मुंबईः पक्षामध्ये मोठ्या प्रमाणावर पडलेली फूट तसेच अलिकडेच राज्यात झालेले सत्तांतर या पार्श्वभूमीवर यंदा शिवसेनेचा पहिलाच दसरा मेळावा पार पडणार आहे. मात्र, दसरा मेळाव्यासाठी शिवाजी पार्कमध्ये कोणाला परवानगी मिळणार हा पेच कायम आहे. शिवसेनेनं दसरा मेळावा हा शिवतीर्थावरच होणार असल्याचा विश्वास व्यक्त केला आहे. जर शिवाजी पार्कमध्ये परवानगी मिळाली नाही तर इतर पर्यायांची चाचपणीही शिवसेनेनं सुरु केली आहे. शिवसेनेनं प्लान बी तयार केला आहे. (Shivsena)
एकनाथ शिंदे यांनी वेगळा गट स्थापन केल्यानंतर आपला गटच खरी शिवसेना असल्याचा दावा केला आहे. शिंदे गटातील आमदार सदा सरवणकर यांनी दसरा मेळाव्यासाठी शिवाजी पार्कचे मैदान मिळण्याकरता महापालिकेकडे अर्ज केला आहे. शिवसेनेच्या ठाकरे गटाचाही अर्ज महापालिका प्रशासनाकडे प्रलंबित आहे. मुंबई महापालिकेच्या आगामी निवडणुकीच्या पार्श्वभूमीवर दसरा मेळाव्यासाठी कोणत्या गटाला जागा मिळणार, याबाबत राजकीय वर्तुळात कमालीची उत्सुकता आहे.
गेली अनेक वर्षे शिवसेनेचा शिवाजी पार्कमध्ये दसरा मेळावा पार पडतो. मात्र यावेळी तिथे उद्धव ठाकरे यांचा मेळावा होणार की शिंदे गटाचा, याचा निर्णय अद्याप झालेला नाही. मात्र, तरीही शिवसेनेने शिवाजी पार्कमध्येच दसरा मेळावा घेण्यासाठी कंबर कसली आहे. बीकेसी येथील मैदानात मेळावा घेण्यासाठी एमएमआरडीएने शिंदे गटाला परवानगी दिली असली तरी शिवाजी पार्कमध्ये नेमकी कोणाला परवानगी मिळणार, याबाबत मुंबई महापालिकेने अद्याप निर्णय घेतलेला नाही. अशातच उद्धव ठाकरे यांनी दुसऱ्या पर्यायाची चाचपणी सुरू केली आहे. यावेळी उद्धव ठाकरे बाळासाहेबांची आयडिया वापरणार असल्याचंही चर्चेत आहे.
वाचाः पुणे: हिंदू राष्ट्र संघटनेच्या अध्यक्षावर हल्ला प्रकरण; तीन पोलिसांवर निलंबनाची कारवाई
मुंबई महापालिकेने शिवाजी पार्क मैदानासाठी परवानगी न दिल्यास शिवसेना थेट न्यायालयाची पायरी चढणार आहे. त्यामुळं दसरा मेळावा शिवतीर्थावरच होणार अशी ठाम भूमिका शिवसेनेनं घेतली आहे. पालिकेनं परवानगी नाकारल्यास कायदेशीररित्या काय भूमिका घेता येईल कायदेतज्ज्ञांचा सल्ला घेतला जात आहे. व वेळपडल्यास मुंबई उच्च न्यायालयात जाण्याची शिवसेनेची तयारी आहे. शिवसेना नेत्यानं ही माहिती दिली आहे.
वाचाः दसरा-दिवाळीत गृहिणींना मिळणार मोठा दिलासा; उच्चांकावर गेलेले खाद्यतेलाचे दर कमी होण्याची शक्यता
तर, महापालिकेनं जर प्रकरण अधिक ताणलं तर उद्धव ठाकरे थेट मैदानात जाऊन मेळावा घेतील, अशी भूमिका शिवसेनेनं घेतली आहे. दरम्यान, बाळासाहेब ठाकरेंनी त्यांच्या पहिल्या दसरा मेळाव्यावेळी टॅक्सीवर उभं राहून भाषण केलं होतं. त्यामुळं शिवाजी पार्क मैदानाबाबत काही निर्णय न झाल्यास उद्धव ठाकरेदेखील परवानगी न घेता शिवतीर्थावर मेळावा घेऊ शकतात, अशी माहिती सूत्रांनी दिली आहे.
