलेल्या 'अॅडमोब' आणि ट्विटवरनं ३५० मिलियन डॉलरला विकत घेतलेल्या 'मोपब'च्या व्यवहारापेक्षा हा व्यवहार मोठा आहे.
मुंबईतील जुहू व अंधेरी भागात दिव्यांक आणि भाविन हे दोघे लहानाचे मोठे झाले. लहानपणापासूनच वेब आंथ्रप्रेनर बनवण्याचा दोघांचाही विचार होता. त्यातूनच त्यांनी 'मीडिया डॉट नेट'ची स्थापना केली. आज जगभरातील अॅड टेक कंपन्या नाजूक स्थितीमध्ये असताना मीडिया डॉट नेट चांगली कामगिरी करत होती. हेच हेरून चीनच्या शेअर मार्केटमध्ये लिस्टेड असणाऱ्या पेइचिंग मिटेनो कम्युनिकेशन टेक्नॉलॉजीनं मीडिया डॉट नेट विकत घेतली.
दिव्यांक आणि भाविननं वांद्रयातील आर्य विद्या मंदिर शाळेतून शिक्षण पूर्ण केलं आहे. सहा वर्षापूर्वी मीडिया डॉट नेट सुरू केल्यानंतर या दोघांनी भारतीय कंपन्यांना वेबसाईट बनवण्यात मदत करण्यास सुरुवात केली. दिव्यांकने नरसी मोनजी कॉलेजमधून तर, भाविनने सिडनॅम कॉलेजमधून पदवीचे शिक्षण पूर्ण केले. ही कंपनी मुंबईबरोबरच दुबई तसेच न्यूयॉर्कमध्येही कार्यरत आहे. याहू तसेच मायक्रोसॉफ्टसारख्या मोठ्या कंपन्यांच्या वेबसाइटवरील फ्लॅश जाहिराती बनवण्यात मीडिया डॉट नेटचा मोठा वाटा आहे. मागील वर्षी या कंपनीचे उत्पन्न २३० मिलियन डॉलर इतके होते.
तुराखिया बंधूंच्या मीडिया नेट कंपनीच्या कमाईतील ९० टक्के उत्पन्न हे अमेरिकन बाजारातून मिळते. तर कॅनडा आणि ब्रिटनमधील उद्योगातून १० टक्के उत्पन्न मिळते. चीन जगातील दुसरी सर्वात मोठी ऑनलाइन अॅडव्हर्टायजिंगची बाजारपेठ असल्याने पेइचिंग मिटेनोने इतकी मोठी रक्कम देऊन ही कंपनी विकत घेतल्याचं बोललं जात आहे.