म. टा. विशेष प्रतिनिधी, मुंबई
राज्यातील स्मार्ट सिटी अभियानात निवड झालेल्या शहरांचा अद्ययावत विकास करण्यासाठी ओरॅकल या जगप्रसिद्ध कंपनीसोबत महाराष्ट्राचा सामंज्यस्य करार होणार आहे. त्यासाठी मुख्यमंत्री देवेंद्र फडणवीस हे रविवारी रात्री उशिरा अमेरिकेला रवाना होत आहेत.
ओरॅकल या कंपनीच्या निमंत्रणावरून मुख्यमंत्री फडणवीस अमेरिका दौऱ्यावर जात आहेत. प्रथमच ओरॅकल महाराष्ट्राशी सामंज्यस्य करार करत आहे. ओरॅकलने ओपन वर्ल्ड या आंतरराष्ट्रीय परिषदेचे आयोजन केले आहे. त्यात मुख्यमंत्र्यांचे प्रमुख भाषण होणार आहे. भारतात महाराष्ट्राच्याच मुख्यमंत्र्यांना हा मान मिळाला आहे. ओरॅकल कंपनीकडून महाराष्ट्रात राबविण्यात येणाऱ्या स्मार्ट अभियानासाठी महत्त्वाची मदत होणार आहे. भविष्यातील शहरांच्या गरजा विचारात घेवून सुविधा आणि यंत्रणा उभारण्यात ही कंपनी महत्त्वाची भूमिका बजावणार आहे. या कंपनीचे मिरा भाईदर, कल्याण, डोंबिवली आणि पिंपरी चिंचवड या तीन महापालिकांना सहकार्य मिळेल. त्यामुळे नव्या तंत्रज्ञानाच्या आधारे स्मार्ट सिटी होतील. ओरॅकल राज्यात सेंटर ऑफ एक्सलेन्स उभारेल. या दौऱ्यात मुख्यमंत्री फडणवीस हे कॅलिफोर्नियाचे गर्व्हनर जेरी ब्राऊन यांची भेटही घेणार असून, विविध कंपन्यांच्या प्रमुखांशीही चर्चा करतील. एच.पी. कंपनीलाही ते भेट देणार आहेत. मुख्यमंत्र्यांचा हा चार दिवसांचा दौरा आहे.
राज्यातील स्मार्ट सिटी अभियानात निवड झालेल्या शहरांचा अद्ययावत विकास करण्यासाठी ओरॅकल या जगप्रसिद्ध कंपनीसोबत महाराष्ट्राचा सामंज्यस्य करार होणार आहे. त्यासाठी मुख्यमंत्री देवेंद्र फडणवीस हे रविवारी रात्री उशिरा अमेरिकेला रवाना होत आहेत.
ओरॅकल या कंपनीच्या निमंत्रणावरून मुख्यमंत्री फडणवीस अमेरिका दौऱ्यावर जात आहेत. प्रथमच ओरॅकल महाराष्ट्राशी सामंज्यस्य करार करत आहे. ओरॅकलने ओपन वर्ल्ड या आंतरराष्ट्रीय परिषदेचे आयोजन केले आहे. त्यात मुख्यमंत्र्यांचे प्रमुख भाषण होणार आहे. भारतात महाराष्ट्राच्याच मुख्यमंत्र्यांना हा मान मिळाला आहे. ओरॅकल कंपनीकडून महाराष्ट्रात राबविण्यात येणाऱ्या स्मार्ट अभियानासाठी महत्त्वाची मदत होणार आहे. भविष्यातील शहरांच्या गरजा विचारात घेवून सुविधा आणि यंत्रणा उभारण्यात ही कंपनी महत्त्वाची भूमिका बजावणार आहे. या कंपनीचे मिरा भाईदर, कल्याण, डोंबिवली आणि पिंपरी चिंचवड या तीन महापालिकांना सहकार्य मिळेल. त्यामुळे नव्या तंत्रज्ञानाच्या आधारे स्मार्ट सिटी होतील. ओरॅकल राज्यात सेंटर ऑफ एक्सलेन्स उभारेल. या दौऱ्यात मुख्यमंत्री फडणवीस हे कॅलिफोर्नियाचे गर्व्हनर जेरी ब्राऊन यांची भेटही घेणार असून, विविध कंपन्यांच्या प्रमुखांशीही चर्चा करतील. एच.पी. कंपनीलाही ते भेट देणार आहेत. मुख्यमंत्र्यांचा हा चार दिवसांचा दौरा आहे.