वाचाः पठ्ठ्याने तब्बल २३ वर्ष मुंबई लोकलने केला फुकट प्रवास; पण एक चूक झाली अन् सगळा खेळच बिघडला
एकनाथ शिंदे यांनी वेगळा गट स्थापन केल्यानंतर आपला गटच खरी शिवसेना असल्याचा दावा केला आहे. शिंदे गटातील आमदार सदा सरवणकर यांनी दसरा मेळाव्यासाठी शिवाजी पार्कचे मैदान मिळण्याकरता महापालिकेकडे अर्ज केला आहे. शिवसेनेच्या ठाकरे गटाचाही अर्ज महापालिका प्रशासनाकडे प्रलंबित आहे. मुंबई महापालिकेच्या आगामी निवडणुकीच्या पार्श्वभूमीवर दसरा मेळाव्यासाठी कोणत्या गटाला जागा मिळणार, याबाबत राजकीय वर्तुळात कमालीची उत्सुकता आहे.
गेली अनेक वर्षे शिवसेनेचा शिवाजी पार्कमध्ये दसरा मेळावा पार पडतो. मात्र यावेळी तिथे उद्धव ठाकरे यांचा मेळावा होणार की शिंदे गटाचा, याचा निर्णय अद्याप झालेला नाही. मात्र, तरीही शिवसेनेने शिवाजी पार्कमध्येच दसरा मेळावा घेण्यासाठी कंबर कसली आहे. बीकेसी येथील मैदानात मेळावा घेण्यासाठी एमएमआरडीएने शिंदे गटाला परवानगी दिली असली तरी शिवाजी पार्कमध्ये नेमकी कोणाला परवानगी मिळणार, याबाबत मुंबई महापालिकेने अद्याप निर्णय घेतलेला नाही. अशातच उद्धव ठाकरे यांनी दुसऱ्या पर्यायाची चाचपणी सुरू केली आहे. यावेळी उद्धव ठाकरे बाळासाहेबांची आयडिया वापरणार असल्याचंही चर्चेत आहे.
वाचाः पुणे: हिंदू राष्ट्र संघटनेच्या अध्यक्षावर हल्ला प्रकरण; तीन पोलिसांवर निलंबनाची कारवाई
मुंबई महापालिकेने शिवाजी पार्क मैदानासाठी परवानगी न दिल्यास शिवसेना थेट न्यायालयाची पायरी चढणार आहे. त्यामुळं दसरा मेळावा शिवतीर्थावरच होणार अशी ठाम भूमिका शिवसेनेनं घेतली आहे. पालिकेनं परवानगी नाकारल्यास कायदेशीररित्या काय भूमिका घेता येईल कायदेतज्ज्ञांचा सल्ला घेतला जात आहे. व वेळपडल्यास मुंबई उच्च न्यायालयात जाण्याची शिवसेनेची तयारी आहे. शिवसेना नेत्यानं ही माहिती दिली आहे.
वाचाः दसरा-दिवाळीत गृहिणींना मिळणार मोठा दिलासा; उच्चांकावर गेलेले खाद्यतेलाचे दर कमी होण्याची शक्यता
तर, महापालिकेनं जर प्रकरण अधिक ताणलं तर उद्धव ठाकरे थेट मैदानात जाऊन मेळावा घेतील, अशी भूमिका शिवसेनेनं घेतली आहे. दरम्यान, बाळासाहेब ठाकरेंनी त्यांच्या पहिल्या दसरा मेळाव्यावेळी टॅक्सीवर उभं राहून भाषण केलं होतं. त्यामुळं शिवाजी पार्क मैदानाबाबत काही निर्णय न झाल्यास उद्धव ठाकरेदेखील परवानगी न घेता शिवतीर्थावर मेळावा घेऊ शकतात, अशी माहिती सूत्रांनी दिली आहे.
वाचाः पठ्ठ्याने तब्बल २३ वर्ष मुंबई लोकलने केला फुकट प्रवास; पण एक चूक झाली अन् सगळा खेळच बिघडला