मटा ऑनलाइन वृत्त । मुंबई
ज्येष्ठ कामगार नेते शरद राव यांचे आज मुंबईत निधन झाले. शरद राव गेल्या अनेक दिवसांपासून आजारी होते. राहत्या घरी त्यांची प्राणज्योत मालवली. ते ७५ वर्षांचे होते. राव यांच्या निधनाने महाराष्ट्रातील कामगार चळवळीने एक धडाडीचा नेता गमावला आहे. त्यांच्या पश्चात पत्नी, एक मुलगा, मुलगी आणि जावई व नातवंड आहेत.
म्युनिसिपल मजदूर युनियन, ऑटो-टॅक्सी मेन्स युनियन अशा संघटनांच्या माध्यमातून राव यांनी महाराष्ट्रातील कष्टकरी वर्गाला न्याय देण्यासाठी नेहमीच लढा दिला. राष्ट्रवादी काँग्रेसच्या माध्यमातून ते राजकारणातही उतरले. गोरेगाव मतदारसंघातून ते विधानसभेची निवडणूक लढले होते.
शरद राव यांची कारकिर्द
शरद राव यांनी बॉम्बे लेबर युनियनपासून सुरुवात केली. ७० ते ८० च्या दशकापासून ते कामगार चळवळीत संपूर्णपणे सक्रीय होते. जॉर्ज फर्नांडिस यांच्यासह बेस्ट वर्कस युनियनचे नारायण फेणानी या सारख्या आपल्यापेक्षा ज्येष्ठ मार्गदर्शकांबरोबर त्यांनी काम केलं. नंतर राज्यातील सर्वात मोठ्या म्युनिसिपल युनियन त्याचे ते सर्वेसर्वा बनले. हिंद मजदूर सभेचे ते पदाधिकारी आणि राष्ट्रीय कार्यकारणीवरही होते. ही देशभरातल्या समाजवादी विचारांच्या कामगार संघटनांची शिखर संघटना आहे. रिक्षा- टॅक्सी, फेरीवाले, हॉटेल कामगार युनियन अशा सर्व कामगार संघटनांचे नेतृत्त्व त्यांनी केले.
बरीच वर्ष त्यांनी समाजवादी पक्षाचं, जनता दल सेक्युलरचं काम पाहिलं. गेली अनेक वर्ष ते राष्ट्रवादी काँग्रेसबरोबर होते. विधानसभा निवडणूकही लढवली. पण एकाही निवडणुकीत ते निवडूण आले नाहीत. राष्ट्रवादीत गेल्यानंतरही त्यांनी मृणाल गोरेंसोबत चळवळीची अनेक कामं केली.
शनिवारी होणार अंत्यसंस्कार
शरद राव यांच्या कन्या कॅनडाला असतात. त्या परवा सकाळी मुंबईला येतील. तोपर्यंत शरद राव यांचं पार्थिव शितगृहात ठेवण्यात येईल. यानंतर ३ सप्टेंबरला शनिवारी सकाळी ७ ते १० या वेळेत शरद राव यांचं पार्थिव अंत्यदर्शनासाठी त्यांच्या राहत्या घरी ठेवण्यात येईल. तिथून त्यांची अंत्ययात्रा निघेल आणि दुपारी ओशिवरा स्मशानभूमी येथे अंत्यसंस्कार करण्यात येतील.
पत्ताः जलनिधी सोसायटी, बांगुर नगर, लिंक रोडच्या बाजूला, गोरेगाव (पश्चिम), मुंबई
ज्येष्ठ कामगार नेते शरद राव यांचे आज मुंबईत निधन झाले. शरद राव गेल्या अनेक दिवसांपासून आजारी होते. राहत्या घरी त्यांची प्राणज्योत मालवली. ते ७५ वर्षांचे होते. राव यांच्या निधनाने महाराष्ट्रातील कामगार चळवळीने एक धडाडीचा नेता गमावला आहे. त्यांच्या पश्चात पत्नी, एक मुलगा, मुलगी आणि जावई व नातवंड आहेत.
म्युनिसिपल मजदूर युनियन, ऑटो-टॅक्सी मेन्स युनियन अशा संघटनांच्या माध्यमातून राव यांनी महाराष्ट्रातील कष्टकरी वर्गाला न्याय देण्यासाठी नेहमीच लढा दिला. राष्ट्रवादी काँग्रेसच्या माध्यमातून ते राजकारणातही उतरले. गोरेगाव मतदारसंघातून ते विधानसभेची निवडणूक लढले होते.
शरद राव यांची कारकिर्द
शरद राव यांनी बॉम्बे लेबर युनियनपासून सुरुवात केली. ७० ते ८० च्या दशकापासून ते कामगार चळवळीत संपूर्णपणे सक्रीय होते. जॉर्ज फर्नांडिस यांच्यासह बेस्ट वर्कस युनियनचे नारायण फेणानी या सारख्या आपल्यापेक्षा ज्येष्ठ मार्गदर्शकांबरोबर त्यांनी काम केलं. नंतर राज्यातील सर्वात मोठ्या म्युनिसिपल युनियन त्याचे ते सर्वेसर्वा बनले. हिंद मजदूर सभेचे ते पदाधिकारी आणि राष्ट्रीय कार्यकारणीवरही होते. ही देशभरातल्या समाजवादी विचारांच्या कामगार संघटनांची शिखर संघटना आहे. रिक्षा- टॅक्सी, फेरीवाले, हॉटेल कामगार युनियन अशा सर्व कामगार संघटनांचे नेतृत्त्व त्यांनी केले.
बरीच वर्ष त्यांनी समाजवादी पक्षाचं, जनता दल सेक्युलरचं काम पाहिलं. गेली अनेक वर्ष ते राष्ट्रवादी काँग्रेसबरोबर होते. विधानसभा निवडणूकही लढवली. पण एकाही निवडणुकीत ते निवडूण आले नाहीत. राष्ट्रवादीत गेल्यानंतरही त्यांनी मृणाल गोरेंसोबत चळवळीची अनेक कामं केली.
शनिवारी होणार अंत्यसंस्कार
शरद राव यांच्या कन्या कॅनडाला असतात. त्या परवा सकाळी मुंबईला येतील. तोपर्यंत शरद राव यांचं पार्थिव शितगृहात ठेवण्यात येईल. यानंतर ३ सप्टेंबरला शनिवारी सकाळी ७ ते १० या वेळेत शरद राव यांचं पार्थिव अंत्यदर्शनासाठी त्यांच्या राहत्या घरी ठेवण्यात येईल. तिथून त्यांची अंत्ययात्रा निघेल आणि दुपारी ओशिवरा स्मशानभूमी येथे अंत्यसंस्कार करण्यात येतील.
पत्ताः जलनिधी सोसायटी, बांगुर नगर, लिंक रोडच्या बाजूला, गोरेगाव (पश्चिम), मुंबई