मुंबई : "उद्धव ठाकरे म्हणजे आयत्या बिळावरचा नागोबा आहे. एक नंबरचा लबाड लांडगा, सगळं काही स्वर्थासाठी करतो. त्याचं शिवसेना पक्षवाढीसाठी योगदान काय? फक्त भाषणं करुन टोमणे मारायचे, एवढंच त्याचं काम. उद्धव ठाकरेंचं कुटुंब संपलंच आहे, त्यांना संपविण्याची कुणाला गरज नाही. संपलेल्यांना काय संपवणार...? प्रत्येक भाषणात मर्द शब्दाचा उल्लेख.. अरे किती वेळा मर्द आहे सांगतो, तुला तपासावं लागेल, आयुष्यात मर्दासारखं एक काम केलं नाही. सगळी कामं दुसऱ्यांकडून करून घेतली, अशा आक्षेपार्ह शब्दात अख्ख्या पत्रकार परिषदेत केंद्रीय मंत्री नारायण राणे यांनी माजी मुख्यमंत्री उद्धव ठाकरेंवर एकेरी भाषेत टीका केली. शिवसेना पक्षप्रमुख उद्धव ठाकरे यांनी काल गोरेगावच्या नेस्को मैदानावर मुंबईतील गटप्रमुखांना संबोधित केलं. विराट मेळाव्यात त्यांनी भाजप आणि शिंदे गटावर कडाडून हल्ला चढवला तर राज ठाकरे यांचा उल्लेख पुन्हा 'मुन्नाभाई' करत त्यांना डिवचण्याचा प्रयत्न केला. मुंबईचे लचके तोडण्यासाठी काही गिधाडं मुंबईवर घिरट्या घालत आहेत. पण मुंबईचा आणि कमळाबाईचा संबंध काय? असा थेट सवाल करत हिंदू मुस्लिम भेद करुन दाखवा, मुस्लिम शिवसेनेसोबत आहे, मराठी-अमराठी भेद करा, अमराठी बांधव आमच्यासोबत आहेत, असं सांगत उद्धव ठाकरे यांनी काल गोरेगावच्या नेस्को मैदानावरुन भाजपला ललकारलं. तसेच गटप्रमुखांच्या मेळाव्यातूनच दसरा मेळाव्याआधीचा 'ट्रेलर' दाखवून मुंबई महापालिका निवडणुकीचं रणशिंगही फुंकलं. उद्धव ठाकरे यांच्या याच भाषणाची चिरफाड करण्यासाठी नारायण राणे यांनी राजधानी नवी दिल्लीत पत्रकार परिषद घेतली. यावेळी राणे चांगलेच आक्रमक झाले होते.
"नैराश्यातून उद्धव ठाकरे यांनी काल भाषण केलं. उद्धव ठाकरे यांचं शिवसेना वाढीसाठी योगदान काय? निष्ठावंतांच्या रक्तावर शिवसेना वाढली. उद्धव ठाकरे केवळ आयत्या बिळावर नागोबा आहेत. उद्धव ठाकरेंनी किती मराठी माणसांना घरं दिली, नोकऱ्या दिल्या? उद्धव ठाकरेंनी जास्त बोलू नये. त्यांना तोंड बंद करु. संजय राऊत यांच्यासारखं उद्धव ठाकरेही जेलमध्ये जातील. आमचा कोथळा काढण्याची भाषा करताय, आमच्याकडे बघितले तरी आम्ही डोळे काढू", अशी धमकीच नारायण राणेंनी ठाकरेंना दिली. तसेच अमित शहांना गिधाड म्हणता. चांगले शब्द नाहीत का? औकात आहे का तुझी? अशी टीका करताना राणेंनी पातळी सोडली.
मर्द असाल आणि हिम्मत असेल तर मुंबई पालिकेची निवडणूक महिनाभरात घेऊन दाखवा, असं आव्हान उद्धव ठाकरे यांनी काल गोरेगावच्या नेस्को मैदानातील सभेत बोलताना भाजपला दिलं. त्यांच्या याच आव्हानाची राणेंनी खिल्ली उडवली. "तुझा अभ्यास वगैरे काही आहे की नाही? हे सगळे निर्णय एखादा पक्ष घेत नाही, असे निर्णय संबंधित परिस्थिती पाहून निवडणूक आयोग घेतो. ढ विद्यार्थी कुठचा..." अशा शब्दात राणेंनी ठाकरेंना डिवचलं.
तसेच भाजपवर शरसंधान साधणाऱ्या ठाकरेंना नारायण राणेंनी इशारा दिला. "मोदींच्या कामासमोर उद्धव ठाकरे नखाएवढाही नाही. तो काय त्यांच्या कामावर बोलतो. उद्धव ठाकरे संपल्यात जमा आहे. जास्त बोलाल तर तोंड बंद करेन. महाराष्ट्रातही फिरु देणार नाही", अशी धमकीच राणेंनी उद्धव ठाकरेंना दिली.
"नैराश्यातून उद्धव ठाकरे यांनी काल भाषण केलं. उद्धव ठाकरे यांचं शिवसेना वाढीसाठी योगदान काय? निष्ठावंतांच्या रक्तावर शिवसेना वाढली. उद्धव ठाकरे केवळ आयत्या बिळावर नागोबा आहेत. उद्धव ठाकरेंनी किती मराठी माणसांना घरं दिली, नोकऱ्या दिल्या? उद्धव ठाकरेंनी जास्त बोलू नये. त्यांना तोंड बंद करु. संजय राऊत यांच्यासारखं उद्धव ठाकरेही जेलमध्ये जातील. आमचा कोथळा काढण्याची भाषा करताय, आमच्याकडे बघितले तरी आम्ही डोळे काढू", अशी धमकीच नारायण राणेंनी ठाकरेंना दिली. तसेच अमित शहांना गिधाड म्हणता. चांगले शब्द नाहीत का? औकात आहे का तुझी? अशी टीका करताना राणेंनी पातळी सोडली.
मर्द असाल आणि हिम्मत असेल तर मुंबई पालिकेची निवडणूक महिनाभरात घेऊन दाखवा, असं आव्हान उद्धव ठाकरे यांनी काल गोरेगावच्या नेस्को मैदानातील सभेत बोलताना भाजपला दिलं. त्यांच्या याच आव्हानाची राणेंनी खिल्ली उडवली. "तुझा अभ्यास वगैरे काही आहे की नाही? हे सगळे निर्णय एखादा पक्ष घेत नाही, असे निर्णय संबंधित परिस्थिती पाहून निवडणूक आयोग घेतो. ढ विद्यार्थी कुठचा..." अशा शब्दात राणेंनी ठाकरेंना डिवचलं.
तसेच भाजपवर शरसंधान साधणाऱ्या ठाकरेंना नारायण राणेंनी इशारा दिला. "मोदींच्या कामासमोर उद्धव ठाकरे नखाएवढाही नाही. तो काय त्यांच्या कामावर बोलतो. उद्धव ठाकरे संपल्यात जमा आहे. जास्त बोलाल तर तोंड बंद करेन. महाराष्ट्रातही फिरु देणार नाही", अशी धमकीच राणेंनी उद्धव ठाकरेंना दिली.