म. टा. विशेष प्रतिनिधी, मुंबई
मुंबईसह राज्यातून मान्सूनने माघार घेतल्यानंतर थंडीचे वेध लागले असले तरी तापमानात अनपेक्षितरित्या वाढ होत आहे. मुंबईत शुक्रवारी सांताक्रूझमध्ये तब्बल ३७ अंश सेल्सिअस तापमान नोंदण्यात आले. पुढील २४ तासांतही मुंबई व परिसरात तसेच समुद्र किनारपट्टीच्या भागात तापमानाचा पारा वाढलेला राहील, असा अंदाज आहे.
मान्सूनने माघार घेतल्यानंतर आग्नेय अरबी समुद्र व आसपासच्या भागातील चक्रीवादळाचा पट्टा आता पश्चिमेकडे सरकला आहे. हवामानातील या बदलानंतर सकाळच्या वेळेत थंडीची चाहूल मुंबई व आसपासच्या परिसरात लागली आहे. पण दुपारनंतर तापमानाचा पारा वाढण्यास सुरुवात झाली आहे. कुलाबा येथे तापमान ३६.३ अंश सेल्सिअस, तर सांताक्रूझमध्ये तब्बल ३७ अंश सेल्सिअस तापमान नोंदवण्यात आले. राज्यात किनारपट्टीच्या भागात तापमान वाढले आहे.
मुंबईसह राज्यातून मान्सूनने माघार घेतल्यानंतर थंडीचे वेध लागले असले तरी तापमानात अनपेक्षितरित्या वाढ होत आहे. मुंबईत शुक्रवारी सांताक्रूझमध्ये तब्बल ३७ अंश सेल्सिअस तापमान नोंदण्यात आले. पुढील २४ तासांतही मुंबई व परिसरात तसेच समुद्र किनारपट्टीच्या भागात तापमानाचा पारा वाढलेला राहील, असा अंदाज आहे.
मान्सूनने माघार घेतल्यानंतर आग्नेय अरबी समुद्र व आसपासच्या भागातील चक्रीवादळाचा पट्टा आता पश्चिमेकडे सरकला आहे. हवामानातील या बदलानंतर सकाळच्या वेळेत थंडीची चाहूल मुंबई व आसपासच्या परिसरात लागली आहे. पण दुपारनंतर तापमानाचा पारा वाढण्यास सुरुवात झाली आहे. कुलाबा येथे तापमान ३६.३ अंश सेल्सिअस, तर सांताक्रूझमध्ये तब्बल ३७ अंश सेल्सिअस तापमान नोंदवण्यात आले. राज्यात किनारपट्टीच्या भागात तापमान वाढले आहे.