म. टा. प्रतिनिधी, मुंबई
पंतप्रधान नरेंद्र मोदींनी काल राज्यसभेत माजी पंतप्रधान मनमोहन सिंग यांच्यावर टीका करताना मनमोहन यांना बाथरूममध्ये रेनकोट घालून अंघोळ करण्याची कला अवगत असल्याचे म्हटले. असते कोणाकोणाला अशी काहीकाही कला अवगत. तशी तुम्हाला पण नाही का बिनसाबणाने बुडबुडे सोडण्याची कला अवगत आहे, असे म्हणत शिवसेना पक्षप्रमुख उद्धव ठाकरे यांनी गुरुवारी नरेंद्र मोदींवर पुन्हा एकदा थेट हल्ला चढवला.
मी बुडबुडे शब्द एवढ्यासाठी वापरला कारण बुडबुडा पारदर्शक असतो. ‘अच्छे दिन आयेंगे’, असे तुम्ही म्हणालात. पण ‘कब आयेंगे’, काही माहीत नाही, असे म्हणत उद्धव यांनी संध्याकाळी अंधेरी येथे पश्चिम उपनगरांतील पक्षाच्या उमेदवारांसाठी घेतलेल्या निवडणूक प्रचार सभेत मोदींवर टीका केली.
हुश्श सुटलो!
आज सकाळी वर्तमानपत्रे वाचत असताना आपण युती तोडली हे चांगले झाले. सुटलो, अशीच भावना माझ्या मनात आली. कारण एका वर्तमानपत्रात उल्हासनगरमधील एक फोटो पाहिला. त्या फोटोमध्ये मोदी, शहा यांच्यासोबत ओमी कलानी या गुंडासोबत माझाही फोटो झळकला असता. अशी युती आम्हाला नको आहे. त्यामुळे आई जगदंबेने, शिवरायांनी आपल्याला सुबुद्धी दिली आणि युती तोडली, हे चांगलेच झाले, असेही यावेळी उद्धव म्हणाले.
पंतप्रधान नरेंद्र मोदींनी काल राज्यसभेत माजी पंतप्रधान मनमोहन सिंग यांच्यावर टीका करताना मनमोहन यांना बाथरूममध्ये रेनकोट घालून अंघोळ करण्याची कला अवगत असल्याचे म्हटले. असते कोणाकोणाला अशी काहीकाही कला अवगत. तशी तुम्हाला पण नाही का बिनसाबणाने बुडबुडे सोडण्याची कला अवगत आहे, असे म्हणत शिवसेना पक्षप्रमुख उद्धव ठाकरे यांनी गुरुवारी नरेंद्र मोदींवर पुन्हा एकदा थेट हल्ला चढवला.
मी बुडबुडे शब्द एवढ्यासाठी वापरला कारण बुडबुडा पारदर्शक असतो. ‘अच्छे दिन आयेंगे’, असे तुम्ही म्हणालात. पण ‘कब आयेंगे’, काही माहीत नाही, असे म्हणत उद्धव यांनी संध्याकाळी अंधेरी येथे पश्चिम उपनगरांतील पक्षाच्या उमेदवारांसाठी घेतलेल्या निवडणूक प्रचार सभेत मोदींवर टीका केली.
हुश्श सुटलो!
आज सकाळी वर्तमानपत्रे वाचत असताना आपण युती तोडली हे चांगले झाले. सुटलो, अशीच भावना माझ्या मनात आली. कारण एका वर्तमानपत्रात उल्हासनगरमधील एक फोटो पाहिला. त्या फोटोमध्ये मोदी, शहा यांच्यासोबत ओमी कलानी या गुंडासोबत माझाही फोटो झळकला असता. अशी युती आम्हाला नको आहे. त्यामुळे आई जगदंबेने, शिवरायांनी आपल्याला सुबुद्धी दिली आणि युती तोडली, हे चांगलेच झाले, असेही यावेळी उद्धव म्हणाले.