म. टा. प्रतिनिधी, मुंबई
मुंबई विमानतळाच्या प्रवेशद्वाराजवळ शिवाजी महाराजांना उन्हातान्हात एकटे उभे करून ठेवले आहे. विमानतळ प्राधिकरण, जीव्हीके यांच्याकडे छत्रपती शिवाजी महाराजांच्या पुतळ्यावर छत्र उभारण्याची मागणी आम्ही वारंवार केली आहे. तुमची कुवत नसल्यास सांगा, शिवसेना इथे रायगड उभा करेल, असा इशारा शिवसेना पक्षप्रमुख उद्धव ठाकरे यांनी रविवारी येथे दिला आहे. महाराष्ट्राचे आराध्यदैवत छत्रपती शिवाजी महाराज यांच्या पुतळ्याचे पूजन करून शिवसेनेने तिथीनुसार शिवजयंती साजरी केली. त्यावेळी झालेल्या कार्यक्रमात ते बोलत होते.
पश्चिम द्रुतगती महामार्गाजवळ आंतरराष्ट्रीय विमानतळाच्या प्रवेशद्वारावर छत्रपती शिवरायांचा भव्य पुतळा आहे. या पुतळ्यासमोर रायगड किल्ल्याची भव्य प्रतिकृती उभारण्यात आली आहे. एका बाजूला महाराजांची मेघडंबरी आणि समाधी असा सेट तयार करण्यात आला आहे. उद्धव ठाकरे यांच्या हस्ते महाराजांच्या पुतळ्याला पुष्पहार अर्पण करण्यात आला. शिवरायांना मुजरा करण्यासाठी आपण दरवर्षी येथे येतो. शिवजयंती हा मराठी माणसासाठी दसरा, दिवाळी गुढीपाडव्यासारखा एक सण आहे. शिवसैनिक शिवजयंती एखाद्या सण उत्सवाप्रमाणे साजरी करतात याचा अभिमान वाटतो, असेही शिवसेना पक्ष प्रमुख उद्धव ठाकरे यांनी यावेळी स्पष्ट केले.
मुंबई विमानतळाच्या प्रवेशद्वाराजवळ शिवाजी महाराजांना उन्हातान्हात एकटे उभे करून ठेवले आहे. विमानतळ प्राधिकरण, जीव्हीके यांच्याकडे छत्रपती शिवाजी महाराजांच्या पुतळ्यावर छत्र उभारण्याची मागणी आम्ही वारंवार केली आहे. तुमची कुवत नसल्यास सांगा, शिवसेना इथे रायगड उभा करेल, असा इशारा शिवसेना पक्षप्रमुख उद्धव ठाकरे यांनी रविवारी येथे दिला आहे. महाराष्ट्राचे आराध्यदैवत छत्रपती शिवाजी महाराज यांच्या पुतळ्याचे पूजन करून शिवसेनेने तिथीनुसार शिवजयंती साजरी केली. त्यावेळी झालेल्या कार्यक्रमात ते बोलत होते.
पश्चिम द्रुतगती महामार्गाजवळ आंतरराष्ट्रीय विमानतळाच्या प्रवेशद्वारावर छत्रपती शिवरायांचा भव्य पुतळा आहे. या पुतळ्यासमोर रायगड किल्ल्याची भव्य प्रतिकृती उभारण्यात आली आहे. एका बाजूला महाराजांची मेघडंबरी आणि समाधी असा सेट तयार करण्यात आला आहे. उद्धव ठाकरे यांच्या हस्ते महाराजांच्या पुतळ्याला पुष्पहार अर्पण करण्यात आला. शिवरायांना मुजरा करण्यासाठी आपण दरवर्षी येथे येतो. शिवजयंती हा मराठी माणसासाठी दसरा, दिवाळी गुढीपाडव्यासारखा एक सण आहे. शिवसैनिक शिवजयंती एखाद्या सण उत्सवाप्रमाणे साजरी करतात याचा अभिमान वाटतो, असेही शिवसेना पक्ष प्रमुख उद्धव ठाकरे यांनी यावेळी स्पष्ट केले.