विनाअनुदानित शाळांचे आंदोलन?

मुंबई ः महाराष्ट्र राज्य (कायम) विनाअनुदान‌ति शाळा कृती समितीच्या वतीने सोमवार, ३ जुलैपासून पुन्हा आंदोलनाचा इशारा देण्यात आला आहे. कोकण आणि मुंबई विभागाच्या वतीने आझाद मैदानात हे आंदोलन करण्यात येणार आहे.

राज्यातील १६६८ शाळांना २० टक्के अनुदान दिले असले तरी ते नियमानुसार मिळत नाही. या शाळांना त्वरित प्रचलित नियमानुसार निधी मंजूर करून अनुदान देण्यात यावे. अघोषीत प्राथमिक, माध्यमिक व उच्च माध्यमिक शाळा वर्ग तुकड्या निधीसह घोषीत करण्यात याव्यात. तसेच, ४ ऑक्टोबर २०१६च्या आंदोलकांवरील सर्व गुन्हे तत्काळ मागे घ्यावेत, या मागण्यांच्या पूर्ततेसाठी हे आंदोलन होणार आहे, अशी माहिती तात्यासाहेब म्हसकर यांनी दिली.